30.9.03
Ég er ennþá á lífi þótt ótrúlegt megi virðast. Það á ekki að leggja það á fólk að fara í tvö mjög stór próf með stuttu millibili - tveimur dögum eða svo. Sér í lagi þegar það þarf að lesa MILLJÓN blaðsíður fyrir bæði og annað er leiðinlegra að Gísli Guðmundsson sjálfur - sem sagt forsendur félagsvísindanna. Illu er samt best af lokið og núna líður mér alveg bærilega. Hef að vísu ekki verið neitt sérlega dugleg í dag þrátt fyrir fögur fyrirheit. Í kvöld er ég svo að fara á tvöfalda æfingu. Silja: fyrsta frjálsíþróttaæfingin er í dag, hlýtur að gleðja þig mikið að sjá þetta svona hvítt á bláu. Svo strax á eftir fer ég á blakæfingu - ef ég þekki Jón Oddsson þjálfara rétt get ég þó ekki mikið labbað eftir þessa æfingu.
Heyrði í honum í dag og hann talaði eitthvað um tröppur, þrek og boltaæfingar - með svona 3 kg flykki. STUÐ. Þetta verður örugglega bara gaman, ég hlakka alla vega mikið til.
Er að lesa kafla um minni í sálfræðibókinni góðu og núna veit ég afhverju ég er svona gleymin!
Og á meðan ég man, það eru svo margir í sálfræði sem gætu ALDREI starfað sem sálfræðingar, það myndi ekki nokkur maður treysta þeim - skil ekki hvað þau eru að villast.
Fórum á Mekong í dag og keyptum okkur dýrindis núðlur, skammtarnir eru það stórir að ég gat varla borðað helminginn og ég var SVÖNG. Held að þetta dugi meðalmanni í svona þrjár máltíðir. Ég er alla vega búin að borða tvisvar af þessu í dag og ég er ekki næstum búin. Næst kaupum við bara einn skammt... Held samt að ég sé búin að borða yfir mig af núðlum...skynsöm.
Jæja, ef ég skrifa ekkert á morgun dó ég á annarri hvorri æfingunni.
Það var gaman að kynnast ykkur, ef ég verð ekki hér á morgun.
posted @ 15:09
+ + +
26.9.03
Var að bæta inn nýjum tengli, ætlaði að vera löngu búin að setja þessa elsku inn.
Var að hugsa um að hætta við það í dag þegar hann rústaði mér í Minesweeper en ég fyrirgaf honum það sökum mikillar heppni í spilum - hans megin það er að segja!
posted @ 15:50
+ + +
Skrifaði pistil fyrir stuttu sem var skrifaður í dálítilli bræði og ákvað nokkrum mínútum síðar að taka hann út! Vona bara að enginn hafi séð hann. Þurfti að fá smá útrás fyrir reiði minni og núna er það búið.
Svo að þið fáið smjörþefinn af því sem stóð án bræðinnar þá sakna ég Ellenarinnar minnar meira en orð fá sagt. Hlakka ótrúlega til þegar hún flytur í bæinn og vona að hún hætti við að flytja til úglanda.
Fyrir þá sem ekki vita er Ellen æskuvinkona mín frá Vopnafirði og um leið besta vinkona mín. Ein af fáum sem er til í að gera hluti með extra stuttum fyrirvara án þess að spyrja margra spurninga! That´s why I love her.
Er annars bara voða einmanna í dag og leiðist ótrúlega mikið að læra! Get þó huggað mig við það að það er allt skárra en Gísli Guðmundsson, stjórnarformaður B&L!
posted @ 13:05
+ + +
25.9.03
Í sambandi við auglýsinguna, þá farið þið inn á kvikmynd.is og farið í erlendar auglýsingar og finnið gott ráð gegn þungun 1 og 2.
Svo er Nike-chainsaw líka mjög góð. Hafði ekki tíma til að skoða meira.
Mæli eindregið með þessari síðu - SNILLD.
posted @ 16:09
+ + +
Fór að velta því fyrir mér í gærkvöldi afhverju aldur okkar er talin frá því að við fæðumst en ekki frá því að við sköpumst. Finnst það í rauninni fáranlegt. Þótt ótrúlegt megi virðast byrjaði heilinn í mér að þróast mjög snemma á fósturskeiðinu og við 25 daga aldur hafa þykkildi myndast sem þróast síðan yfir í heilann. Þegar við fæðumst er heilinn á okkur næstum því komin í eðlilegt form en verður þó ekki fullskapaður fyrr en við erum fullvaxta. Vissuð þið að ef maður strauar allar fellingarnar í heilanum yrði hann 2.500 cm2?
Já, námið mitt er sérlega spennandi!
Núna er ég að rifja upp skynsvæðin sem líkamshlutarnir hafa í heilanum. Hendurnar og varirnar fá huge svæði á meðan axlir og upphandleggir fá agnarsmátt, ætli þumalputtasvæðið stækki ekki við aukna notkun farsíma, eins og staðan var fyrir einhverjum árum var vísifingur með stæðsta svæðið - það verður gaman að fylgjast með því.
Nágrannar voru ruglaðir í dag svo að ég horfði bara á Sum of all fears sem var svo sem ágætt, horfði samt bara á meðan ég borðaði. Það er eiginlega betra að horfa á svona stutta þætti á meðan maður borðar þannig að maður sé hæfilega búinn að borða þegar þátturinn endar.
Bachelor er í kvöld, fannst seinasti þáttur frekar misheppnaður og verð því örugglega að lesa á meðan ég horfi. Eins gott að það rætist úr þessum þætti. Annars er ótrúlega pirrandi að vera með öll þessi auglýsingahlé, veit ekki hvenær ég venst því. Líka leiðinlegt að horfa á sömu auglýsingarnar aftur og aftur og aftur. Eins og þessar með Bachelor matnum - frekar fúl auglýsing.
Sveinbjörn var að segja mér frá auglýsingu sem þið getið fundið hér Bandarísk móðir er að fræða dóttur sína um víbrador og er að ráðleggja henni að nota hann frekar en að stunda kynlíf. Bandaríkjamenn eru að stuðla að hækkun meðalaldurs foreldra. Stuttu seinna sést stelpan og þá segist hún eiga bjarta framtíð fyrir sér þar sem hún stundi frekar ANAL kynlíf til að verða ekki ólétt. Segir að það sé vont en á meðan verði hún ekki ólétt....
Hvernig væri að Íslendingar tækju sér þetta sem fordæmi?
Heyrði í fréttunum um daginn að könnun sýndi fram á að Íslendingar væru duglegastir í að stunda EINNAR NÆTUR GAMAN af öllum þjóðum. Hvað voru feministar að æsa sig yfir þessu? Þetta er bara satt, verðum að byrja að breyta þessu hjá okkur sjálfum áður en farið er út í þvílíkt rifrildi út af þessu. Víst að ég minnist á feminista, eru þær hættar? Hef ekki heyrt orð frá þeim í LANGAN tíma!
Jæja, heilaskemmdir bíða mín...
Fattaði núna að ef aldur minn væri talin frá því að ég var sköpuð væri ég orðin 23 ára svo að mér líst ekki nógu vel á það!!!
posted @ 14:52
+ + +
24.9.03
Nágrannar voru aftur óruglaðir í dag, það er snilldarþjónusta á Heilsugæslu Seltjarnarness, ekkert mál að fá lyfseðil í gegnum símann og engin þörf á því að borga - veit reyndar ekki hvort þetta á við um öll lyf en...
Mamma ætlaði að vera svakalega góð og færa mér súkkulaðiköku í dag þar sem hún vorkenndi mér svo mikið að vera að læra en þá var mín bara í tíma og skrapp svo í apótek á milli tíma. Í staðinn sótti ég kökuna bara heim svo að núna lumum við á dýrindis, dýrindis súkkulaðiköku upp í skáp - umhhh. Hún er samt soldil bomba svo að lítil sneið er allt sem þarf!
Keypti B-súper í apótekinu svo að núna rúlla ég prófinu bara upp með bættu minni - heppin.
Sambandsslit Birgittu og Hanna komu í Séð og Heyrt í dag, ekkert um nýja gæjann. Ég er greinilega langt á undan slúðurblaðinu mikla!
Mjög merkilegt að fyrsta djúpulaugarbarnið sé fætt - einmitt það sem mig langaði að vita! Þetta er snilldarblað, held að það batni með hverjum árganginum!
Var ég búin að minnast á að Andrea Róberts er með mér í einu fagi, hún er ÓGEÐSLEGA mjó og er voða pæja. Á greinilega ennþá nóg af fötum þrátt fyrir söluna miklu. Svo er Anna Sigurðardóttir einkaþjálfari og fitness gella líka í sálfræði - allt fræga fólkið á sama stað!
Háskóli Íslands - staður fræga fólksins.
posted @ 21:21
+ + +
23.9.03
Það mest spennandi í lífi mínu í dag var að helmingurinn af nágrönnum var óruglaður - meira að segja seinni hlutinn svo að ég þurfti ekki að einbeita mér að því að afruglega textann - heppin!
Vá, hvað ég get ímyndað mér að margir vilji vera ég!
Annars er ég með SVAÐALEGT slúður sem ég hef einhverra hluta vegna gleymt að deila með ykkur. HÚN er víst komin með nýjan gæja, laganema sem dansar í Grease sýningunni margumtöluðu. Ég er búin að finna mynd á netinu af honum en ég get ekki birt hana þar sem ég finn ekki slóðina - frekar fúlt. Hann er sem sagt ekki næstum eins sætur og Hanni og er ekki vel vaxinn og er með bítlaklippinu. Þau geta alla vega pottþétt verið lúðaleg saman - heppin.
Jæja, rúmið kallar.
Later,
posted @ 22:51
+ + +
22.9.03
Undanfarna daga hefur lestur átt mest allan tíma minn og athygli. Ég skellti mér þó í partý hjá Ernu Dögg á föstudagskvöldið en sökum ótrúlegrar skynsemi fór ég snemma heim til að getað byrjað daginn snemma á laugardaginn. Ég var einmitt frekar dugleg á laugardaginn, auk þess að læra skúraði ég ALLA íbúðina, vaskaði upp, kláraði að þvo og bjó um rúmið og tilheyrandi - sem sagt mjög myndarleg húsfrú.
Foreldrar mínir gáfu okkur Sveinbirni gjafakort á gistingu og morgunmat á Hótel Örk sem við nýttum okkur um helgina. Brunuðum til Hveragerðis seinni partinn og komum okkur fyrir á herberginu. Fljótlega gerðum við okkur klár til að fara út að borða þar sem við áttum pantað borð á veitingastaðnum Við Fjöruborðið sem er á Stokkseyri. Þar gæddum við okkur á dýrindis humri og tilheyrandi. Vorum svo södd eftir matinn að við gátum ekki hugsað okkur að hreyfa okkur. Höfðum það gott upp á herbergi og ákváðum svo eftir að hafa legið á meltunni í all langan tíma að skipta um föt og skella okkur niður í borðtennis eða billjard. Billjard borðið var upptekið af einhverjum krakkagrislingum langt fram eftir kvöldi þannig að við fórum bara í borðtennis án þess að hafa net - mjög skemmtilegt. Erum bæði mjög tapsár þannig að þetta varð tvöföld ánægja...
Það varð svo ekki mikið úr sunnudaginn þrátt fyrir að undirrituð hafi verið árisul mjög. Við eyddum deginum í að horfa á einn leiðinlegasta leik sem uppi hefur verið en það var viðureign Man.Utd og Arsenal. Held að liðsmenn Arsenal hafi ekki íþróttamannslega framkomu í sér. Viðurkenni að mínir menn voru kannski ekki þeir stilltustu EVER en þeir gerðu sig þó ekki seka um framkomu eins og bjálfarnir hjá Arsenal. Nistelroy sýndi mikinn karakter þegar hann svaraði ekki fyrir sig heldur hélt af velli undir lok leiksins þegar leikmenn Arsenal höfðu ítrekað lamið í hann og hrint honum, fyrir þetta fékk hann mörg stig hjá mér. Ég efast um að ég hefði náð að halda stillingu minni á þennan hátt.
Tengdamamma heldur með Arsenal og í kjölfarið á þessum leik ætla ég ekki að tala við hana í viku þar sem ég nenni ekki að þræta um þetta.
Fín helgi endaði svo með spólu og nammi - er hægt að hugsa sér betri enda?
Hvernig var helgin ykkar?
posted @ 12:08
+ + +
18.9.03
Ég er búin að vera frekar dugleg að læra undanfarna daga. Er, eins og flestir vita, að fara í próf 27. og vinn hörðum höndum að undirbúningi fyrir það - brjálað skipulag. Auk þess þarf ég að skila verkefni í Vinnulagi sálfræðináms og það er leiðindaverkefni. Þarf að setja tilvísanir inn í texta og setja upp heimildaskrá og þetta er ekkert venjulegt eins og maður gerði í menntaskóla. Þetta er smásmugulegt og það eru reglur fyrir allt. Ef heimildin er grein úr blaði sem kemur út einu sinni á ári á maður að gera öðruvísi en ef hún kemur mánaðarlega. Ef greinin er fengin úr safna bóka þarf að fylgja ákv. reglum og svo þarf að tilgreina alls konar bull. Við Guðný vorum að klepra yfir þessu í dag, rifum oft og iðulega í hárið á okkur og blótuðum náminu. Á vissum tímapunkti vorum við að hugsa um að drekka okkur fullar og athuga hvort að verkefnið yrði ekki skemmtilegra við það, fannst líka frekar fyndið að fara í leiðindatíma í tölfræði drukknar - held að það dugi ekkert annað til að fyrirlesarinn sé skemmtilegur. Við hættum þó við þessi plön okkar og fengum okkur bara bakarísmat í staðinn - næstum jafn gott!
Fyrsta blakæfingin mín leit dagsins ljós í gærkvöldi, við Begga mættum galvaskar tímanlega og þurftum að bíða í þó nokkra stund eftir æfingafélögunum. Það var að byrja nýr þjálfari sem okkur líst bara vel á og mjög margar stelpur voru að byrja að æfa svo að við erum langt því frá lélegastar. MJÖG JÁKVÆTT!!
Ég skemmti mér alla vega mjög vel og er ekki að drepast úr harðsperrum í dag. Er soldið aum í hægri höndinni eftir uppgjafir og úlnliðirnir eru aðeins stífari en vanalega eftir öll fingurslögin. Annars kom þetta bara ótrúlega fljótt hjá mér, hélt að ég yrði mun lélegri. Ég er samt ekki í góðu formi og það háði mér aðeins í byrjun en ég held að ég sé ekki í verra formi en hinar. Ég er óvön því að æfa inni og fékk því soldið í lungun í byrjun - gleymdum vatni!
Mæli alla vega eindregið með þessar ókeypis hreyfingu.
Áfram ÍS!!!
posted @ 19:17
+ + +
17.9.03
Brjálað að gera hjá minni þessa dagana. Lít ekki mikið uppúr sálfræðibókinni minni, er að fara í próf 27.! Sveinbjörn býr varla hér lengur, er að hugsa um að flytja lögheimilið hans upp í VR, þar sem hann gerir allt annað en að sofa þar. Þar af leiðandi er ég hér að hanga ein alla daga og öll kvöld og þar sem við eigum ekki heimilistölvu er eina tölvan okkar með Sveinbirni í för! Ég er því frekar sambandslaus við umhverfið!
Hvet alla sem vettlinginn geta valdið til að vera duglegir að hringja í mig svo að ég tapi mér ekki alveg í sálfræðinni, lofa að taka ykkur ekki á sálfræðinni. Kennarinn minn skilur að vísu ekkert í því hugtaki. Ég held samt að þetta nám gagnist mér til að ná yfirráðum á mínu heimili, tek Sveinbjörn á sálfræðinni með því að verðlauna ,,góða" hegðun og styrkja hana og eyði þeirri neikvæðu með áreiti sem hann vill losna við - suði ; ) Það hlýst sem sagt eitthvað gagn af þessu hvernig sem það fer...
Ætla að fara að upphugsa eitthvað sem ég get gert til að fá hann til að þvo þvottinn þegar hann kemur heim í kvöld...
Annars er ég að fara á fyrstu blakæfinguna mína - vona að ég verði ekki að athlægi, hef mig bara hæga - hef löngum verið þekkt fyrir það.
Ef ég skrifa ekki á morgun er ég að öllum líkindum dauð!
Bið að heilsa í bili!
P.S Í hverju fer maður á blakæfingu, reikna með að tights virki ekki! Eru þær bara í stuttbuxum undir íþróttabuxunum?
Er ekki gott að vera í stíl? Ég er víst búin að smita vinkonu mína af þessu stílæði mínu, finnst það frábært. Það var að vísu gert grín að henni í fótboltafjöri fyrir að vera í stíl en henni leið vel, það skiptir öllu. Er að hugsa um að styrkja þá hegðun líka.
Jæja, verð að finna föt...
posted @ 20:06
+ + +
14.9.03
Nýnemakvöldið tókst alveg prýðilega, byrjaði ekki vel þegar við stöllurnar vorum fyrstar á svæðið. Mætingin var líka eitthvað dræmari en þeir reiknuðu með og því fengum við meiri bjór en við áætluðum. Fljótlega var liðinu skipt upp í 5 hópa sem áttu að fara í einhvers konar stöðvarþjálfun. Byrjuðum á því að setja Mallhvíti og dvergana sjö upp á 2 mínútum, fórum svo í drykkjukeppni, þar næst áttum við að semja texta við eitt af eftirtöldum lögum, Bjarnastaðabeljurnar, It's raining men eða Nínu. Ég tók það að mér og samdi texta um ANIMU - félag viðskiptafræðinema við lagið Bjarnastaðabeljurnar. Ákvað að það væri þægilegast að syngja það í hópsöng án undirspils. Þar á eftir fórum við að syngja gamla ANIMU-lagið og vorum verðlaunum með staupum. Seinasti stöðin var svo leikur út á túni sem fólst í því að liðsfélagar léku atóm og eftir skipunum mynduðum við sameindir - misstórar. Við Guðný rústuðum þessum leik og enduðum sem sigurvegarar og tryggðum okkar liði - nöglunum, dýrmæt stig.
Eftir meiri bjór og læti fórum við í framsóknarsalinn á Hverfisgötu þar sem okkur yngri nemar skelkuðu okkur með lærdómssögum dauðans. Við erum víst þær einu sem læra ekki til tólf á kvöldin alla daga. Fengum líka fyrirlestur um alls kyns hentugar aðferðir eins og að geyma ákveðinn fróðleik í mismunandi herbergjum heimilisins - mjög spennandi.
Við fórum fljótlega á Felix þar sem við hittum fyrir viðskiptafræðinema og lögfræðinga. Fólk var mjög misjafnlega drukkið, nefnum engin nöfn Margrét. Dönsuðum eins og vitleysingar þangað til við ákváðum að fara á smá rúnt um bæinn. Kíktum á aðra staði sem voru lítið spennandi og enduðum aftur á Felix þar sem við dönsuðum meira og kíktum svo í lokin á PRAVDA þar sem Atli kærastinn hennar Guðnýjar er að vinna. Stemningin þar drap stuðið í okkur gjörsamlega niður þar sem hún var engin. Bara leiðinlegt fólk. Veðrið hjálpaði heldur ekki til þar sem það rigndi stöðugt og kaldur vindurinn nýsti inn að beini. Við vorum komin heim um hálf tvö leytið.
Í gær var smá hittingur hérna heima hjá mér, flestir rólegir en ákváðum þó í lokin að kíkja niður í bæ. Eftir að við Sveinbjörn vorum búin að keyra Kristínu heim afréðum við að fara í bæinn þar sem klukkan var korter yfir tvö - frekar seint að okkar mati. Ég var líka búin að vera á fullu um daginn í einhverju stússi og var því frekar þreytt. Engu að síður snilldar kvöld.
Í dag hef ég bara verið að lesa og horfa á Lokastigamót frjálsíþróttasambandsins með öðru auganum - ljúfa líf.
Er svo að fara í skírnaveislu á eftir, frekar gott. Alltaf gott að fá KÖKUR.
Vona að þið hafið það gott!
posted @ 16:43
+ + +
12.9.03
Ég er að fara að djamma, er að fara að gera mig klára...víví.
posted @ 16:11
+ + +
11.9.03
Stefni að því að taka verulega á því um helgina. Við Guðný ætlum á nýnemakvöld annað kvöld og í framhaldi af því verður áreiðanlega eitthvað skrall. Á laugardagskvöldið höfum við svo hugsað okkur að bjóða æfingafélögum vorum í heimsókn, Burkni er velkominn líka. Ef ég þekki SUMA rétt gæti þetta orðið þvílík stemning. Ég hlakka alla vega til. Við Sveinbjörn eigum líka 2 ára afmæli á mánudaginn svo að það er margt til að gleðjast yfir. Hef ekki enn ákveðið hvor dagurinn verður RÓLEGI dagurinn. Ég þekki mig nógu vel til að vita að ég meika ekki tvo daga af áfengi í röð. Þarf líka að vera dugleg að læra annan hvorn daginn og náttúrulega helst báða.
Æ, þetta kemur í ljós!
posted @ 10:33
+ + +
Komst að því í gær að ég fékk rétt fyrir smáprófið mitt, möguleikinn sem ég valdi var sem sagt réttur! Góð Hafdís. Er frekar lukkuleg með þetta þar sem ég þarf þá bara að ná 4 í viðbót til að fá einn heilan - það væri ekki slæmt.
Ég fer ekki í skólann fyrr en 15.25 í dag, sem er ljúft. Verð sem sagt að læra fram að því. Hef í nægu að snúast. Þarf að lesa langan kafla í sálfræði fyrir mánudaginn og klára heimaverkefni sem ég á að skila í lok sept - best að vera búinn að því.
Fyrsta prófið mitt lítur svo dagsins ljós 27.september - get ekki sagt að ég hlakki til. Svo fer ég í næsta próf 30.sept svo það er um að gera að halda rétt á spöðunum.
Þetta var soldið skemmtilegt!
posted @ 10:28
+ + +
Ég þoli ekki fólk sem lokar ekki lokin á klósettum áður en það sturtar niður. Þetta leiðir til þess að vatnsslettur fara á setuna og maður þarf að byrja á því að þurrka setuna eða setjast ekki á klósettið. Eðlilega fer það líka í taugarnar á mér þegar fólk, strákar, loka hvorugri setunni þegar þeir fara á klósettið.
posted @ 10:25
+ + +
9.9.03
Frekar erfiður skóladagur í dag. Þurfti að mæta kl.8 og þarf í framtíðinni en ég hef vanið mig á það að vakna yfirleitt ekki fyrir átta. Byrjaði alltaf í vinnunni kl.9. Fannst frekar erfitt að vakna en það bjargaðist. Fór svo í 5 tíma fyrir hádegi þar af 3faldan tíma dauðans, a.k.a Forsendur félagsvísindanna. Námsefnið gæti allt eins verið á kínversku og íslensku. Fór líka í fyrsta prófið mitt í dag en það var einmitt í tíma dauðans. Þar voru fjórir möguleikar og ætlunin var að merkja við þann réttasta - spennandi. Veit ekkert hvort ég rambaði á rétt, var með 2 í huga af 4 og valdi þann sem mér fannst gáfulegri. Vona að þetta blessist.
Núna þarf ég að fara að lesa 45 bls kafla í Sálfræði og hann þarf ég að klára fyrir morgundaginn. Ég næ að klára svona 5 bls á klukkutíma svo að þið megið reikna ; ) Guði sé lof fyrir skemmtilega sálfræðibók.
Hef sem sagt ekki tíma fyrir meira...
posted @ 13:59
+ + +
8.9.03
Nett helgi, hafði það frekar gott.
Horði á boltann með stelpunum á laugardaginn, var frekar spennt...
Ætlaði að vera svo dugleg í gær en einhverra hluta vegna hringdi síminn svo mikið eða þá að ég ímyndað mér að hann hefði hringt og hringdi tilbaka...Mér finnst svo gaman að tala í símann.
Það var strákapartý heima hjá mér á laugardagskvöldið sem ég fékk leyfi til að koma í. Gaman að heyra hvað strákar tala um í sínum ,,saumóz" Ég hélt að þeir töluðu bara um brjóst, rassa og stelpur en svo er víst ekki. Þeir voru mjög málefnalegir. Voru að vísu líka soldið fullir eftir því sem leið á og eftir það minnkaði skemmtanastuðull þeirra.
Hvað er þetta með stráka og að þurfa alltaf að kalla hvern annan aumingja eftir ákveðið marga bjóra? Stelpur eru alla vega allt öðruvísi þegar þær eru fullar.
Vissuð þið að áfengi hefur afhamlandi áhrif? Gjörðir sem eru hamlaðar án áfengis virka ekki undir áhrifum og því gerir fólk hluti sem það myndi aldrei gera undir áhrifum. Ég held að ég sé með mikið af þessum afhamlandi efnum í mér án áfengis...
Sálfræði er skemmtileg...
posted @ 12:18
+ + +
5.9.03
Búin að vera dugleg í dag. Tók niður þvottinn, rétt gat borið hann upp þar sem Sveinbjörn þvoði MILLJÓN vélar í gær, vona að ég hafi ekki týnt miklu á leiðinni.
Fór svo upp í vinnu og ætlaði að kaupa handfrjálsan búnað handa Ellen vinkonu en þá var hann náttla ekki til. Fékk þá bara nýja peru í framljósið og heilsaði upp á liðið. Alltaf gaman að því.
Hitti stelpuna sem tók við af mér, leist bara ágætlega á hana. Vona að hún endist lengur en ég og sé þolinmóðari í garð leiðindapúkans. Hún er víst búin að læra sálfræði svo að hún kann kannski einhverja takta til að takast á við kallinn - vona það alla vega hennar vegna.
Á eftir á ég trúlega von á heimsókn og þykir mér líklegt að ég verði að ganga frá öllum þvottinum sem liggur eins og hráviði út um alla íbúð. Svo þyrfti ég að moppa smá yfir og búa um rúmið. Annars held ég að það sé bara nokkuð hreint.
Um helgina er Sveinbjörn á einhverju þvílíku námskeiði og verður varla heima. Í frímtíma sínum á laugardaginn ætlar hann að hitta vini sína og fara á leikinn svo að ég á ekki von á því að sjá hann neitt. Vona að fólk verði duglegt að heimsækja mig...
Vantar einmitt félaga til að horfa með á landsleikinn á morgun. Hver er game? Ég býð upp á ídýfu og snakk! Eða pizzu og bjór allt eftir smekk hvers og eins!
Fyrstur svarar, fyrstur fær.
Bergur hvað segirðu, Sveinbjörn verður ekki heima!!! ; )
posted @ 12:04
+ + +
4.9.03
Ég hef verið að letibrókast í dag. Gerði voðalega lítið af viti. Upphaflega ætlaði ég að vera dugleg í dag en ákvað síðan að vera duglega að stússast í fullt af dóti sem ég hef vanrækt í langan tíma.
Í kvöld var ég ótrúlega myndarleg og bakaði dýrindis súkkulaðiköku, eftir 2 bita fékk ég svo heiftarlega í magann að ég gat ekki einu sinni kláraði sneiðina mína, frekar mikill svik.
Á morgun er svo enginn skóli svo að þá er eins gott að mín taki sig til og verði dugleg að læra.
Fór að pæla í því í dag afhverju Háskólabíó bíður ekki nemum í Háskóla Íslands afslátt á sýningar. Flestir nemendur HÍ geta verið sammála um það er ekki heillandi að fara í bíó í skólanum sínum. Ég get alla vega ekki hugsað mér að fara í bíó í Háskólabíó þar sem það er vettvangur námsins míns. Ekki gott að vera á sama stað í fyrirlestrum og að horfa á bíómyndir. Ef ég fengi hins vegar afslátt í bíó, segjum miðann á 500 kall myndi ég alveg hugsa mig tvisvar um. Fátækir námsmenn tíma ekkert að borga 800 kall fyrir eina skítna mynd. Afhverju lækka þessi fífl ekki bíómiðann aftur? Ef það kostaði ennþá bara 500 kall í bíó myndi ég örugglega fara miklu oftar í bíó. Núna fer ég í mesta lagi einu sinni í mánuði og ekki það. Kannski svona 8 sinnum á ári.
Ætla að vísu POTTÞÉTT á Lord of the Rings um jólin í LÚXUS sama hvað það kostar. Þessi mynd verður pottþétt þess virði. Hlakka ekkert smá til. Við ætlum að kaupa okkur DVD diskinn Two Towers sem fyrst. Hugsa að við hunskumst á morgun.
Jæja, best að fara að fá sér fegurðarblund!
posted @ 23:04
+ + +
Ég er aðeins farin að hressast. Gat borðað smá fasta fæðu í gær en hugsa að ég geti það ekki alveg strax í dag. Ég var hund lasin á þriðjudaginn leið eins og ég væri að deyja, hringdi í lækninn minn og fékk bólgeyðandi sem hafa létt sársaukanum soldið af eyrunum á mér.
Í gær tók hálsinn á mér upp á því að láta eins og það væri eitthvað fast í honum, rakvélablað eða eitthvað álíka. Þetta leiddi til þess að ég treysti mér ekki mikið til að borða og þess að ég gat ekki drukkið kalt vatn. Veit ekki alveg hvað það var. Núna þarf ég sem sagt að hita mér vatn ef mig langar í vatn. GOTT.
Ég fór svo í saumaklúbb í gærkvöldi og þar náði ég að borða soldið af mexíkönskum kjúklingarétti, hann hentaði mér vel þar sem gestgjafinn hafði rifið allt niður í hann og þá voru bara litlir þægilegir bitar og ég þurfti bara að hugsa um að tyggja oftar en vanalega en það er ÓTRÚLEGA erfitt. Prufið þið bara.
Skólinn byrjar vel. Mér líst bara ótrúlega vel á þetta svona í byrjun. Reikna reyndar með að Forsendur Félagsvísinda verði fag dauðans sökum erfiðra texta og leiðinda. Hlýt þó að komast í gegnum þetta. Guðný er strax dauð úr stressi en henni hefur ekki enn tekist að stressa mig upp. Ég held að ég nenni alveg að læra í þessu þar sem mér finnst þetta svo skemmtilegt. Kemur í ljós á næstu vikum.
Ég er líka orðin dáldið þreytt á hreyfinarleysinu. Langar dáldið að fara að hreyfa mig. Núna þarf að borga fyrir hvern tíma í háskólaræktinni og því er ég ekkert alveg viss um að ég tími að fara þangað reglulega. Það er að vísu hægt að fá mánaðarkort á 1000 kall en ég get fengið díl í sporthúsið þannig að ég borga bara 2000 kall og þar er hægt að gera mun meira. Ég hugsa þó að ég hlaupi bara úti í guðs grænni fyrst um sinn og fari svo bara á skipulagðar frjálsíþróttaæfingar. Langt síðan ég hlakkaði svona til að byrja aftur. Jákvætt.
Jæja, þvottur, uppvask og bækur bíða mín.
posted @ 10:50
+ + +
1.9.03
Bætti inn nýjum tenglum í dag sem ég hefði átt að vera löngu búin að bæta inn á. Hef skoðað síðurnar hjá Robba og Berg daglega í allt sumar og hef alltaf ætlað að bæta þeim inn og þar sem Andri Karls er farin að blogga er nauðsynlegt að bæta kallinum við.
Silja og Vignir eru líka komin aftur eftir sumarfrí með nýjar áherslur. Gaman að þessu!
posted @ 18:27
+ + +
Ekki góður dagur í dag verkjalega séð en mjög góður skólalega séð. Skemmti mér ágætlega í skólanum með Guðnýju og líst bara ljómandi vel á framhaldið. Býst við að Almenna Sálfræðin verði lang skemmtilegust og því get ég ekki beðið eftir að fá eintakið upp í hendurnar. VEI,VEI,VEI.
Ég gat borðað smá fasta fæðu í gær sem var meira að segja ágæt á bragðið, ekki með illa bragðandi og lyktandi slímbragði en það var í mjög svo takmörkuðu magni þar sem ég þarf að tyggja allt milljón sinnum til að kyngja því og setja mig svo í réttar stellingar til að kyngja - heppin.
Í dag er ég hins vegar að drepast í eyranu og hef því voða lítið getað borðað - heppin.
Við Sveinbjörn gerðum heiðarlega tilraun til að komast frá Háskólasvæðinu um 5 leytið en þurftum að snú við sökum mikillar umferðar. Ég komst því heim til að taka verkjatöflu og er núna að hugsa um að leggja mig til að gleyma sársaukanum um stund. Fékk þær ráðleggingar áðan frá góðvini mínum að reykja bara mikið og drekka áfengi. Þar sem ég reikna með að jörðin farist áður en ég byrja að reykja efast ég um að það gerist. Gæti samt reynt að drekkja sársaukanum. Mamma ætlaði að gefa mér koníak um daginn til að hreinsa á mér hálsinn en í sameiningu komumst við að því að sárin mín yrðu líklegast ekki ánægð með það þar sem þau kvarta sáran ef ég reyni að fá mér smá skyr.
Held að þetta sé nóg af sjálfsvorkun í bili.
Datt eitt í hug þegar ég lá upp í rúmi um miðnætti á laugardagskvöldið. Hvaða djöfull fann upp pinnahæla? Íslenskar konur eru mjög misjafnlega flinkar á þessu fyrirbæri og því heyrist misjafnlega hátt þegar þær plampa á þessu. Frá 11-3 er ekki hægt að sofna fyrir látunum í þessum druslum sem ganga á pinnahælum þar sem þær þramma framhjá glugganum mínum. Í þessum húsum búa MÖRG börn og það er ekki eðlilegur hávaðai í þessu. Ætla einhvern tímann að kaupa mér svona hávaðamæli og mæla desibilin. Ég var alla vega oft komin nærri því að stökkva á þær af svölunum en þar sem ég má ekki hreyfa mig í tvær vikur hætti ég við.
Íslendingar geta líka verið svo ótillitsamir að það hálfa væri hellingur. Sama kvöld og pinnahælarnir gerðu árás var mikið um partý í íbúðunum í kring - ekki á hjónagörðum samt og fólk kom út um miðja nótt ( á milli 11 og 3) og kyrjaði lög og talaði hátt og lét símana sína hringja á LOUD og svaraði ekki fyrr en ég 12 hringingu. Þetta er ekki eðlileg hegðun á svæði þar sem barnafólk býr í miklum meirihluta. Ég flokka mig undir barn í þessum skilningi þar sem ég er veik og þarf nauðsynlega á mínum verkjablundi að halda. Skil þetta ekki. Ég vil ekki halda innflutningspartý af tillitsemi við nágranna mína sem eiga börn - auk þess sem íbúðin mín bíður ekki upp á fleiri en 5 komi í einu. Ég vil bara ekki gera fólki þetta. Sjálf mundi ég ekki vilja að barnið mitt- ef ég ætti það þ.e.a.s væri óvært alla nóttina af hávaðanum í næstu íbúð. Það bjó einstæði móðir við hliðina á okkur sem var reyndar að flytja í gær en hún var samt búin að segja okkur að dóttir sín svæfi svo fast að það þyrfti meira en lúðrasveit til að vekja hana svo að hún hefði ekki verið mikið vandamál. Hins vegar er mjög hljóðbært af ganginum og því heyrist allt sem fram fer á ganginum inn á íbúðirnar - pinnahælar betur en margt annað. Ég heyri sem sagt klukkan hvað nágrannarnir koma heim af djamminu í gegnum dyrnar. Það er hins vegar ekki svo hljóðbært á milli íbúða nema inn á klósetti þar sem loftræstikerfið er samtengt. Dáldið gaman að vita af nágrananum á klósettinu ; )
Ég tek það samt fram að ég er með frekar góða heyrn, á laugardaginn heyrði ég til að mynda útidyrahurðina niðri skellast all oft en við búum á annarri hæð í dálítilli fjarlægð frá hurðinni.
Boðskapur sögunnar er BÖNNUM PINNAHÆLA OG FÓLK SEM ER HÁVÆRARA EN ÉG!
posted @ 18:10
+ + +
