29.10.03
Ég er nánast flutt hingað
Mæli með að þið farið að fylgjast með Hafdísi í stað bjútíkvín...
Þakka frábærar samverustundir!
Bjútíkvín!
posted @ 18:35
+ + +
Ég er að flytja...
posted @ 18:26
+ + +
28.10.03
Mér finnst síðan mín svo ótrúlega leiðinleg núna og finnst allt svo leiðinlegt á henni og því er ég að hugsa um að fara að gera róttækar breytingar á henni. Langar að fara að segja eitthvað skemmtilegt líka - það væri þá í fyrsta skipti.
Þessi skemmtilegheit byrja þó væntanlega ekki alveg strax þar sem ég hef ekki tíma til að breyta neinu áður en ég fer á æfingu og svo er ég svo lítið með tölvu - hef ég einhvern tímann minnst á það áður? Ætla að drífa mig upp í vikunni og reyna að fikta eitthvað.
Er að fara á fyrstu æfinguna mína í hálfa viku og er því frekar spennt og ætla að mæta á réttum tíma - ef mér tekst að vekja afmælisbarnið.
Sveinbjörn er einmitt loksins orðinn 22 ára. JEI, loksins er ég ekki árinu eldri. Hjúkket.
posted @ 17:10
+ + +
27.10.03
Ég var að fá útúr aðferðafræðiprófinu mínu, mér gekk bara nokkuð vel, svona svipað og ég reiknaði með en þó kom mér á óvart að vera hærri í aðferðafræðihlutanum heldur en í tölfræði þar sem ég var bara búin að læra undir tölfræðihlutann. Ég hef alltaf verið frekar flink í klaufavillunum og þykir líklegt að ég hafi gert nokkrar slíkar - hafði ekki tíma til að fara yfir prófið sökum tímaskorts. Ég er alla vega sátt og þá er það bara gott.
Þetta var annars frekar erfið helgi hjá mér. Fór í próf á laugardaginn og var frekar stressuð um nóttina og tókst ekki að sofna fyrr en 5 um nóttina. Gekk samt ágætlega í prófinu held ég en það er erfitt að segja fyrir um gengi í krossaprófum, tók nokkra sénsa og fannst valmöguleikarnir ekki alltaf voða sniðugir. Held að ég hafi kunnað sumt of vel.
Á laugardaginn var ég svo að passa litla frænda minn. Við höfðum það bara gott og lágum upp í sófa og lásum bækur fram eftir kvöldi, ég rifjaði upp góð kynni við herramannabækurnar og get ekki annað sagt en að þær eldist vel því að mér þykja þær enn skemmtilegar ; )
Ég átti líka í erfiðleikum með að sofa þá nóttina og sofnaði ekki fyrr en Sveinbjörn kom heim af djamminu. Litli kútur skreið svo uppí til okkar klukkutíma eftir að Sveinbjörn kom og eftir það var ekki mikið sofið fyrir spörkum og hamagangi í þeim stutta. Hann reif frænku sína síðan á fætur fyrir átta og var hinn hressasti. Ég þurfti að setja saman þyrlu, horfa á Pappírs-Pésa og leika með bangsana - sem sagt mikið stuð. Við vöktum Sveinbjörn svo á kristilegum tíma og drógum hann með okkur að skoða flugvélarnar.
Ég var svo að leka niður úr þreytu seinni partinn í gær en harkaði af mér á meðan Sveinbjörn lagði sig í annað skipti um daginn og las nokkrar blaðsíður í sálfræðibókinni minni. Rétt hafði það af að mæta í matarboð til tengdó en upp úr því hresstist ég og sofnaði ekki fyrr en á miðnætti. Það var svo þreytt kona sem staulaðist á fætur kl.9:30 og dreif sig í tíma.
Ég er ekki frá því að ég sofni snemma í kvöld.
Þetta var sem sagt róleg helgi sem hefði mátt nýta betur til svefns.
Næstu helgi hyggst ég sletta all rækilega úr klaufunum, segi það alla vega núna, en ég fer ekki aftur í próf fyrr en í lok nóvember.
Líf mitt er ekki meira spennandi en þetta í bili, njótið.
posted @ 14:02
+ + +
23.10.03
Dr. Bjössi, það var eitt sem ég var að velta fyrir mér í sambandi við bernskuminningar. Sálfræðibókin mín segir að börn eigi engar minningar fyrr eftir að þau eru 2 og hálfs til þriggja ára.
Þú sagðist eiga minningu með afa þínum að þið hefðuð pissað í kross. Í sambandi við það vil ég bara spyrja, varst þú farin að pissa standandi áður en þú varst þriggja ára?
Það er talið að börn muni ekkert frá barnæsku þar sem vísbendingarnar séu öðruvísi. Þegar við munum eitthvað notum við oft vísbendingar sem hjálpa til við upprifjunina. Þegar börn eignast minningar líta hlutir allt öðruvísi út, þau komast ekki upp í sófann án erfiðis, geta ekki opnað hurðir og sjá ekki almennilega upp á borð. Við munum sem sagt ekki minningarnar okkar frá barnæsku þar sem allt lítur öðruvísi út þegar við eldumst, náum ekki að rifja þær upp.
Svoleiðis skil ég þetta alla vega...
posted @ 23:19
+ + +
Er á fullu að lesa fyrir próf sem ég fer í á laugardaginn, gaman að eyða helgunum sínum í að læra fyrir próf. Var að hugsa um að sletta úr klaufunum með Ernu á laugardaginn en mundi svo að ég var búin að lofa að passa uppáhaldsfrænda minn yfir nótt og að sjálfsögðu svík ég það ekki. Ekki á hverjum degi sem ég get knúsað hann. Ég verð líka örugglega mjög þreytt eftir prófið og því verður gott að horfa bara á sjónvarpið og fara snemma í bólið. Er að hugsa um að bjóða systur minni á systrakvöld, alltof langt síðan við gerðum eitthvað saman bara tvær. Hún er líka hætt að vera lítil, er komin í 10.bekk - litla systir mín er orðin stór. Bráðum fer ég að ráðleggja henni í strákamálum og að dæma hugsanlega kandídata um stöðuna mágur minn - greyið þeir.
Erna er þó ekki alveg sátt við mig að svíkja sig svona en ég bæti henni þetta bara upp næstu helgi. Held að ég verði betri djammfélagi þegar ég er ekki að fara í próf!!! Ég þarf líka að læra á sunnudaginn svo að þetta er ágætis lausn. Ég reikna þó með að vera vakin upp eldsnemma á sunnudagsmorgun og dregin í að gera eitthvað skemmtilegt.
Reikna reyndar með að það verði skrýtnast að sofa ein og yfirgefin, er vön því að hafa Sveinbjörn mér við hlið. Enda á því að plata hann til að koma bara til okkur út í Kópavog ; ) Hver býðst til að sækja hann í bæinn um miðja nótt og skutla honum til mín?
posted @ 23:15
+ + +
19.10.03
Bergur benti mér á að fara inn á VH1.com í gær í kjölfarið af því að hann spurði mig hvað væri best love song ever. Mér fannst ég varla geta valið eitt sem besta lagið en minntist á einhver sem mér finnst góð og var sammála Berg í hans vali. Á VH1 er listi yfir 100 best love songs ever. Okkar lög komust þó ekkert sérlega ofarlega á listann, Bergur náði að vísu 6.sætinu með unchained melody en ég komst ekki nálægt því. Ég leit síðan yfir þennan lista
og get ekki annað sagt en að ég hafi ekki verið alveg sammála honum og eiginlega langt því frá. I will always love you með Whitney Houston er langt frá því að vera besti ástaróður ever, það er alveg ágætt lag en ekki það besta. Ég er alla vega ekki sammála þessum lista.
Mér finnst til dæmis I´m already there með Lonestar mjög gott lag en ég held að það hafi ekki einu sinni komist á listann. Finnst textinn í því lagi mun tilkomu meiri en texti Whitneyar. Kannski er fjölskylduást ekki eins mikils metin - hvað veit ég.
Hvet ykkur til að kíkja á þetta bull.
Ég skemmti mér ljómandi vel yfir IDOL á föstudagskvöldið, finnst litli dökkhærði, krullhærði með píanóflautuna svo sætur, skilst að hann heiti Helgi Rafn. Ég held soldið með honum! Held að vísu líka með Kalla töffara þar sem hann bjó á Vopnafirði einu sinni og ég þekki hann - væri nú gaman að þekkja einhverja STÓRSTJÖRNU.
Birgitta Haukdal virðist hafa horfið af yfirborði jarðar, ég hef ekki séð henni bregða fyrir undanfarið, hvað er að gerast. Er hún ekki spennandi lengur eftir að hún hætti með Hanna?
Ég skil ekki hvernig þessi hljómsveit á að ganga ef þau eru hætt saman, ég segi að Hanni fái að fjúka! Annars held ég að ÍRAFÁR myndi ekki gera neina vitleysu í að losa sig við Birgittu, ég held að hún verði brátt útdauð. Hvað ætli hún hefði komist langt í svona IDOL keppni? Munið þið eftir henni í söngvakeppni framhaldsskólanna, hún var hryllingur. Hefur bara skánað síðan. Annars er ég farin að kunna ágætlega við stelpugreyið. Við sveitalubbarnir verðum að standa saman!
Eru frjálsíþróttamenn að fara að mæta á FRÍ-hóf? Ég get ekki gert upp við mig hvort ég á að tíma að fara, finnst þetta soldið dýrt!
posted @ 16:45
+ + +
18.10.03
One down, one to go...
Kláraði aðferðafræðiprófið mitt með stæl í dag - vona ég alla vega. Ef ég fæ ekki ágæta einkunn í þessu má ég hundur heita. Fannst prófið alla vega mjög sanngjarnt og sleppti bara einni spurningu - var ekki alveg viss hvert væri rétt svar og þorði ekki að taka neina sénsa. Þetta var samt eina spurningin sem ég var ekki alveg viss um, var nokkuð viss um allt hitt þó að mér hafi áreiðanlega tekist að gera einhverjar klaufavillur. Oft erfitt að gera upp á milli, 1 og 2 eru réttir, 1. 2 og 3 eru réttir og svo framvegis. Gat samt stundum útilokað þannig svör ef ég vissi að svar nr. 2 var vitlaust.
Gekk þó mun betur með tölfræðihluta prófsins.
Þar sem ég er að fara í annað próf eftir viku fór ég beint í að læra fyrir það, tók mér þó pásu til að hreyfa á mér spikið og fara í mat til tengdamömmu.
Í þessum skrifuðu orðum er ég mikið að velta jólunum fyrir mér og hef reyndar gert það í þó nokkuð langan tíma. Veit ekki alveg hvort mér finnst vera jól ef rjúpur eru ekki á boðstólnum, það að sjá pabba ekki hamfletta þær og vesenast í að taka innan úr þeim, finna ekki rjúpnalyktina og fá ekki rjúpnasalatið og góðgætið eru held ég bara ekki jól. Það er engin lausn að kaupa erlendar rjúpur þar sem pabba ber ekki rjúpur sem aðrir hafa skotið á sín borð. Ég skil það sjónarmið reyndar mjög vel þó að ég sé ekki mikill veiðimaður í mér.
Ef ég væri rík myndi ég áreiðanlega fara úr landi um jólin og skella mér á heitari staði. Hugsa að ég myndi alveg sætta mig við að fara í skíðaferð en sólin heillar mig mun meira ; )
Held að það verði líka skrýtið að skreyta íbúðina mína um jólin og fara frá mömmu og pabba á aðfangadag heim til mín.
Ég er reyndar búin í prófum 15. des og ætti því að hafa nægan tíma til að skreyta áður en stórhátíðin gengur í garð.
Veit ekki alveg afhverju ég er að stúdera þetta svona, það er ekki eins og jólin séu á næsta leiti. Þegar maður er að læra mikið verður maður að hafa eitthvað til að horfa til, einhverrar skemmtunar. Án rjúpunnar verður þetta reyndar ekki næstum eins skemmtilegt en ég verð bara að reyna að sættast við svínið, en ég er ekki mikill aðdáandi svínakjöts - vissuð þið að svín svitna ekki - þess vegna velta þau sér upp úr forinni! Þvílík vitneskja.
Ég er greinilega ekki mikill penni í dag, geri vonandi aðra og betri tilraun á morgun.
posted @ 22:33
+ + +
16.10.03
Líf mitt er fullt af spennandi atburðum þessa dagana. Þar má helst telja svefn, æfingar og lærdóm. Ég er nefnilega að fara í próf næstu tvo laugardaga. Ég hef líka verið voða löt að kíkja á netið seinustu daga en það var liður í læra-meira-áætluninni minni. Mér gengur bara nokkuð vel að æfa og er mjög hamingjusöm með nýja þjálfarann minn. Fyrir þá sem ekki vita heitir hann Þráinn Hafsteinsson og hann var meðal annars ástæðan fyrir því að ég fór að æfa með ÍR - hann og vegalengdin í Kópavoginn. Hafdís ætlaði nefnilega upphaflega að æfa með Aftureldingu eða Breiðabliki og mætti á nokkrar æfingar hjá þessum liðum sumarið og haustið 1997.
Ég var að læra það um daginn að flestir telja sig vera yfir meðallagi. Í könnunum segir fólk að það sé yfir-meðallagi hvað varðar félagstengsl og annað.
Ansans ég var búin að skrifa fullt um hvað ökumenn telja sig vera yfir meðallagi en tókst svo að ýta á eitthvað drasl á lyklaborðinu og þurrka það allt út - veit ekki alveg hvað ég gerði.
Núna er ég sem sagt búin að eyða fullt af tíma í ekki neitt - gott Hafdís.
Verð að halda áfram að læra og verð því að skrifa skemmtilegu söguna mína inn seinna.
posted @ 12:25
+ + +
12.10.03
Undur og stórmerki.
Ungfrúin góða reif sig á fætur á laugardagsmorgni og hóf lestur námsbóka. Klukkustund síðar þegar húsbóndinn á heimilinu reis úr rekkju var haldið á vit ævintýranna skokkandi. Eftir smá brennslu hélt lestur áfram fram eftir degi þar til Íslendingar tókust á við Þjóðverja. Á meðan því stóð greip mikill taugatitringur heimilismeðlimi og taugarnar voru þandar reglulega, mikið var klappað, öskrað og staðið upp en allt kom fyrir ekki. Ungfrúin æsti sig mikið í garð þeirra sem hafa rússneskt ríkisfang og var mjög tilbúin í að lúskra aðeins á ónefndum svartklæddum aðila sem einmitt var rússneskur en virkilega grænn að innan. Ungfrúin var þó sérlega ánægð með Árna Gaut Arason og telur að skyldleiki hann við hina elskuna sína hafi haft úrslitaáhrif.
Seinnipart dags mætti ástkær þriggja ára frændi ungfrúarinnar í heimsókn og höfðu heimilismeðlimir það verkefni að annast hann það sem eftir lifði dags. Flugvélaskoðanir tóku góðan toll af deginum ásamt því að máltíð á Pizza Hut tók aðeins 3 tíma þar sem yngsti meðlimurinn gat bara tekið einn bita á milli þess sem hann hljóp hring eftir hring, sat á gólfinu og hljóp upp stigann. Ásamt því að skoða nærtækan skáp rækilega. Eftir öll þessi hlaup og át steinsofnaði hann í bílnum á leið til foreldra sinna. Áður en hann sofnaði náði hann þó að óska eftir því að svartar og grænar flugvélar yrðu skoðaðar en sættist líka á að þær yrðu hvítar, gular og bláar - sem gaf okkur mun fleiri möguleika. Hann náði þó ekki að berja vélarnar augum annað skipti þann daginn og steinsvaf þegar faðir hans bar hann inn - hann er yndislegur þessi elska. Reglulega fengu heimilismeðlimir að heyra að þeir væru vinir hans og að ungfrúin væri frænka hans. Að öðrum ólöstuðum er hann í miklu uppáhaldi og bráðlega fá heimilismeðlimir að njóta hans yfir nótt líka - reikna með að það seinki barneignum fjölskyldunnar litlu um nokkur ár ; )
Dagurinn í dag fer væntanlega í lestur sálfræði og einnig æltar ungfrúin sér að tækla nokkra aðferðafræðikafla - helst þrjá. Hún er þó það skynsöm að átta sig á því að þessu nær hún ekki öllu í dag. Ef ég þekki hana rétt gefst hún upp eftir einn sálfræðikafla og lætur það gott heita í dag!!!
Það er ekki gott að vera latur.
posted @ 13:13
+ + +
10.10.03
Ég hef verið sambandslaus við umheiminn síðustu daga. frekar óþægilegt að hafa bara fartölvu sem húsbóndinn þvælist með í skólann en ljósi punkturinn og jafnframt sá dökki í því er að þá getur ungfrúin góða ekki verið að þvælast á netinu allan daginn ; )
Ég var með saumaklúbb í gær, þetta var fyrsti saumaklúbbinn sem aðstoðar móður minnar naut ekki við - alla vega ekki beint. Ég var þó í frekar stöðugu símasambandi við hana í gær. Tókst nú samt að klúðra nokkrum hlutum...en þetta kemur víst með æfingunni.
Við horfum svo á Bachelor saman og vorum alveg ótrúlega sammála með hver er að standa sig og hver ekki. Þetta kvöld heppnaðist sem sagt með ágætum alveg hreint! Veit ekki til þess að stelpurnar séu veikar í dag svo að þetta fór allt fram úr vonum!
Þarf að vera dugleg í dag þar sem gærdagurinn fór í að standa yfir pottunum...
Lofa að láta ekki líða svona langt á milli næst.
posted @ 13:37
+ + +
5.10.03
Andri og Tóta kíktu til okkar á föstudagskvöldið og við grilluðum saman og höfðum gaman, röltum niður í bæ og uppgötvuðum þar að við erum mörgum árum yfir meðalaldri - frekar slæmt. Skemmtum okkur þó mjög vel og vorum lengi að...
Í gærkvöldi buðu þau okkur svo í innflutningspartý og þar skoruðum við Sveinbjörn og Robbi á nokkra blika í Partý&Co. ÍR fór að sjálfsögðu með sigur af hólmi eftir gríðarlegan endasprett þar sem við ÍR-ingarnar sýndum okkar bestu hliðar. Mikil pressa var á liðsmönnum beggja liða þar sem áhorfendur voru í tonnatali og hefði oft á tíðum mátt heyra saumnál detta á milli spretta, svo mikil var spennan. Við Robbi vorum búin að predika í byrjun að við mættum ekki tapa þar sem þá yrði skrattinn laus.
Þetta kvöld heppnaðist með ágætum og mega þau skötuhjú vera ánægð með íbúðina því að hún er mjög hugguleg og verður áreiðanlega enn glæsilegri þegar þau ljúka við að koma sér fyrir - fluttu bara inn fyrir viku.
Við Sveinbjörn höfum ekki enn sýnt íbúðina okkar formlega með innflutningspartýi en það er aldrei að vita hvað gerist á næstu dögum. Samkvæmt þessari elsku eru allir frjálsíþróttamenn hættir að skemmta sér þar sem æfingatímabilið er byrjað. Ég er þessari staðhæfingu ekki sammála og býð sjálfa mig fram sem dæmi um annað! Ég hef voðalega lítið djammað á djammtímabilinu og á það því ennþá eftir. Er alveg sannfærð um að hægt sé að samtvinna æfingar og skemmtun auðveldlega! Þar af leiðandi bíð ég enn eftir boðskortinu mínu!
Er varla búin að líta í bók um helgina, veit ekki hvað er að gerast með mig. Er í fyrsta skipti eftir á í náminu síðan það byrjaði en þó ekki nema 1 kafla svo að það gerir ekki mikið. Vinn það upp á einum degi en samt er þetta ekki nógu sniðugt hjá mér.
Var að baka gulrótarköku áðan, myndarlegheitin eru að drepa mig. Bauð fjölskyldunni minni að kíkja í kaffi ef þú hefðu áhuga...stuttu seinna hringdi síminn og þá voru þær mæðgur, systir mín og mamma að reyna að sannfæra mig um að koma bara með kökuna til sín. Við leystum málið þannig að við Sveinbjörn förum í mat heim og tökum kökuna með í eftirrétt - win/win situation.
Á meðan ég man, ég er hætt að spila minesweeper ég sökka svo feitt í þeim leik. Tapa alltaf! Hér eftir spila ég bara aðra leiki en hann!
posted @ 16:49
+ + +
1.10.03
OH, ég var búin að skrifa svo mikið og svo strokaðist það bara allt út vegna internal error. Þetta var í eitt af fáum skiptunum sem ég hef ekki tekið afrit af skrifum mínum - týpíkst.
Nenni ekki að skrifa aftur strax!
posted @ 21:30
+ + +
Er ekki eins mikið á lífi í dag og í gær, fór á nokkuð netta æfingu núna og er held ég barasta með harðsperrur alls staðar. Ætla ekki að drekka neinn vökva næstu daga svo að ég þurfi ekki að setjast á klósettið. Er líka að hugsa um að búa bara upp í rúmi á morgun - gooooooooooooot.
Það er annars bara frekar mikil gúrkutíð í mínu lífi.
Vissuð þið að æskuminningarnar ykkar fyrir 3 og hálfs árs aldur eru afbakaðar minningar ættingja okkar? Hlustum á þá segja sögur af okkur og munum í framhaldi eftir því! Ég sem man svo vel eftir því þegar ég grenjaði á stofugólfinu heima af því að teppið stakk mig svo í lappirnar - var sko bara á brókinni að skríða. Já, í þá daga var ég gefin fyrir stripp.
Dáleiðsla virkar líka bara stundum og stundum ekki, getur líka gefið okkur minningar sem við eigum í rauninni ekki. Fólk heldur oft að það hafi orðið fyrir kynferðislegu ofbeldi í æsku þegar það fer í dáleiðslu á fullorðinsaldri en það er mjög líklegt að það séu áskapaðar minningar en ekki atburðir sem gerðust í raun. Merkilegt nokk.
Reyndar grunaði mig að minningarnar mínar úr frumæsku væru ekki staðreynd, reyndar man ég ekkert svo mikið frá þessum gullárum dekursins.
Reikna reyndar með því að Dr. Bjössi muni allt sem á daga hans hefur drifið!
posted @ 21:29
+ + +
