29.8.03
Ég er ennþá frekar slöpp og eðlilega aum í hálsinum og hef því ekki getað borðað neitt síðan á mánudaginn. Gerði heiðarlega tilraun í gær til að borða Subway, Sveinbjörn keypti hálfan handa mér en það var bara kalkúnaskinka, skinka og kál á honum, ekkert sem hefði getað rispað á mér hálsinn. Svo er einhver himna yfir sárinu sem er ÓGEÐSLEGA vont bragð af og því finnst mér vera vont bragð af öllu, meira að segja af Subwaynum - frekar pirrandi. Ellen vinkona er í heimsókn hjá okkur núna og hún og minn heittelskaði gera mér heldur ekkert auðvelt fyrir. Borða Kentucky, Subway, fara í bakaríið og borða fríhafnarnammi - brjálað stuð að horfa á það með hungurverki frá helvíti. ÉG er þó ekki eins svöng í dag og hina dagana. Reikna með að hungur venjist með tímanum. Ég hugsa að ég og hungurverkfall förum ekki saman.
Mér fyndist allt í lagi að geta ekki borðað neitt ef að þetta ógeðslega bragð væri ekki upp í mér 24/7. Það kemur ekki einu sinni gott bragð þegar ég bursta tennurnar og ég finn ekki gott bragð af tyggjói.
Býst við að ykkur finnist geðveikt gaman að lesa um raunir mínar og þess vegna lýsi ég þessu svona skemmtilega. Ég veit hins vegar að ég hef sloppið frekar vel þar sem margir geta ekki opnað munninn í viku og eru bara gjörsamlega að drepast. Ég var heldur verri í gær en hina dagana en ég asnaðist til að fara út á flugvöll í gærmorgun og sækja Ellen en það hefði ég betur látið vera. Var frekar slöpp eftir það ævintýri í gær. Svaf svo bara svona allt í lagi í nótt og þarf því trúlega að leggja mig smá seinni partinn í dag. Fer á kynningarfund hjá Sálfræðideild um 1500 og vona svo sannarlega að heilsan dugi mér út fundinn.
Vona svo að þetta fari að lagast svo að ég geti farið að borða almennilegan mat aftur.
Ætla að fá mér ís!
Sí jú leiter.
posted @ 14:17
+ + +
27.8.03
Aðgerðin mín tókst bara ágætlega ég var mætt kl.8 og var fljótlega komin á skurðarbekkinn þar sem svæfingalæknir dældi í mig verkjalyfi fyrst og svæfði mig svo. Þetta var svo sterkt verkjalyf að mig klæjaði undan því...ekki gott! Hef aldrei fundið fyrir svona sterkum áhrifum svona snemma...alveg eins og ég væri svona frekar drukkin. Fyndið!
Ég var svo vakin kl.9 og þá var ég frekar þreytt og var soldið óglatt. Eftir að hafa ælt upp smá blóði og fengið eitthvað lyf við ógleði leið mér betur. Ég hálf dottaði svo til tæplega 11 og þá kom Sveinbjörn að sækja mig. Svaf svo bara í 8 klukkutíma í gærdag og leið strax betur eftir það. Var hins vegar ekkert sérlega þreytt í nótt og svaf því mjög takmarkað.
Mér er soldið illt í hálsinum en ég finn aðallega fyrir því þegar ég kyngi - held að ég hafi sem sagt sloppið vel. Vinkona mín ein fór í svona aðgerð og hún var alveg að drepast daginn eftir. Ég var ekkert að drepast og átti ekki í miklum erfiðleikum með að kyngja þó að það hafi ekki verið besta tilfinning í heimi.
ÉG vona bara að þetta lagist fljótt svo að ég geti fengið mér eitthvað að borða - ég er SVÖNG!
Hef þetta ekki lengra í bili, þarf að fara að dópa mig upp af verkjatöflum, finn að ég er að versna aftur!
Þetta er Hafdís hálskirtlalausa sem talar frá Háskólasvæðinu.
posted @ 12:05
+ + +
25.8.03
Seinasti tækifæri til að hitta mig með öll mín líffæri er í dag þar sem elskulegir hálskirtlar mínir verða fjarlægðir á morgun. UHU.
Ég verð víst eins og kúkur á morgun - hef ég heyrt. Get víst ekki talað eða neitt, ætti að gleðja marga ; ) Það hafa voða fáir boðist til að dekra við mig þessa veikindaviku mína svo að ég verð víst bara að harka af mér. Sveinbjörn er að fara að byrja í skólanum og foreldrar mínir eru að vinna svo að ég verð bara að vera hraust og ná mér í klaka sjálf. Ég á samt skúffuköku og ætla að baka gulrótarköku á eftir ef það breytir einhverju um dekrið hjá fólki...
Öllum velkomið að heimsækja mig þegar ég er upp á mitt versta. Bergur er samt búin að lofa að koma og borða ís með mér - eins gott að hann svíki það ekki...
Þórey er að fara að keppa í úrslitum, ég hef hugsað sérlega vel til hennar í dag og hyggst gera það áfram. Ég efast ekki um að hún standi sig, það er mikill hugur í henni og formið ekki af verri endanum. Hún fer langt á keppnisskapinu einu saman þessi elska.
Kristín Birna ætlar að kíkja í heimsókn og horfa með okkur. Ég heyrði ekkert frekar af hittingi á Players og framkvæmdi því ekkert í þeim efnum. Leist svo voða vel á hugmyndina sem virðist hafa dáið út...fúlt.
Ætla að setja mig í stellingar...
ÁFRAM ÞÓREY EDDA!
posted @ 16:22
+ + +
24.8.03
Hugguleg helgi.
Helgin hefur verið voða ljúf, so far. Sveinbjörn er að vísu búin að vera veikur alla helgina og hefur því einhver hluti hennar farið í að hjúkra þessari elsku. Hann er þó að hressast núna og verður vonandi orðinn góður á þriðjudaginn svo að hann geti hjúkrað mér ; )
Við vorum þess vegna bara róleg á föstudaginn, tókum bara spólu og svona, voða ljúft. Í gær ætluðum við svo að kíkja í Sporthúsið þar sem þar átti að vera einhvers konar opið hús en við sáum ekki neitt merkilegt. Fórum því bara á smá rúnt og skoðuðum m.a. húsið hans Össurar í Össur hf. Það er þvílíkt flott og inniheldur m.a. innisundlaug og þar eru handrið sem kostar einhverjar milljónir. Það hlýtur að vera brjálað stuð að eiga óteljandi peninga og geta keypt sér handrið fyrir milljónir. Ég hugsa þó að ég myndi gera margt annað við peninginn minn en að kaupa mér glerhandrið. Við hliðina á Össur er ógeðslega ljótt hús sem er í þvílíkri niðurnýslu en á hliðinni sem snýr að Össur eru bara 5 bílflök ofan í skurði og á þeirri hlið á húsinu er myndavél sem fylgist með ferðum fólks þarna megin. Það er víst þvílíkar erjur á milli Össurar og sóðanna.
Í gær fór ég svo í frjálsíþróttagrillfjör heim til Jóhönnu en Sveinbjörn var bara veikur heima á meðan. Þetta var hin allra besta skemmtun þar sem við í meistaraflokki sátum og ræddum stöðu mála og hin ýmsu mál fram á nótt. Verðum að gera þetta oftar.
Við Sveinbjörn erum núna nr.2 á flutningslista yfir í stærri íbúð og því er líklegt að við förum að flytja aftur innan skamms - 58 m2 here we come...
Okkur líður ágætlega hérna í 40 m2 en það munar að vera í 18 m2 stærri íbúð og á stærri íbúðinni værum við með sér útidyrahurð og forstofu í stað þess að vera með sameiginlega útidyrahurð með 100 öðrum. Það er svo hljóðbært frá ganginum og inn í íbúð.
Á föstudaginn var partý í samkomusalnum hérna á Hjónagörðum en hann er akkúrat á hinni hliðinni á húsinu. Við vorum ótrúlega hissa þegar við tókum eftir því að lítið sem ekkert heyrðist til okkar þar sem tónlistin var frekar há og mikil læti í fólki almennt. Mér fannst samt verst að fólk væri að reykja þarna þar sem reykingastybban berst fram á gang og liggur yfir öllu. Mér finnst að það ætti að vera bannað að reykja í þessum sal þar sem litlu krakkarnir leika sér þarna rétt hjá í leikherberginu. Styð svo þetta frumvarp um að banna reykingar á skemmtistöðum og veitingastöðum - það væri dýrðlegt að koma bara sveittur heim í stað þess að vera angandi af reykingafýlu. Ég er líka alltaf svo skammlíf á svona stöðum þar sem ég er svo óvön reyknum að augun í mér þola hann ekki til lengdar og ég fer að grenja.
Held að ég komi til með að skemmta mér mun meira ef þetta gengur í gegn! Ég skil þó afstöðu þeirra sem reykja þar sem réttur þeirra er skertur til muna en þeir þurfa ekki að drepa okkur þó að þeir vilji drepa sig! Er ekki bara spurning um að reykingaherbergi séu útbúin á skemmtistöðum svo að reykingamenn þurfi ekki að fara út? Fyndist það alla vega frekar asnalegt ef fólk færi út til að reykja. Þetta verður alla vega erfitt hvernig sem þetta verður gert og kemur til með að kosta veitingahúsaeigendur og aðra marga peninga.
Jæja, ég ætla að fara að baka!
posted @ 12:48
+ + +
22.8.03
Seinasti í B&L
Seinasti vinnudagurinn minn hefur loksins litið dagsins ljós. Ég ákvað fyrir löngu að hætta að vinna núna til að geta notið þess að gera ekki neitt og að vera bara til í næstu viku. Hálskirtlarnir setja eitthvað strik í þann reikning en ég reyni nú samt að gera mitt besta.
Yndislega veðrið í dag og gær eru heldur ekki til að gera illt verra, frábært að hafa svona veður þegar maður er í fríi. Ég hef nefnilega bara verið að vinna til eitt í þessari viku og hef bara notið þess að vera úti, leika við frændsystkini mín og njóta þess að gera ekki N E I T T.
Sveinbjörn átti líka að hætta að vinna í dag en þar sem hann var veikur í gær og er enn í dag ætlar hann í vinnuna á mánudaginn. Það hefði verið voða ljúft að geta bara farið í golf í dag og haft það gott saman ÚTI en það stefnir allt í að við verðum bara inni í dag : ( Við finnum samt eitthvað gott út úr því!
Þarf að klára fullt af hlutum áður en ég geng hér út svo að það er best að fara að drífa í að flokka reikninga ; )
posted @ 11:08
+ + +
21.8.03
Þá er komið að því, fyrsti hluturinn sem verður fjarlægður úr mínum líkama eru hálskirtlarnir mínir. Þeir verða teknir n.k þriðjudag og því má reikna með því að ég verði eins og versti aumingi næstu 10 daga á eftir. Blóm og kransar eru vinsamlega afþakkaðir en þeim sem vilja minnast kirtlanna er bent á reikning minn í Landsbankanum. Samúð má líka veita með því að hjúkra mér í einn eða fleiri af þessum dögum, þeir sem hafa áhuga á því er bent á að hringja í mig heim eða í farsímann og panta hjúkrunartíma.
Ég komst sem sagt að þessum ,,sjokkerandi" fréttum í gær þegar ég skellt mér til háls-,nef-og eyrnalæknis þar sem ég var ekki hrifin af því sem heimilislæknirinn minn sagði. Heimilislæknirinn minn leit nefnilega upp í mig í eina sekúndu og sagði að ég væri með slæma sýkingu í hálsinum og setti mig á pensilínkúr. Ég er ekki neitt sérlega hrifin af pensilíni en lét mig samt hafa það þar sem mig grunaði að það væri ódýr lausn út úr þessu.
Þegar ég var ennþá með hálsbólgu og ennþá að hósta upp greftri ákvað ég að nú væri bara best að hringja í almennilegan lækni og ég lenti á einum voðalega almennilegum í gær sem tróð mér fram fyrir röðina og ætlar sem fyrr segir að fjarlæga kirtlana mína á þriðjudaginn. Þetta gerði hann þegar ég sagði honum að skólinn byrjaði hjá mér 1.sept. - voða yndislegur. Það hefði ekki verið gott að fara í kirtlatöku á miðri önn og missa af 10 dögum í kjölfarið. Það er samt víst voðalega misjafnt hvað fólk er fljótt að jafna sig en eðlilegt er að það sé eins og skítur í viku og yfirleitt lengur. Ég verð því algjör aumingi þegar skólinn byrjar en verð vonandi að ná fyrri kröftum.
Þar sem ég er ekki neitt sérlega hrifin af sársauka og hef yfirleitt verið eins og versta óhemja þegar að því kemur reikna ég ekki með að vera neitt súper fljót að ná fyrri styrk á ný. Allir ættingjar mínir hafa nú þegar ákveðið að koma hvergi nálægt þegar ég eignast mitt fyrsta barn þar sem þeir reikna með því að það verði óhemjureið af verstu gerð. Ég get svo sem skilið það þar sem óhemjusaga mín bíður uppá það.
Ég fékk til dæmis gat á hausinn þegar ég var 4 ára þegar ég datt aftur fyrir mig úr sófanum heima á múrstein, grófan, sem var fyrir neðan. Það hefði þurft að sauma fjögur göt til að loka fyrir gatið en þar sem ég lét öllum illum látum þurfti að hringja í pabba til að halda mér og mamma hélt mér líka á meðan gráðbað ég þau um að vera ekki svona vond og leyfa mér að fara heim. Að lokum ákváðum læknirinn og hjúkrunarkonan að láta bara tvö spor nægja. Eftir á var ég svo dauðuppgefin af öllum spörkunum og iðinu að ég steinsofnaði á leiðinni heim í bílnum!
Ég hef aðeins skánað með aldrinum en ekki mikið : )
Get nefnt annað dæmi.
Fyrir nokkrum árum fórum við Sæunn til lýtalæknis til að fjarlæga fæðingarbletti. Hún fór fyrst og læknirinn tók risablett af fætinum á henni og saumaði held ég 8 spor í hana án þess að hún segði orð. Þegar hún kom út var hún eðlilega hölt og ég spurði hvernig þetta hefði verið og þá sagði hún að þetta hefði ekki verið svo slæmt. Það var hins vegar þvílík lygi sem mamma bað hana að segja þar sem hún vissi að ég myndi annars láta öllum illum látum. Þetta var þvílíkt vont þar sem læknirinn sprautar deyfingu undir fæðingarblettinn og það lyftir honum upp frá húðinni. Síðan sker hann blettinn í burtu en maður finnur ekkert fyrir því og saumar fyrir. Það er sem sagt bara vont þegar hann deyfir en ég var held ég deyfð á þremur stöðum en Sæunn fékk vel þann skammt. Ég var líka ofsalega slæm allan daginn þar sem blettirnir mínir voru á maganum en Sæunn var alveg ágæt. Hún er sem sagt hörkutólið af okkur tveimur og því finnst mér líklegt að mamma vilji vera viðstödd þegar hún eignast barn.
Ég blæs hins vegar á þetta og reikna með að vera hörkudugleg þegar ég eignast barn!
posted @ 11:17
+ + +
19.8.03
Ég er eitthvað voðalega skrýtin í dag. Líður mjög einkennilega og er bara hálf slöpp. Vona að ég sé ekki að fá þessa leiðindapest sem er að ganga! Ég hef verið voðalega þreytt undanfarið og maginn á mér hefur ekki verið neitt sérlega eðlilegur. Þetta hlýtur að lagast í dag!
Fór að spá í það á Menningarnótt hvað Íslendingar geta verið ótrúlega vitlausir stundum. Það fóru allir á bílunum sínum niður í bæ og voru pottþétt svona háfltíma að keyra þar sem umferðin vestur í bæ var svaðaleg og ég get ímyndað mér að eitthvað álíka hafi verið á Sæbrautinni. Síðan tók örugglega vel langan tíma að finna stæði og svona 20 mínútur að rölta í bæinn frá stæðinu! Umferðin frá bænum eftir flugeldasýninguna var sýnd í sjónvarpinu og ekki var hún neitt sérlega heillandi.
Mér finnst svo skrýtið að fólk skildi ekki taka strætó niður í bæ og tilbaka. Hefði verið miklu þægilegra fyrir alla aðila. Fólk var að leggja alveg upp að læknagarði og rölta þaðan, ekki að það sé ekki gott að fólk labbi í bæinn, það er bara svo ótrúlegt hvað Íslendingar kunna ekki að nota almenningssamgöngur - held að strætó sé ekki til í orðaforða allra.
Það tók okkur Sveinbjörn alla vega góðan hálftíma að komast frá Skipasundi og vestur í bær - tekur vanalega ekki lengri tíma en 10 mínútur. Vorum föst í röðum í 20 mínútur. Síðan er sumt fólk svo tillitslaust og beygir inn hjá BSÍ en þar er aðreinin svo stutt að bílarnir sem ætla að beygja komast ekki fyrir og tefja því þá sem ætla að halda áfram. Ég var að verða geðveik á einu tímabili. Hin akreinin gengur hins vegar ágætlega, þessi sem er nær Landsspítalanum en þeir sem eru á henni hleypa sko ekki neinum inn í röðina! Ég hef nefnilega lagast í þessum Íslendingaháttum. Var alltaf að reyna að gera í því að hleypa ekki bílum inn í röðina sem voru búnir að keyra á hraðari akreininni fram fyrir marga, marga bíla til að græða en ég hef þroskast og hleypi bílum alveg lon og don framfyrir mig.
Vona að fleiri sjái sér fært að gera það í framtíðinni svo að umferðin á Íslandi verði einhvern tímann boðleg!
posted @ 10:21
+ + +
18.8.03
Ég vaknaði föst í nótt, festingin í hálsinum á mér er pikkföst og því finn ég mjög til við ákveðnar hreyfingar, hef ákveðið að reyna að forðast þær í dag! Dreymdi víst einhvern þvílíkan draum í nótt þar sem Sveinbjörn vaknaði við það að ég var öll á iði, hristist víst og skalf. Það var held ég akkúrat þegar ruslabílinn var fyrir utan gluggann hjá okkur og akkúrat á þeim tíma dreymdi mig ruslabíl í draumnum mínum svo að ég vaknaði ekki alveg strax við lætin í honum og starfsmönnunum. Það tekur þá ekki nema 19 mínútur að tæma ruslageymslurnar - ótrúlegur hraði. Býst við að allir séu vaknaðir á þeim tíma og ekki líklegt að fólk nái að sofna aftur - nema það sé í dái. Þetta er alla vega mjög pirrandi. Þeir eru að vísu farnir að koma kl.8 núna sem er mjög ljúft en áður komu þeir 7.25 er mjög þakklát þessum breytingum þar sem ég vakna aldrei fyrr en 8.
Ég fór í vinnustaðapartý með Sveinbirni og öðru starfsfólki Línuhönnunar til Viðeyjar á föstudaginn. Það var mjög skemmtilegt þrátt fyrir smá byrjunarörðuleika. Við vorum þó jafn skynsöm og vanalega og vorum komin snemma upp í rúm enda þurftum við að byrja daginn snemma á laugardaginn. Vorum svo að vinna við Reykjavíkurmaraþonið á laugardaginn frá hádegi til tæplega hálf þrjú. Fyrirfram héldum við að við yrðum búin kl.13.30-14:00 en þar sem sumir nenntu ekki að hlaupa maraþonið heldur gengu þess í stað teygðist aðeins úr þessu. Við vorum að vinna á hringtorginu hjá McDonalds við það að stoppa bíla þegar hlauparar nálguðust svo að þeir fengu auðan veg! Fólk var svona misjafnlega hrifið af uppátækinu og fengum við oft og iðulega að heyra það. Það skrýtna var að við fengum enga stakka eða neitt sem gaf til kynna að við værum að vinna svo að fólk var frekar hissa þegar við gengum inn í mitt hringtorg og héldum höndunum úti. Flestir voru þó mjög jákvæðir og tóku okkur bara vel.
Við fórum svo í kveðjupartý hjá Silju og Vigni á laugardagskvöldið þar sem þemað var Frægt fólk og þar sem við höfðum ekki neinn tíma til að finna búninga fórum við bara sem Bleiki Pardusinn. Fólki fannst það almennt mjög fyndið - vona ég. Það voru allir rosalega flottir og við gátum yfirleitt giskað á hvaða fræga fólk var verið að stæla. Á staðnum voru m.a. Britney Spears, Cathrine Zeta Jones, Renée Zellweger, 50 cent, Halle Berry, Pink, Victoria Beckham og eiginmaður hennar Beckham sjálfur, Joe Dirt, Legally Blonde og svo mætti lengi telja! Bara skemmtilegt. Ég var alltaf að hugsa um að fara sem Julia Roberts en hætti við þar sem ég fann engin föt sem pössuðu hlutverkinu svo að fólk fattaði.
Aftur fórum við snemma heim sökum elli og eilífrar þreytu.
Við vorum því mjög fegin þegar við vöknuðum snemma í gær morgun við ótrúlegan hita og vorum ekki lengi að koma okkur út. Frábært veður framan af í gær. Ég var næstum viss um að það væri mánudagur og við Sveinbjörn hefðum sofið yfir heilan dag, sú varð þó ekki raunin og nutum við þess til hins ítrasta að vera úti í góðu veðri!
posted @ 09:32
+ + +
15.8.03
Hve aumkunarvert er að nenna ekki út í búð og borða í stað þess flögur og ídýfu í kvöldmat?
posted @ 11:55
+ + +
Ég er komin með svo fín gluggatjöld fyrir svefnherbergið mitt - ótrúlega ánægð með það. Amma var svo góð að sauma þau handa okkur á engum tíma í gær. Við vorum sem sagt með ljósar of stuttar og of mjóar gardínur þannig að birtan streymdi inn um gluggan og allir í hverfinu gátu séð mig klæðast og afklæðast. Núna erum við hins vegar með bláar, síðar og breiðar sem ná alveg niður og yfir alla gluggana - bara jákvætt. Svo myrkva þær líka svo vel þannig að ég get sofið almennilega. Birgitta Haukdal ásótti mig hins vegar í draumum mínum í nótt og því svaf ég ekki nógu vel fyrstu nóttina með nýju gluggatjöldin. Vona að þetta lagist í kvöld.
Annars er ég að fara í vinnupartý með Sveinbirni í kvöld út í Viðey. Ég hef aldrei komið þangað svo ég hlakka soldið til, vona að veðrið verði almennilegt til tilbreytingar. Ótrúlegt hvað það er alltaf bara gott veður á daginn þegar ég er í vinnunni.
Á morgun verð ég svo að vinna við Reykjavíkurmaraþonið þar sem ég stjórna umferð og hlaupurum með harðri hendi. Um kvöldið er síðan kveðjupartý hjá Silju og Vigni og þar er þemað frægt fólk. Ég er komin með nokkuð góða hugmynd handa okkur skötuhjúunum en ætla ekki að opinbera hana hér af ýmsum ástæðum. Segi ykkur hvernig til tókst eftir helgi.
Ykkur er samt sem áður frjálst að giska eða koma með hugmyndir.
posted @ 11:54
+ + +
14.8.03
Sumu fólki er ekki viðbjargandi, það er svo leiðinlegt að engin orð fá því líst. Hugga mig hins vegar við að einhvern tímann hlýtur það að deyja úr eigin leiðindum og tilætlunarsemi.
Annað fólk sem þarf að umgangast þetta leiðinlega daglega hlýtur að vera haldið þvílíkri sjálfspíningarhvöt.
posted @ 15:01
+ + +
Afhverju er sódavatn jafn dýrt og aðrir gosdrykkir?
Ég hef mikið verið að velta þessu fyrir mér og get bara alls ekki séð ástæðuna. Það getur ekki verið jafn dýrt að bæta gasi og smá af bragðefnum út í vatn og út í hinar blöndurnar! Sætti mig ekki við það. Mér finnst að stjórnvöld ættu að styðja það að sódavatn væri ódýrara en aðrir gosdrykkir sem innihalda sykur þar sem offituvandamál er rísandi á Íslandi. Fleiri og fleiri eiga í vandræðum með líkamsþyngd sína og í dag eru alltof mörg börn of þung og feit.
Þegar ég var að þjálfa frjálsar var ekki óalgengt að foreldrar sendu börnin sín á æfingar til að þau léttust. Var að þjálfa einn sem var mjög latur víst og nennti ekki að gera neitt nema horfa á sjónvarpið. Eftir að ég hætti að þjálfa hélt hann áfram og er í dag nokkuð efnilegur í sínum aldursflokki. Ég er ekki að segja að frjálsar íþróttir séu lausnin á þessum vanda, þessi strákur er stór og mikill þó að hann sé ekki lengur jafn feitur og hann var. Það er mjög auðvelt að fitna á þessum síðustu og verstu tímum. Fólk borðar alltof mikið nammi og drekkur alltof mikið gos og svo eru skyndibitar ofarlega á lista flestra og þeir eru ekki það besta til að halda spengilegu vaxtarlagi.
Mér finnst reyndar allt í lagi að fólk sem hreyfir sig reglulega fái sér skyndibita þar sem það er nokkuð bókað að hitaeiningarnar setjist ekki utan á þá kroppa. Fólk sem stundar enga líkamsrækt aðra en að labba út í bílinn sinn ætti bara ekki að borða svona mikið af sætindum og öðru gumsi.
Ef ég hefði einhver völd í þessu landi myndi ég styðja það að gosframleiðendur fengju sérstakan styrk til að halda verði á ósætum gosdrykkjum í lágmarki svo að fólk veldi þá drykki fram yfir sætu drykkina.
Annars held ég að framleiðendur Topps og Egils Kristals myndu ekki deyja af því að lækka verðið á þessum drykkjum. Mér finnst í rauninni að 50 kall væri nóg fyrir flöskuna. Þá myndi ég líka kaupa sódavatn oftar. Einnig fyndist mér að þeir ættu að bjóða fólki upp á að kaupa stærri pakningar af þessum ágæta drykk.
posted @ 13:53
+ + +
Verð að taka undir með Höllu þetta er alveg ótrúlegt. Þetta hlýtur að þýða að það sé meira að segja hægt að gera mig að súper-módeli.
Sigurjón, meik mí prittí!
posted @ 09:38
+ + +
13.8.03
Fékk staðfestingu á því að skötuhjúin sem kyssast svo glatt í sólsetrinu voru Kristín og Bjöggi. Þið getið séð sumarkossinn hér. Bjöggi átti klárlega flottustu myndirnar þó að hann hafi tekið hina myndina sem hann sendi inn út...Veit ekki hvað sumir af hinum þátttakendunum voru að pæla. Ég gæti tekið betri myndir með vinstri...Úrvalið er hér.
posted @ 14:50
+ + +
Fór að spá í það í hádeginu á meðan ég sat fyrir utan SHELL hérna í Grjóthálsinum afhverju MÞJ standi á öllum niðurföllum bæjarins. Ágiskanir um hvað þetta þýddi komu ekki í tonnatali til mín.
Heyrði síðan að þetta væri Málmsmiðja Þorsteins Jónssonar vitið þið hið rétta. Forvitnin í mér fær ekki frið fyrr en ég veit hvað þetta þýðir!!!
posted @ 14:42
+ + +
Það er SVO gott veður.
Mig langar svo að fara út...
Ef ég hætti fyrr í vinnunni í dag þarf ég að fara og kaupa svona milljón hluti sem okkur vantar svo að ekki er það til mikils. Annars en að við fáum alla þá hluti sem okkur vantar...
græði ekki mikið sólskin á því.
Kannski get ég bara keyrt með rúðurnar niðri og vonað að sólin skíni á mig ; ) Það er soldið sniðugt.
Mig grunar að Bjöggi, Björgvin Víkingsson, hafi unnið einhvern ljósmyndaleik - SMELLIR KOSSI. Held að myndin hafi verið af þeim skötuhjúum honum og Kristínu. Þau smelltu einmitt kossi á hvort annað í sólsetri, mjög flott mynd.
Er þetta ekki rétt hjá mér? Vona alla vega að hann hafi verið að kyssa Kristínu en ekki einhverja aðra.....hans vegna ; )
posted @ 14:09
+ + +
ÉG HATA PENSILÍN.
Ég er búin að vera að drepast í maganum í allan dag, þetta er ógeðslegt lyf og mér finnst að læknar ættu ekki að útdeila þessu eins og sælgæti. Mér finnst í raun að þetta ætti að vera eitt af seinustu úrræðunum. Ég hugga mig þó við að seinasti dagurinn er á föstudaginn og þá get ég farið að taka góðu gerlana inn eins og ég fái borgað fyrir það. Hugsa að ég drekki bara AB-mjólk allan laugardaginn. Eins gott að hálsinn á mér lagist við þetta svo að ég þurfi ekki að fara í kirtlatöku, líst ekkert á það þó að ég megi borða ís! Það hefur aldrei neitt verið fjarlægt úr mínum líkama, ekki nema barnatennurnar en þær duttu svona nánast af sjálfu sér þar sem ég var heldur ekki mikið gefin fyrir sársauka þegar ég var lítil...
Margir voða hissa á því að ég sé enn með hálskirtla...
posted @ 12:33
+ + +
12.8.03
HELGIN...
Bikarkeppni FRÍ var um helgina. Þar sem ég er með svo mikla sýkingu í hálsinum ákváðum við Jón þjálfari að það væri ekki skynsamlegt fyrir mig að hlaupa. Maður verður víst frekar slappur og sljór af pensilíni og því fylgdist ég bara með stöllum mínum hlaupa.
ÍR-liðið stóð sig alveg hrikalega vel þrátt fyrir nokkur skakkaföll. Ég var alveg ótrúlega stolt af liðsfélögum mínum og hlakka til að taka þátt í baráttunni að ári.
Eftir mótið á laugardaginn fórum við öll saman út að borða og skelltum okkur svo í partý til Burkna og co. Að partýi loknu hittust öll liðin á Felix þar sem dansinn dunaði fram eftir nóttu. Þetta var í stuttu máli frábært kvöld og hefði ekki getað verið betur heppnað. Allir skemmtu sér konunglega á Felix og var sérlega gaman að sjá hvað þjálfarar voru langlífir á dansgólfinu. Ég hélt að þolinmæði þeirra til að dansa við brjálaða unglinga og aðra á besta aldri yrði ekki svona mikil. Þau fá hrós fyrir það þar sem svipur þeirra á dansgólfnu var ser mikill. Einkennislitur minn þetta kvöldið var rauður þar sem ég var í öllu rauðu - mjög skemmtilegt. Var meira að segja með rauðu húfuna mína. Ég fór út af Felix um hálf fjögur leitið til að leita unnusta minn uppi og var ekki lengi að finna hann. Við löbbuðum svo heim úr bænum í fyrsta skipti og held ég að það verði ekki lengi að venjast - ætla samt að vera í betri skóm næst. Ekki gott þegar bandaskórnir byrja að skerast inn í lappirnar á manni. Síðan vorum við svo svakalega svöng þegar við komum heim að ákvörðun var tekin um að RÖLTA út á BSÍ í fljótheitum en það voru mikil mistök. Sjónlínan út á BSÍ er ekki löng en gönguleiðin er alltof löng og svo er þessi búlla þvílíkt okruð og samlokurnar voru þvílíkt sveittar og sósan flæddi út um allt - ekki ýkja girnilegt. Næst bý ég bara til samlokur sjálf - from scratch!
Við vöknuðum síðan við lætin í krökkunum út á leikvelli fyrir allar aldir...gaman að búa á hjónagörðum!
Það var ágætis heilsa á okkur á sunnudaginn en í gær og í dag hefur henni eitthvað hrakað. Ég er búin að vera ótrúlega oft veik í sumar og veit ekki alveg hvað þetta á að þýða. Hugsa að ég verði að splæsa á mig heimsókn til háls, nef og eyrnalæknis og láta hann kíkja á hálsinn á mér. Betra að vera viss...
Var að reyna að þvo þvott áðan en þar sem heilsan er ekki upp á marga fiska var það ÓGEÐSLEGA erfitt, hugsa að ég reyni það ekki meira í bráð.
Þarf nú samt að fara að sækja dótið í þurrkarann.
Later...
posted @ 13:45
+ + +
Ég er veik heima, ekki neitt sérlega skemmtilegt. Er að taka milljón mg af pensilíni á dag og ég held að það sé ekki að fara vel í kroppinn minn. Er alla vega með þvílíka hálsbólgu, hausverk, kvef og ógleði mikla.
Ástæðan fyrir því að ég spurði hvernig fólk hneppti buxunum sínum er sú að ég varð vitni að því um daginn þegar piltur einn hneppti fyrst efstu tölunni og byrjaði svo niðri og hneppti þannig upp. Spurði þann sama einmitt afhverju hann byrjaði ekki bara niðri og hneppti upp þá sagði hann að þegar maður reyndi upp peysu myndi maður fyrst setja rennilásinn saman uppi og renna svo upp. Ég var nú ekkert sérlega hrifin af þessari rökfærslu hans en honum finnst þetta víst þægilegra.
posted @ 13:23
+ + +
8.8.03
Það var eitthvað sem ég ætlaði svo að skrifa hérna inn en núna man ég það svo gjörsamlega ekki. Datt svona líka all svakalega út úr mér. Var einmitt að pæla í því áður en ég fór að sofa en ég næ ekki að muna hvað það var. Gallinn er líka sá að ég er lengi búin að vera að hugsa um að skrifa þetta hérna inn en gleymi því alltaf jafn óðum...frekar pirrandi. Þarf að fara að skrifa þetta niður.
Annars gekk mér svona líka illa að sofna í gær. Hálsinn á mér er að plaga mig frekar mikið. Held að það sé eitthvað alvarlegt að honum. Ég finn stöðugt til og það er þvílíkt vont að kyngja. Það er líka eins og hálskirtlarnir séu fullir af einhverjum skít. Í gærkvöldi hóstaði ég upp einhverjum kögglum sem mig grunar að komi úr hálsinum á mér...líst ekkert á þetta. Sveinbjörn er líka að drepast í hálsinum og það styrkir mig enn frekar í trú minni um alvarlegheit. Ég er líka nokkuð viss um að ég sé með vott af hita í dag þar sem mér er heitt og kalt til skiptis og líður ekkert sérlega vel.
Þetta er sem sagt ekki góður dagur í minni sögu.
Það er líka sérlega óþægilegt að vinna á skiptiborði þegar manni er illt í hálsinum...Veit ekki hvernig ég verð þegar álagið byrjar...shit. Vona að þetta lagist fljótlega.
Annars er ég að fara að keppa á morgun í 1000m boðhlaupi þar sem ég á að taka fyrsta sprettinn. Ég hef einmitt ekki keppt utanhúss síðan á sama tíma í fyrra ; ) Vona að ég geri mig ekki að SVO miklu fífli!
Ætla að fá mér te...
posted @ 09:52
+ + +
Þegar þið hneppið upp buxum hvort byrjið þið neðst og hneppið upp eða efst og hneppið niður?
posted @ 09:19
+ + +
7.8.03
Var að fá niðurstöðuna núna og ástæðan fyrir víbríngnum var bara skítur aftan á felgunum sem safnaðist á þær á leiðinni frá Mývatni til Vopnafjarðar. Ég áttaði mig ekki á því að það þyrfti að þrífa hann...hef ekki keyrt mikið á þjóðvegum landssins og ég nennti ekki að þrífa hvíta kaggann almennilega fyrir austan! Hafdís letiblóð.
posted @ 15:35
+ + +
6.8.03
Ég er komin heim úr Heiðardalnum....
Mikið afskaplega er notalegt að komast aðeins í kyrrðina í sveitinni. Við gistum í fínum sumarbústað rétt fyrir utan bæinn. Frændi minn kom frá Þýskalandi á húsbílnum sínum ( kom með hann í Norrænu) og þar sem við vorum svo mörg gisti hann í honum fyrir utan bústaðinn. Helgin byrjaði ekki vel að því leytinu til að við fengum bara eitthvað lítið og lélegt að borða um leið og við komum en hún ég var fyrirfram búin að ákveða að við fengjum eitthvað dýrindis dýrindis þar sem það er yfirleitt þannig þar sem móðir mín er. Fyrir þá sem ekki vita er mamma snilldar-kokkur með meiru.
Á laugardeginum var hálfgert ættarmót þar sem allir sem vettlingin gátu valdið mættu á svæðið. Við grilluðum 4 læri handa liðinu - um 20 manns og því var meira en nóg handa öllum. Eftir myndatökur, skemmtiatriði og íþróttakappleiki var brugðið upp dansleik á miðju stofugólfinu þar sem gettóblastur sá um að halda uppi stuðinu. Papadiskurinn var vinsælastur og á tímabili héldum við að gólfið myndi hrynja svo mikil voru lætin....sem sagt mikið gaman og mikið grín. Þetta fjör entist langt fram eftir nóttu og voru yngstu börnin langlífust og neituðu að fara að sofa fyrr en eftir miðnætti. 3 ára frænka mín fór þarna fremst í flokki og dillaði sér fram undir miðnætti.
Á sunnudeginum fórum við Sveinbjörn í bíltúr um Austfirðina. Kíktum á Egilsstaði, Reyðarfjörð og Eskifjörð. Þar hittum við enn fleiri ættingja og því fékk Sveinbjörn dágóðan skammt af ættinni minni á stuttum tíma ;)
Þegar við turtildúfurnar mættum aftur í bústaðinn beið einn af uppáhalds frændum mínum og hele familien eftir okkur með gítar og voru þau vægast sagt að tapa sér í gítarspili, söng og gleði. Mágur hennar mömmu fór á kostum þegar hann söng undir Bláhimni og missti tanngarðinn alltaf út úr sér. Fólkið dó næstum úr hlátri - held samt að þetta hafi verið svona had to be there dæmi. Allir sem sáu þetta ekki voru alla vega voðalega svekktir yfir því að hafa misst af þessu en þeir sem sáu þetta grétu yfir því að hafa ekki náð þessu á band.
Við Sveinbjörn reyndum eins og við gátum að syngja með liðinu en íslenskan var í hávegum höfð og við kunnum ekki mörg lög sem voru gefin út fyrir 1980 og því gátum við oft ekkert sungið með en stundum gátum við raulað með viðlaginu. Ég stal senunni undir lokin með því að syngja Í KARTÖFLUGARÐINUM á ensku og íslensku. Hafdís duglega.
Fórum í endalausar heimsóknir á mánudeginum og ég held að Sveinbjörn hafi verið að verða geðveikur - greyið skinnið. Lofa að fara ekki svona illa með hann aftur.
Keyrðum svo allan daginn í gær með tvo unglinga í aftursætinu. Annað þeirra hafði ofan af fyrir sér með því að horfa á þætti í tölvunni alla leiðina - guði sé lof og dýrð fyrir bílhleðslutæki - en hitt kom mjög á óvart og var frekar þolinmótt alla leiðina. Það var einmitt hún systir mín sem hefur löngum verið þekkt fyrir mikla óþolinmæði í bíl. Um árið spurði hún pabba hvort þau væru ekki að vera komin þegar þau voru í Landsbankanum Holtagörðum - sem er einmitt í 500 m fjarlægð frá húsinu okkar.
Karl frændi minn - sem horði svo mikið á þætti í tölvunni - var hins vegar hinn kátasti þegar við lögðum af stað og hefði hann fengið að ráða hefðum við lagt af stað fyrir ALLAR aldir. Ég náði þó að fresta brottför til 11.
Við komum svo heim um 8 leytið í gærkveldi. Stoppuðum nefnilega á Akureyri í langa stund og fengum okkur pizzu og ís - frekar ljúft.
Þessi ferð var sem sérlega hugguleg í alla staði. Ég var að vísu ekki nógu dugleg að æfa og fæ skömm í hattinn fyrir það. Var líka frekar slæm af ofnæmi sem skyggði soldið á ferðina en annars mjög vel heppnuð.... Það er ekki gott að hnerra 6 sinnum í röð! Það er heldur ekki gott að hnerra þegar maður er að keyra, sér í lagi nokkrum sinnum í röð þar sem maður sér ekki neitt og maður getur heldur ekki gert neitt í því. Ekki eins og maður geti stoppað út í vegarkanti til að hnerra. Stundum er hægt að hnerra ekki en það er víst sérlega óhollt.
Bílinn minn var með einhver leiðindi á leiðinni. Hann er á verkstæðinu núna, vona að þeir geti lagað hann. Víbraði alla leiðina til Reykjavíkur og ekki á notalegan hátt ; )
Ætla að hætta þessu bulli....
posted @ 17:37
+ + +
