30.6.03
Jíha...ég fæ trúlega frí á föstudaginn og því eru mjög líklegt að ég fari í Skóga strax á fimmtudegi...veiveivei.
Hlakka ekkert smá til...Við Sveinbjörn verðum í tjaldvagni með vinafólki okkar, Helgi Skúli og Begga, og er planið að hafa það gott bara á fimmtudagskvöldið og hvíla lúin bein fyrir átök helgarinnar. Sveinbjörn og Helgi Skúli eru báðir í stjórn og verða því duglegir að vinna um helgina og á meðan gerum við Begga bara allt vitlaust.
Þetta verður væntanlega svaka stuð...
posted @ 12:13
+ + +
28.6.03
Opnunnar dagur Stelpudaga hjá B&L tókst með ágætum í dag.
Ég tók að vísu ekki eftir því að fleiri stelpur litu inn en strákar en...engu að síður ánægjulegt.
Ég var fyrst um sinn frekar feimin í bílasölumálum en kjarkurinn ókst með tímanum. Undir lokin var ég svo alveg farin að bulla eins og ég er vön.
Lenti tvisvar í því í dag að BMW gæjar settust hjá mér og voru að forvitnast um lagerinn okkar af þessum fallegu bílum. Þar sem ég er enn um sinn frekar mikill lúði í bílamálum gat ég ekki alveg afgreitt þá ein - vildi heldur ekki vera að ljúga neinu að greyið köllunum. Veit samt ekki hvernig þeim datt í hug að spyrja mig, ég tel mig ekki líta út fyrir að vera mikill bílaspekúlant en það gleður mig svo sannarlega að öðrum finnist það.
Fyndið samt hvað fólk spyr um mismunandi hluti. Sumir karlar vilja vita ALLT um bílinn en aðrir hugsa bara um útlitið að innan sem utan.
Ég mátaði mig líka í öllum bílunum í dag og verð ég bara að segja að ég tók mig bara asskoti vel út í mörgum.
Það er voða flott sporttýpa af BMW inn í sal sem flestir SLEFA yfir, kem með nafnið á mánudaginn. Ég á eftir að máta mig í honum, var ekki rétt klædd í það í dag...
Annars hef ég bara verið voðalega þreytt í dag, rétt gat haldið augunum opnum yfir Gullmótinu og það er eitthvað nýtt og hef varla hreyft litla putta síðan. Ætlaði að fara að spila með vinafólki okkar en það eru allir eitthvað svo latir í dag...hvað er málið með það.
Næstu helgi bíða Skógar okkar svo að það er kannski eins gott að safna bara orku um helgina!
Hvað er annars málið með myrkrið úti? Minnir mann óneitanlega á að það styttist í veturinn - garg og grenj.
Þoka er eitt það leiðinlegasta sem fyrir finnst í veðurfari. Mér finnst meira að segja rigning skemmtilegri. Maður nennir ekki að gera neitt í svona þoku - óþolandi.
Hugsa að ég fari núna og rúlli Sveinbirni upp í HALO...verðum að kaupa okkur fleiri leiki í X-boxið, gengur ekki.
posted @ 23:40
+ + +
Fór að velta því fyrir mér í rúmskoðunarferðinni í dag, afhverju rúmabúðirnar bjóða fólki ekki upp á að prófa rúmin yfir nótt. Að sjálfsögðu yrði fólk að halda litlum vinum inn í brókunum og svona en mér finnst þetta brjálæðislega sniðugt. Ég væri alla vega til í að prófa nokkur rúm yfir nótt svona til að vita hvað hentar mér best. Það er alveg ómögulegt að finna út hvaða rúm er best af því að liggja í þeim í tæpar 15 mínútur þó að maður snúi sér á allar hliðar. Rúmið sem ég sef í núna getur virkað alveg ágætt í 15 mínútur þó að maður nái auðveldlega að finna spýturnar í gegnum rúmið - botn með spýtum á.
Ég auglýsi hér með eftir búð sem vill leyfa mér og mínum að prófa rúm yfir nótt.
Veit samt að Betra Bak býður fólki að skila dýnunum ef það er ekki fullkomlega ánægt með þær. Það finnst mér næstum því jafn sniðugt og eiginlega sniðugra. Gallinn við það er hins vegar sá að þú verður náttúrulega að kaupa annað rúm af þeim og e.t.v finnst þér EKKERT rúm hjá þeim gott en þá endurgreiða þeir þér 90% tilbaka. Markaðsfræðingur hefur örugglega sett þetta dæmi upp - einstök þjónusta segi ég.
Við Sveinbjörn erum nefnilega búin að prófa ansi mörg rúm í þessari viku og höfum lært ýmislegt um alls kyns botna og dýnur og dót. Erum samt engu nær í hvað við eigum að velja. Ég myndi nefnilega vilja prófa rúmið í lengri tíma en korter...veit ekkert hvað bakinu á mér finnst fyrr en eftir svona 8 tíma...
Ætli ég verði nokkuð góður markaðssálfræðingur ég leyfi fólki örugglega að fá vörurnar lánaðar heim og svo neita þau að skila þeim, shæsinn.
En það er kominn tíma á að ég fái mér fegurðarblund. Ég hef sett nógu marga út af laginu í dag, móðgað enn fleiri og komið nógu mörgum upp á móti mér. Leiðinlegt fyrir þá þó, því að ég er svona helmingi langræknari en þau og man þetta því þeim mun lengur. Guð, hvað það hlýtur að vera erfitt að eiga mig sem vinkonu. Auglýsi eftir þolinmóðum einstakling sem býr á höfuðborgarsvæðinu. Einnig væri gott ef Ellen sæi sér bara fært að flytja til mín - það myndi einfalda margt :lol:
Góða nótt elskurnar mínar.
Haldið þið ekki bara að 82 hafi kíkt inn á síðuna mína í fyrradag, ég efast um að ég þekki 82...fúff, ég þarf að fara að passa mig ENNÞÁ betur.
Sökum leiðinda skrifa ég þó bara inn á þessa síðu í óákveðinn tíma og því fáið þið fulla athygli mína - VEI!
Sofið rótt í alla nótt....
posted @ 00:34
+ + +
27.6.03
Ragnheiður ógislega klára aðstoðaði mig við að endurheimta íslensku stafina aftur og kann ég henni miklar þakkir fyrir. Auk þess lagaði hún allt heila klabbið.
Annars hefur þessi dagur verið nokkuð ljúfur. Ég kláraði bók 2 í gær og hef ekki enn byrjað á bók þrjú. Kosturinn við bók tvö var að ég var tiltölulega nýbúin að sjá myndina og vissi því nokkurn veginn hvernig hún endaði þó að myndirnar séu aldrei alveg eins góðar og ímyndaraflið. Ég veit ekki hvort ég ætla að byrja strax á bók þrjú þar sem það verður dáldið mikið að gera hjá mér í dag og á morgun. Á morgun eru stelpudagar hér í B&L og verð ég á fullu að selja bíla á morgun - ekki leiðinlegt...
Í dag hef ég hugsað mér að fara fyrr heim og draga Sveinbjörn með mér í rúmskoðunarferð. Við erum búin að fara í tvær en höfum ekki náð að kíkja í allar búðirnar sem er algjört möst. Ég gæti líka vel hugsað mér að kíkja í IKEA, Expert og Elko.
Um helgina þurfum við að fara í gegnum fullt af dóti og byrja loksins að pakka niður, en það hefur verði á stefnuskránni seinustu 3 helgar eða svo. Allt sem við höfum afrekað hingað til er að setja möppur ofan í kassa, einn kassa og það er ekki búið að líma fyrir - til mín: muna að fá límrúlluna hjá pabba!
Tók lyftingaæfingu í gær og er að drepast í öxlunum í dag, ekki gott. Vaknaðu heldur betur stíf í morgun. Ótrúlegt hvað síminn byrjar alltaf að hringja á fullu í kringum 11. Þá einmitt ætla ég allltaf að byrja að lesa! Skransans vandræði.
posted @ 11:01
+ + +
26.6.03
Einhverjar breytingar attu ser stad hja Blogger i gaer/nott svo ad nuna neitar hann ad birta islenska stafi. Veit ekki alveg hvernig eg a ad laga thad svo ad thid verdid bara ad syna tholinmaedi...
posted @ 09:47
+ + +
Mikid svakalega er eg threytt i dag...for ad sofa um eittleytid i gaer og reyndi ad vakna kl.8 i morgun en tokst ekki ad opna augun fyrr en korter yfir. Var i Saumaklubb i gaer og for greinilega alltof seint heim. Er svo mikill kjuklingur i ad vaka lengi...
aetla ad fara ad sofa klukkan 9 i kvold, Sigurjon ekki koma med neitt heimskulegt komment um thetta, annars...
Eg hefdi betur latid thad osagt i gaer ad lestur Harrys gengi framar vonum thar sem hvorki svo mikid sem ein setning var lesin eftir thessi skrif min i gaer thar sem allar linur voru raudgloandi...ef eitthvad gengur vel a madur ekki ad tala um thad!
Eg byrjadi og haetti i nyju vinnunni minni i gaer. Er svo mikill aumingi ad helvitis bakid a mer tholir ekki sma teygjur, rettur og nidurbeygingar! Fyrir tha sem ekki vita missti eg 50 kg lod ofan a bakid a mer a aefingu fyrir taepum 3 arum sidan og sneri okklann a mer illa i leidinni. Sidan tha hefur bakid a mer ekki verid alveg i lagi og til ad mynda tharf eg oft a tidum ad leggjast i golfid og retta ur thvi. thad hjalpar heldur ekki til ad vera svona oedlilega fattur eins og eg og ganga aefingar i afföttun ekki nogu vel. Svo eg nefnid nokkur daemi um aumingjaskap minn tha get eg til daemis ekki ryksugad eitt herbergi an thess ad drepast, ekki gengid fra a 6 flikum inn i fataskap an thess ad kveinka mer og ekki sofid nema 8 tima i vonda ruminum okkar an thess ad vakna med heiftarlegan verk. Vona ad nyja rumid baeti minn hag eitthvad adur en eg verd gedveikari.
Var ad fretta af thvi ad ein fyrrverandi bekkjarsystir min vaeri olett af tviburum og vaeri buin ad vera aa reyna lengi. Thetta finnst mer fremur skrytid thar sem thessi hugsun hefur ekki svo mikid sem HVARFLAD ad mer...aetli eg se ekki bara seinthroska. Mig langra alla vega ad halda frelsinu adeins lengur og held ae eg thurfi a naetur- og fegurdarblundunum ad halda...uff, ad eignast tvibura 22 ara!
posted @ 09:29
+ + +
25.6.03
Harry Potter er snillingur! Var næstum búin að gleyma hvað þessar bækur eru skemmtilegar, snilld. Í dag nenna ekki margir að kaupa sér bíla og jafnvel færri vilja fara á verkstæðið eða kaupa sér varahlut. Þetta er voða leiðinlegt fyrir fyrirtækið en ágætt fyrir mig og Harry Potter. Hver blaðsíðan á fætur annarri og mín bara komin lengst inn í bók þrátt fyrir að vera bara nýbyrjuð að lesa hana ; )
Eftir vinnu í dag fer ég að smúla, hlakka soldið til að sjá hvernig það fer fram en æfingar verða eitthvað af skornum skammti í dag sökum mikillar vinnu. Ég hyggst hins vegar bæta úr því fljótlega...
Tók annars hörku æfingu með mínum heittelskaða í gær, 2,5 í upphitun sem er lítið fyrir mína, 2 km fartleikur á blússandi ferð og 10 ferðir af tröppuæfingum, gerir aðrir betur ; )
Elskan mín verður síðan í sjónvarpinu í kvöld, í þættinum FÓLK hjá SIRRÝ, Skjár einn kl.21:00 - hvet alla til að berja hann augum.
Hann er að fara að auglýsa árlega útilegu háskólanema sem verður að Skógum undir Skógafossi fyrstu helgina í júlí.
Mér var boðið að fara sem fylgdarmey en ég þurfti að afþakka vegna anna. Eftir vinnu í kvöld bíður mín nefnilega SAUMAKLÚBBUR með vinkonum mínum og í fyrsta skipti í ár ættum við að verða 8 - bara gleðilegt.
Ætla að halda áfram með Leyniklefann ( Harry Potter bók 2.)
posted @ 11:22
+ + +
24.6.03
Ég vaknaði upp með leiðinda ofnæmi í morgun og hef því verið í fullu starfi við að sjúga upp í nefið, hnerra og þurrka tárin úr augunum. Sveinbjörn var að drepast í gær og þurfti að fara fyrr heim úr vinnunni. Við erum helv. aumingjar bæði tvö.
Dagurinn minn hefur sem sagt einkennst af þessu og Harry Potter sem gengur samt ekki vel þessa stundina, þar sem augun mín eru ekkert sérstaklega hentug til lesturs þessa stundina. Ég hef þó skánað mikið síðan í morgun...
Í gær kíktum við í nokkrar búðir til að leita okkur að nýju rúmi. Nokkur koma sterklega til greina en enn sem komið er heillar eitt okkur mest. Við þurfum því miður að passa upp á verðið og því getum við ekki bara valið það besta - vona að ég geti það samt einhvern tímann.
Allt er þó betra en það sem við sofum í núna - það er hrikalegt. Ekki gott að vakna alltaf eftir 8 tíma gjörsamlega búinn í bakinu!!! Mæli ekki með því að fólk hendi 50 kílóa lóðum ofan á bakið á sér, það grær ekki fljótt - vonandi þó áður en ég gifti mig.
Það var tvöfalt ánægjuleg æfing í gær, Rakel vinkona og Erna komu með mér á æfingu. Erna tók þó bara helminginn þar sem hún er tæp í lærinu. Við Rakel tókum nokkra spretti sem var sérlega ánægjulegt. Ég kom sjálfri mér nokkuð á óvart þar sem mér fannst ekki eins erfitt að hlaupa og oft áður og komst held ég líka aðeins hraðar en ég hef komist lengi - sem sagt upp á svona 70% af mínum hraðasta hraða ever. Þetta er sem sagt allt að koma. Það munar greinilega öllu að vinna ekki til 1800 þar sem ég var ekki næstum eins þreytt og ofsalega kát allan daginn. Í tilefni þess tók ég að mér auka vinnu, næsta mánuðinn verð ég að vinna upp í B&L til 4 og hjá ISS Ísland frá hálf fimm til ca.7 - duglega ég. Æfingar verða þá annað hvort teknar á morgnana eða á kvöldin...eða bara ekkert - vona að það komi ekki til þess.
Ég verð sem sagt að smúla kjötvinnslu á kvöldin og vona að það verði ánægjulegt. Ég byrja í því á morgun...veiveivei, margir péningar.
posted @ 14:08
+ + +
23.6.03
Eitt sem ég hef lengi verið að velta fyrir mér, afhverju þurfa kirkjuklukkur að hringja svona oft og lengi fyrir messur? Ég efast um að fólk sem vaknar við þessar hringingar á 5 mínútna fresti stökkvi voðalega hresst fram úr rúminu á sunnudagsmorgnum og skelli sér í messu. Ég er ekki þekkt fyrir að vera morgunfúl en þetta getur farið nett í taugarnar á mér á morgnana þegar ég kúri upp í rúmi. Þá dettur mér líka síst í hug að fara í messu. Ég skil ekki afhverju þeir þurfa að stilla þessar blessuðu klukkur þannig að þær hringi í 5 mínútur á 5 mínútna fresti. Maður nær svona passlega að sofna aftur á milli og vaknar svo svona skemmtilega við þessi óhljóð. Ég sef líka svo laust svo að þetta er eins og trommari standi við hliðina á mér...
Í skipasundi heyrði ég alltaf í bjöllunum í Langholtskirkju, og heyri enn þegar ég gisti þar og upp í Breiðholti klingja líka klukkur í eyrunum á mér. Vona að klukkurnar í Hallgrímskirkju drífi ekki út í Hjónagarða. Þegar ég vel mér framtíðarheimili verður það ekki í nálægð við kirkju!! Aldrei var þetta svona á Vopnafirði, ætli það sé ekki bara best að ég búi þar í framtíðinni!
Kannski ekki gott fyrir sálfræðimenntaða að búa í litlu þorpi samt, reikna með að það taki eitthvað á sálina...
posted @ 13:32
+ + +
Þið hafið líklega tekið eftir því að ég hef soldið velt feminisma fyrir mér á þessari síðu. Ég þrái jafnrétti kynjanna en er þó ekki hlynnt öllum þeirra leiðum. Þó að ég beri þess ekki merki finnst mér ofbeldi ekki vera rétta leiðin til að ná fram markmiðum sínum. Ég veit að ég hóta því stundum en það er yfirleitt í gamni gert.
Í menntaskóla velti ég því fyrir mér afhverju ljótustu stelpurnar sætu alltaf fremst á útskriftarmyndunum við mikinn fögnuð vinkvenna minna. Árið sem ég útskrifaðist hlupum við vinkonurnar nánast úr Háskólabíói og niður að háskóla og náðum plássi fremst - duglegar. Það árið fannst okkur að brugðið væru út af vananum og huggulegar ungar dömur stæðu fremst - dæmi hver fyrir sig.
Núna ætla ég að velta því fyrir mér afhverju allflestir feministar eru ljótir, frekar sterkt orð. Notum frekar óhuggulegir. Alls staðar þar sem fulltrúar þessa flokks koma fyrir eru einhverjar óhuggulegar konur í forsvari. Andrea Róberts er að vísu undantekning frá þessari reglu en aðrar veit ég ekki um. Ég er ekki að velta þessu fyrir mér af því að mér fyndist að sætar stelpur ættu að vera í forsvari, er bara að spá í afhverju þær eru óhuggulegar. Eru megaskutlurnar of uppteknar við að gera eitthvað annað en að ná jafnrétti? Eða eru sætu stelpurnar of vitlausar til að skilja hvað þetta þýðir?
Er ég bara að bulla? Finnst það líklegt, segi þetta bara gott.
posted @ 13:19
+ + +
20.6.03
Kláraði Harry Potter fyrir klukkutíma síðan og er ekki með næstu bók með mér - skransans.
Er búin að vera að leita að góðu símanúmeri síðan þá og það kom mér eiginlega á óvart hvað mörg góð eru til. Fann alveg 20 sem koma til greina en eitt finnst mér þó skera sig úr. Ætla ekki að láta það uppi fyrr en ég hef tryggt mér það ; )
Það minnir þó á heimahagana...Við vorum með 473-1212 á Vopnafirði og mig hefur dreymt um það síðan. Það er að vísu ekki til 1212 en ég fann það næst besta ; )
Leyfði Ellen vinkonu að skoða lista með svona 30 númerum og hún pikkaði akkúrat út þau tvö sem mér fannst flott...oh, how well she knows me! Það er gaman að þessu...
Hvað á ég að gera í 3 tíma? Guð hvað föstudagar eru lengi að líða!
posted @ 15:22
+ + +
19.6.03
Eitt sem ég hef lengi verið að velta fyrir mér hve heimskt er sumt fólk?
Fólk hringir hingað og biður um verslun eða verkstæði til dæmis. Ég segi því að það sé á tali og spyr hvort að það vilji doka við. Flestir samþykkja það og bíða. Biðin getur stundum verið svakalega löng, allt upp i 400 sekúndur. Margir eru voða þolinmóðir og bíða en aðrir verða alveg geðveikir ef þeir eru látnir bíða óáreittir í einhvern tíma. Hundskamma mig fyrir að láta sig bíða svona...þegar ég hringi í fyrirtæki og ætla að tala við einhvern og bið um að bíða og það er ekki svarað eftir einhvern X langan tíma. Skelli ég bara á og hringi aftur síðar...finnst það ekkert flókið. Þarf ekki að láta neina símastúlku segja mér það. Skil ekki hvað sumt fólk getur verið vitlaust. Svo er voðalega erfitt að biðja fólk um að hringja í sig þegar mikið er að gera þó að það sé oft betra. Ég vil frekar bara fá beina númerið og hringja sjálf. En svona er ég bara ; )
posted @ 15:57
+ + +
Það er bleikur dagur í dag...
af því tilefni ákvað ég að vera eins og allir þar sem ég hef alltaf verið hrifin af því en þar sem ég er ekki alltaf sammála öllu sem femínistar gera er ég bara í ljósbleiku...Sýni sem sagt hálfa samstöðu - er það ekki betra en engin?
Það er allt eitthvað hálft hjá mér núna, æfi svona helminginn af því sem ég ætti að gera og skemmti mér svona helminginn af því sem venjulegt fólk gerir og jafnvel minna og svo mætti lengi telja. Síðan kem ég til með að búa í svona helmingnum af því sem fólk ætti að sætta sig við ; )
Ég á nú samt helmingi betri fjölskyldu en allir aðrir, frekar heppin þar og eiginlega líka helmingi betri vini og sumir æfingafélagar mínir eru helmingi skemmtilegri en aðrir.
posted @ 15:39
+ + +
Þættinum hefur borist bréf:
Já, merkilegt að þú skulir minnast á Grease. Ég bar mig einmitt eftir því á 17.júní að sjá Grease-atriðin á Arnarhóli, mest fyrir forvitnissakir. Svo virðist sem stykkið hafi verið þýtt upp á nýtt, sem er frekar undarlegt, því gamla þýðingin hans Páls Baldvins var mjög góð. Nú jæja, Jónsi, Margrét Eir flestir virðast standa sig MJÖG vel, sérstaklega Jónsi sem stendur aldrei kyrr og lifir sig mjög vel inn í hlutverkið, EEEEEEEEEEEN: Hvað heldurðu?? Hvort ætli Pocahontas dansi á sviðinu eða "sé bara hún sjálf"? Jújú, akkúrat. Stendur á sama stað, hreyfir aðeins hendurnar og beygir hnén. Það er hennar mál að vilja standa kyrr á sviðinu í Eurovision, metnaðurinn var hvort eð er ekki meiri en bara það að "halda okkur inni í keppninni" en stykki eins og Grease er SÖNGLEIKUR. Það þýðir söngur og DANS, og í þessum sérstaka söngleik þýðir það að aðalkvenpersónan þarf m.a.s. að klæðast pilsi!! (nema sögusviðinu sé hreinlega breytt) Með því að vera föst á því að "vera hún sjálf" þykir mér B Hauk sýna stykkinu mikla óvirðingu og þetta atriði á Arnarhóli gerði algjörlega út um það hvort ég læt sjá mig. Það kaldhæðnislega var að Selma Björns stóð rétt hjá mér og við sjálft lá að ég færi hreinlega til hennar og bæði hana að taka við, enda stóð hún sig stórkostlega um árið.
Burkni Helgason
posted @ 14:04
+ + +
Vill einhver ráða mig í vinnu?
posted @ 10:17
+ + +
Það sem mig langar ekki að labba út úr þessu fyrirtæki og stíga aldrei fæti inn framar...Held að ég geti ekki orðið fúlli en ég er núna, held samt að sár sé rétta orðið. Þessar tilfinningar mínar eru fáránlegar...
posted @ 10:15
+ + +
18.6.03
Ég er að fara út að skokka með Guðnýju, vei,vei,vei. Hlakka ekkert smá til. Hef ekki skokkað með henni í tæp 2 ár held ég...vá hvað tíminn líður!
Er alveg að verða búin með Harry Potter og er orðin spennt fyrir fyrstu helginni í júlí.
Vinkonur mínar eru hins vegar að plana hópferð á Grease sem ég er ekki alveg jafn ánægð með...æ, ég fer þá bara ekki ; )
Getur held ég ekki neitt eyðilagt daginn fyrir mér...
Vona að Sigurjón verði á æfingu ; )
posted @ 17:40
+ + +
Ég er svo sammála þér um golf. Að vísu er golf ein af þeim greinum sem flokkast undir íþróttir en ég samþykki ekki sem íþróttagreinar. Í flokk með golfinu í ekki-íþróttaflokknum eru til að mynda skák, hestamennska, siglingar og bridds.
Við Sveinbjörn ákváðum sem sagt í gær að skella okkur í golf, okkur leiddist gríðarlega í gær og fundum okkur ekkert betra að gera. Við fórum á Ljúfling sem er par 3 völlur á svæði Oddfellowa í Hafnarfirði. Sveinbjörn byrjaði gríðarlega vel og fór fyrstu á fugli og næstu á pari. Honum gekk ágætlega en undirrituð varð fljótlega pirruð. Golf er greinilega áhugamál fyrir þolinmóða og löngum hefur það ekki talist til minna kosta. Hringurinn endaði sem sagt á því að ég hætti að telja...Ég hef vanið mig á það að taka aldrei æfingahögg - stend sem sagt ekki í korter fyrir fram kúluna og slæ út í loftið heldur labba bara að henni næ einbeitinu ( þessi liður á ekki alltaf við) og dúndra svo í kúluna - já ég dúndra en slæ ekki. Þetta tekst stundum ágætlega en alls ekki alltaf. Ég tek tilsögn heldur ekkert alltaf vel og mér þykir sérlega leiðinlegt þegar þeir sem eru jafnokar mínir eða mér síðri segja mér til. Einn maður fer þó sérlega í taugarnar á mér í þessum efnum en hann ætla ég þó ekki að nefna á nafn - ég get bent forvitnum á að hann er sá einstaklingur sem fer MEST í pirrurnar á mér núna og hefur gert undanfarið. Æfingafélagar mínir vita um hvern ég er að tala þar sem það fer oft í taugarnar á þeim þegar hann byrjar að segja fólki til sem hefur æft mun lengur en hann sjálfur. Vá, hvað þetta er augljóst - jæja...
Birgitta Haukdal er bara vinsæl í mínum eyrum miðað við hann ; )
Ég hef einmitt fengið nokkur skot um álit mitt á Birgittu og vil ég hér með koma því á framfæri að ég hef ekkert á móti henni. Finnst hún bara taka soldið mikið að sér og vera soldið of væmin. Á hinn bóginn finnst mér hún afbragðs fyrirmynd fyrir ungt fólk og hún kemur alltaf vel fyrir og finnst lítið mál að sinna aðdáendum sínum sem mér finnst aðdáunarvert. Hún er líka sérlega glæsileg stúlkan þó að hún kunni ekki að dansa og eigi ekki að leika í Grease, skil ekki hvernig henni datt það í hug. Held meira að segja að ég væri Betri Sandy en hún!
Harry Potter bók 1 gengur ágætlega miðað við að ég les hana bara í vinnunni...varð soldið svikin þegar ég sá að Bókabúð hér í bæ ætlar að selja nokkrar bækur næsta laugardag....ég pantaði mína af Amazon og fæ hana líklega ekki fyrr en í lok júlí - svik og prettir. Tímdi nefnilega ekki að kaupa svona dýrari flutningsgjald, Hafdís sparsama.
Var ég búin að segja ykkur að við erum búin að skrifa undir húsaleigusamning og að við flytjum inn í byrjun júlí? Svo spennt...
Það er annars þvílíkt moj að sækja um húsaleigubætur, datt ekki í hug að þetta væri svona mikið vesen og guð hvað starfsmenn ríkissins eru oft á tíðum önugir - jiiii.
Ein af betri vinkonum mínum var svo hissa á að ég væri að fara að flytja frá foreldrum mínum, ég benti henni á að ég væri varla búin að búa heima hjá mér seinustu tvö árin og svo er ég bara að fara í annað póstfang. Í kjölfarið fór ég þó að pæla í því hve skrýtið það væri að eiga ekki herbergi heima hjá sér - systir mín er búin að tryggja sér það. En guð hvað það verður gott að labba bara í skólann í stað þess að keyra í rúmar 20 mínútur fram og tilbaka...Ég hlakka nú samt ekki alveg jafn mikið til þess að fara að versla en....lítum á björtu hliðarnar ; )
posted @ 10:28
+ + +
16.6.03
Ég fór að velta því fyrir mér í gær hvers vegna fólk er hrætt við dýr.
Ég held að ég sé ekki hrædd við nein dýr nema þau sem allir hræðast, ljón, tígrisdýr, slöngur og því um líkt.
Ég veit hins vegar um mjög marga sem eru hræddir við hunda, ketti og all flestir eru hræddir við skordýr. Ég viðurkenni að mér finnst geitungar og annað sem stingur ekki mikið heillandi en á meðan ég læt þau í friði láta þau mig í friði - gagnkvæmur skilningur. Ef ég sé svoleiðis dýr hleyp ég ekki í burtu gargandi heldur kýs frekar að sitja bara kyrr og bíða eftir að þau fari. Einhver sagði mér einu sinni að óvæntar hreyfingar gætu virkað sem ógn fyrir þau - skynsama ég.
Helmingurinn af fjölskyldunni minni er hræddur við hunda og þá er ég ekki að tala um mína nánustu heldur systur hans pabba. Allar nema ein eru þær hræddar við flest öll dýr og af mismunandi ástæðum. Ég komst til dæmis að því í gær að föðuramma mín er hrædd við ketti og ein af mínum bestu vinkonum líka...mér finnst kettir og hundar og hamstrar og annað yndislegt og vildi helst alltaf vera að kjamsa og knúsa dýr. Ég er hins vegar með ofnæmi fyrir dýrum og má því ekki kjamsa þau og knúsa þó að ég geri það yfirleitt. Til dæmis býr mest sæta kisa í heimi ( á eftir kisunum hennar Árdísar) í næsta húsi við mig. Hún/ Hann Monica er það víst, er svo gæfur að það er alveg frábært. Hann labbar með mér út í búð og niður á myndbandsleigu og bíður eftir mér hjá gatnamótum þegar ég kem tilbaka þar sem hann er hræddur við bíla. Hann er gulbröndóttur og mesta rúsína ever. Ég bara get ekki ekki klappað honum.
Þessi vinkona mín sem er hrædd við kisu lenti hins vegar í því þegar hún var lítil að kisa vinkonu hennar klóraði mikið og lét öllum illum látum. Þetta situr í þessari elsku og hefur þau áhrif að hún getur ekki hugsað sér að vera nálægt þeim. Ótrúlega sorglegt finnst mér þar sem það er svo gott að knúsa þær. Kettlingar eru líka það sætasta í heimi! Svona áföll í æsku hafa svakaleg áhrif.
Ég man til dæmis vel eftir því heima þegar einni konu tókst að banna að hundar færu með eiganda sínum um helstu staði þorpsins bara af því að dætur hennar voru hræddar. Það sem ég var ekki hneyksluð. Núna skil ég hins vegar alveg að fólk sé hrætt og virði það þó að mér finnst það vera að missa af svo miklu.
Núna hljómar Birgitta í útvarpinu með Summer Loving - jesús, ef þið ætlið á þetta takið þá með ykkur eyrnatappa og eitthvað sem hlýfir augungum fyrir þessum hryllingi. Tek undir orð Burkna og velti því upp hvort að hún ætli að dansa eða bara vera hún sjálf!
posted @ 11:35
+ + +
Þreyta og slen einkenndu helgina að þessu sinni.
Eftir erfiða símaviku nennti ég ekki að gera margt annað en að lúra bara upp í sófa og hvíla mig. Við skötuhjúin höfðum það bara gott á föstudaginn. Sveinbjörn var eitthvað slappur og því þjónustaði ég hann í bak og fyrir - ossalega góð.
Á laugardaginn skellti ég mér svo á Esjuna með Rakel vinkonu og dró hana upp á topp. Það þýðir ekkert að fara bara hálfa leið...þessi ferð gaf mér mikla ánægju, aukið úthald og slatta af harðsperrum - sehr gut.
Um kvöldið grilluðum við með foreldrum mínum, lambafillet, kartöflur, salat og grillaðar perur í eftirrétt - ég borðaði alltof mikið og lá afvelta eftir matinn. Fjallaklifur eykur greinilega matarlyst.
Við kíktum svo aðeins í parý til vinafólks og fórum aðeins í bæinn - það var þó helst til of seint þar sem alls staðar voru km langar raðir sem hin óþolinmóða ég er ekki hrifin af. Við vorum því bara á röltinu og kíktum aðeins á Felix. Það var gott að vera kominn snemma heim. Það var svo æðislegt veður í gær að mest allan daginn sat ég útí garði með fjölskyldunni minni og hafði það súper gott. Gaman að fá sér í svanginn útí guðsgrænni...
Við grilluðum síðan aftur í gærkveldi en þá urðu kjúklingabringur fyrir valinu og enginn eftirréttur að þessu sinni - samt sem áður mjög gott og góður endir á góðri helgi. Lágum á meltunni í gærkvöldi og höfðum okkur ekki í kvikmyndahús borgarinnar.
Hvernig var helgin ykkar?
posted @ 11:22
+ + +
12.6.03
Er fólk ekki að grínast?
Ég færi ekki þó ég fengi mikið borgað fyrir það!!!!
posted @ 17:03
+ + +
Líf mitt einkennist af vinnu, þreytu og æfingum þessa dagana og því drífur fátt markvert að...Þar af leiðandi hef ég ekki haft neitt að segja.
Ég er búin að vera duglegri að æfa en oft áður kannski vegna þess að ég fylgi eigin prógrammi og ungfrú Vesturland 1997 dregur mig áfram. Munar svakalegu að æfa með einhverjum sem er á sama stað og maður sjálfur í æfingum. Við pössum líka sérlega vel saman sem æfingafélagar og mér hefur varla liðið svona vel síðan Guðný var og hét. Ekki það að æfingafélagar mínir þarna á milli hafi verið eitthvað slakir, alls ekki. Ég get bara ekki æft með þeim þegar ég er ekki í formi og ég hef barasta ekki verið í formi síðan í mars 2002. Ég stefni þó hraðbyr á að komast þangað aftur og mér hefur ekki liðið jafn vel í skrokknum í langan tíma þó að hnéin kvarti alltaf reglulega.
Í kvöld er Miðnæturmót ÍR, ég hafði hugsað mér að skella mér og horfa á en núna er ég örlítið efins. Vona að ég nái að kíkja aðeins en það kemur bara í ljós.
Ég held að hausinn á mér sé að steikjast á því að vinna svona á símanum. Alla vega virkar hann ekki eins og hann á að sér að gera.
Skrifa eitthvað þegar ég hef eitthvað að segja...
posted @ 12:48
+ + +
10.6.03
Þetta finnst mér ótrúlega fyndið, gott að mín síða finnst undir þessu leitarorði!
posted @ 18:01
+ + +
Í verslunarleiðangrinum mínum um helgina fór ég aðeins að pæla í hvað allar stelpur/konur sem eru of feitar eða of mjóar eiga bágt.
Ég á eina vinkonu sem er mjög mjó og það er hægara sagt en gert fyrir hana að finna á sig föt þar sem mjög margar búðir selja ekki extra small og enn fleiri selja ekki stærri stærðir en large. Ég kvarta oft yfir því að vera stærri en ég á að mér að vera en út frá þessum pælingum mínum hef ég ákveðið að snarhætta því. Ætla bara að vera ánægð með að hafa mikið af valmöguleikum. Frjálsíþróttastelpur hafa þó alltaf átt í vandræðum með að kaupa sér buxur því að mössuð læri og mjótt mitti fara yfirleitt ekki saman. Buxur sem passa yfir læri og rass eru alltof stórar í mittið og því oft ógjörningur að finna sér buxur. Sjálf hef ég kosið að biðja ömmu mína að sauma á mig buxur og þær nota ég yfirleitt mest. Undanfarið hef ég verið að spara svo að ég hef gengið um í buxum sem eru svona 6 númerum of stórar í mittið og aðeins of víðar yfir rassinn og því fer eg ekki langt án beltis.
Silja vinkona keypti þó ofur-skvísulegar buxur fyrir mig úti og komast þær mjög nálægt því að passa - ótrúlegt. Vel lukkuleg með það ; )
Ætla að gera mig klára fyrir æfingu og eftir það fer ég beint í bólið - umh, get ekki beðið. Ætla helst að sofa í 10 tíma : )
posted @ 17:48
+ + +
Sólarsagan...
Ellen vinkona mín kom í bæinn um helgina. Við vorum óaðskiljanlegar á okkar yngri árum á Vopnafirði og þekkjumst því svona frekar vel. Hún var hjá annarri vinkonu sinni á föstudag og hálfan laugardaginn en ég fór með þeim í bæinn fyrri part laugardags, fyrir landsleikinn.
Hún kom svo til mín á sunnudaginn og við höfðum það frekar gott yfir daginn. Lágum upp í sófa í letikasti, borðuðum á okkur gat og horfðum á sjónvarpið. Um kvöldið höfðum við það jafnvel betra þar sem nammi og kökur spiluðu stóran þátt í gleðinni.
Á miðnætti hrindi hin vinkona hennar, Rúna, og bauð okkur í partý. Akkúrat þegar hún var að tala við Ellen var ég búin að klæða mig í náttfötin og var að fara að sofa. Ég ákvað að vera ekki mesti partý-poober í heimi og skellti mér í föt og við skutluðumst niður á Njálsgötu í partý. Þar beið okkar vel fullt lið sem var að ræða ýmislegt sem ég hef ekki heyrt áður. Þar má nefna að einn félagi þeirra notaði brúnkukrem við endaþarmamök og hefur síðan þá verið kallaður GULLTYPPI. Sjálfsfróanir voru líka títt ræddar og hvað auminga strákagreyin lenda í miklum erfiðleikum með að fullnægja kærustunum sínum ef þær væru ekki búnar að kanna hvern krók og kima á líkamanum og vissu hvað þeim fyndist gott. Ég er viss um að nokkrar af vinkonum mínum hefði fundist þetta heldur svæsin umræðuefni og hefðu lekið niður í sætið. Ég gat setið undir þessu en fannst sum af umræðuefnunum bara ALLS EKKERT spennandi og var sjaldnast sammála. Lenti líka í þvílíkum rökræðum við eina sem hefur komið víða við...ég hef nú ekki eins víðtæka þekkingu og reynslu og hún en gat þó rökstuttu mitt mál. Ég efast um að hún fái oft mótbárur því að henni líkaði þetta framlag mitt ekki vel.
Um 2 leytið hunskuðumst við niður í bæ og lentum í þvílíkri rigningu og leiðindaröðum. Ég sýndi fádæma þolinmæði miðað við þreytustig og hafði það af að bíða í röð í hálftíma sem er sjaldséð hjá mér. Þessi bæjarferð átti að taka enda um 4 leytið og á tímabili leit allt út fyrir að mín yrði komin undir sæng um hálf fimm. Ellen vinkona nennti ekki heim þá og ætlaði að taka taxa. Nokkru síðar snérist henni þó hugur og ég snéri við til að sækja hana. Við ákváðum að skella okkur á Hlölla áður en við héldum heim og þar lenti ég í útistöðum við fimmtugan kall. Hann tróð sér inn í röðina við hliðina á mér, ég benti honum góðfúslega á að hann ætti að fara aftast í röðina. Hann var ekkert á því og því endurtók ég orð mín og benti honum hvert hann ætti að fara. Hann ákvað frekar að hundsa fyrirmæli mín og slá í rassinn á mér. Þetta er eitt af því sem mér finnst algjör óvirðing við konur og held að það sé algengur misskilningur hjá köllum að þetta sé eitthvað sem okkur líkar. Ég sagði honum þá að ef hann gerði þetta aftur neyddist ég til að gefa honum einn á lúðurinn og það hugðist ég standa við. Hann horði bara á mig með skilningslausum augum og ég gat eiginlega ekki gert annað en vorkennt honum þar sem hann var svo aumkunarlegur. Gott að fara í bæinn og slá í bossann á stúlkum sem eru meira en helmingi yngri og óheppin hann að lenda akkúrat á mér. Þessi aumkunarverði maður var þó svo óheppinn að lenda í útistöðum við annan en mig og nú var hann helmingi óheppnari þar sem þessi hinn henti honum í götuna og steig á hann. Ég ákvað að blanda mér ekki í leikinn enda ekki alveg komin með sálfræðiprófið. Býst samt við að sá seinni hefði ekki orðið lítið ánægður með mig ef ég hefði slegið fyllibyttuna í fésið - guð hvað það hefði verið gaman. Ég þarf þó að tileinka mér öllu meiri ofbeldishneigð ef ég ætla að framfylgja þeirri reglu minni að allir sem slá mig í rassinn fái einn á hann að launum. Vinir og kunningar gætu þó sloppið með skrekkinn ; )
Í annað skipti um kvöldið klæddi ég mig í náttfötin og skreið upp í rúm, akkúrat á þeim tímapunkti hringdi Rúna vinkona Ellenar og sagði henni að lyklarnir að íbúðinni hennar, einu lyklarnir, væru í veskinu hennar. Mín þurfti því að klæða sig enn einu sinni og skutlast niður í bæ þar sem Ellen vinkona hefur lítið gert af því að keyra í bænum og ratar ekki nema á helstu staðina - heim til mín og svona. Ég fór því ekki að sofa fyrr en klukkan var að ganga hálf sjö og vaknaði kl.hálf ellefu. Ekkert varð af því að ég myndi ná að leggja mig daginn eftir þar sem allir í heiminum hringdu til að vekja mig - minnir að ég hafi verið pirruð...
Sigurjón heldur því fram að ég segi varla annað en þreytt og pirruð þessa dagana og segir mig vera gamla í því samhengi. Ég vil benda þessari elsku sem og öðrum sem gætu orðið fyrir barðinu á mér að ég er að vinna allan daginn á símanum ( 9 tímar) og það er ótrúlega erfitt andlega. Stöðugt áreiti fer ekki vel með litla heilann minn. Ég verð því mjög þreytt og pirruð næstu tvær vikurnar en þá kemur elskan mín aftur úr fríi og bjargar geðheilsunni. Getur ekki verið gott að verið gott að vera geðveikur sálfræðingur.
Þetta er orðin langloka hjá mér og því ætla ég að beina athygli minni óskertri að símanum núna!
Ég get bent áhugasömum á að ég hef verið að skrifa þessa grein svona í og með síðan fyrir 11 í morgun og núna slær klukkan 15 og gott betur. Geri aðrir betur!!!
Góðar stundir.
Ég vil þó árétta að mér fannst mjög gaman að fá elsku Ellen mína í heimsókn og vil taka fram að það var alls ekki hún sem fór svona í taugarnar á mér - hún gæti það ekki.
posted @ 10:47
+ + +
9.6.03
Ég var dregin út á lífið í gær - hálfnauðug. Var orðin frekar þreytt og pirruð kl.2 en lét mig hafa það af einskærri tillitsemi minni. Skemmti mér ágætlega en gat ekki hjá því komist að hugsa með hlýju til rúmsins míns. Sérstaklega á meðan ég stóð í hálftíma í röð fyrir utan Sólon og á meðan rigndi eins og hellt væri úr fötu - very nice.
Miklar flækjur og vesen ollu því að ég var 2 tíma á leiðinni heim úr bænum. Fór af Sólon kl.hálf fimm en var ekki sofnuð fyrr en rétt fyrir hálf sjö. Þá var ég búin að fara tvisvar í og úr náttfötunum mínum og var orðin heldur pirruð.
Segi ykkur sólarsöguna á morgun.
posted @ 17:50
+ + +
Ég í hnotskurn:
Fiskur - Óútreiknanlegur, fjölhæfur og draumlyndur 'heimsmaður'
Fiskurinn er næmur tilfinningamaður, oft þægilegur og lipur í framgöngu. Hann hefur sterkt ímyndunarafl og á auðvelt með að setja sig í spor annarra. Hann er skilningsríkur, ef hann kærir sig um, en á einnig til að lifa í eigin heimi og taka eftir því sem hann vill sjá. Hann er að mörgu leyti óútreiknanlegur og getur ýmist verið mjúkur og eftirgefanlegur eða fjarlægur og sjálfstæður. Fiskurinn fórnar sér stundum fyrir aðra, en er einnig útsjónarsamur og kann að sæta lagi og spila á aðstæður sér í hag. Hann verður oft víðsýnn með aldrinum. Vegna sterks ímyndunarafls á hann til að vera utanvið sig og gleyminn, týna hlutum eða taka ekki eftir nánasta umhverfi. Áhugi á velferðar- og menningarmálum, tónlist, kvikmyndum, bókmenntum og andlegum málum er áberandi hjá mörgum Fiskum. Almennt má segja að Fiskurinn sé fjölhæfur. Hann á því stundum erfitt með að nýta hæfileika sína eða 'fókusinn' á eitt ákveðið og getur því fengist við margvísleg störf.
Tekið af femin.is
posted @ 17:47
+ + +
8.6.03
Letihelgi dauðans.
Ég hef varla nennt að gera staf þessa helgi. Á föstudagskvöldið var okkur Sveinbirni boðið að koma að horfa á video en ég nennti því ómögulega eftir æfingu. Ákvað því að skella mér í sturtu og eftir hana fór ég í bað með Harry Potter með mér - frekar huggulegt. Sveinbjörn fór að horfa á Bruce Almighty en ég varð eftir heima og las áfram í bókinni góðu. Rétt fyrir miðnætti rotaðist mín þrátt fyrir að einhver börn hafi verið á fyllerí í næsta húsi. Þetta voru sem sagt einhverjir unglingar sem voru ælandi og spúandi út á götu og ákváðu um miðja nótt að fara í fótbolta á götunni. Lukkulega fyrir þau var mín svo þreytt að hún vaknaði ekki við lætin. Þau voru líka heppin að sparka ekki í bílinn minn því að þá hefði þau hlotið slæma meðferð....
Ég vaknaði svo fyrir allar aldir og las, þvoði og ryksugaði bílinn - frekar dugleg. Síðar um daginn fór ég með Ellen vinkonu í búðir, hún djammaði kvöldið áður og var frekar óánægð með lélegheit vinkonu sinnar. Síðar átti ég þó eftir að valda meiri vonbrigðum.Ég fór svo á landsleikinn, Ísland - Færeyjar, hann var hin ágætasta skemmtun og þótti mér sérlega skemmtilegt að fylgjast með fólkinu í kringum okkur. Ég hef alltaf haft gaman af því að fylgjast með fólki, voða efnileg í að stokkera fólk.
Um kvöldið klæddi ég mig uppá þrátt fyrir gífurlega þreytu og fór í útskriftarpartý hjá Evu vinkonu sem var að verða flugumferðarstjóri - ýkt klár.
Ég var hins vegar aldrei í neinu svaðalegu stuði og stakk því af fyrir miðnætti, skutlaði Ellen til vinkonu sinnar og fór heim. Horfðum á einhverja ýkt leiðinlega mynd í smá tíma og fórum svo að sofa....hyggeligt.
Í dag hefur verið hálfgerður letidagur - hvað annað. Hef varla gert neitt. Fór jú í þriggja ára afmæli hjá uppáhaldinu mínu, honum Maríusi Pétri. Hann knúsaði mig í köku eins og vanalega og við lékum okkur heilmikið og lásum.
Við Ellen höfum síðan bara haft það gott í dag og erum búnar að borða á okkur gat. Mamma hefur fjöldaframleitt einhverjar dýrindis kökur handa okkur og eitt er víst - ég grenntist ekki í dag : (
Á morgun er ég víst að fara í verslunarleiðangur með Ellen en buddan mín verður kjurr í veskinu. Er sko að spara.....
Við Sveinbjörn vorum nefnilega að fá íbúð á Stúdentagörðum og flytjum líklegast inn í byrjun júlí. Þarna hafið þið óvæntu fréttirnar sem voru kannski ekki svo mikið óvæntar fyrir alla...Hafdís kjaftaskur.
Við hlökkum að vonum mjög til og reiknum með að bjóða vinum og kunningjum í innflutningspartý í hollum - íbúðin er nefnilega ekki neitt gríðarlega stór - 40 m2.
Fleira liggur ekki á sálu minni í bili, þangað til næst...
Veriði hress, ekkert stress og bless, bless!
posted @ 21:21
+ + +
6.6.03
Úff, þessi dagur byrjaði ekki vel. Mér gekk í fyrsta lagi ótrúlega illa að sofna í gær. Í þann mund sem ég var að lognast út af hringir síminn hans Sveinbjörns og hann talaði við vin sinn í smá tíma...eftir þetta byrjuðu öll vandræðin aftur. Gat sko ekki sofnað strax enda óendanlegur hiti inn í herberginu. Eitt gott við veturinn er það að þá er auðveldara að kæla herbergið niður.
Þegar ég ætlaði svo að fara að borða Cheeriosið mitt fann ég það hvergi. Skildi ekkert í þessu. Var viss um að það hefði verið eitthvað eftir í pokanum þegar ég gekk frá honum í gær. Var að hugsa um að borða ekki neitt í mótmælaskyni en endaði svo á því að fá mér eitthvað súkkulaði kornflex - ógeð. Um leið og ég var búin að borða og ganga frá dótinu sá ég Cheerios pokann í glugganum. Hálffullan. Get ekki líst pirringnum sem hríslaðist um mig. Hafði engan tíma til að fá mér skammt af því og hafði heldur ekki lyst á því eftir þetta súkkulaði-gums. Skil ekki hvernig fólk fer að því að borða þetta einu sinni á dag - jakk.
Í vinnunni bíður mín síðan HUGE bunki af blöðum til að fara í gegnum og finna auglýsingar. Það er ekki eitt af því skemmtilegasta sem ég geri...
Síðan gleymdi ég nestinu mínu heima og símanum mínum. Ég sakna nestisins nú meira þar sem síminn minn hringir ekki mikið. Ef einhver hringir í mig er það yfirleitt Sveinbjörn eða Erna - ekki mikil fjölbreytni í því. Kann ég þeim þó miklar þakkir fyrir að nenna að tala við mig ; )
Þetta verður þó fín helgi þar sem Ellen vinkona mín frá Vopnafirði er að koma í heimsókn. Ég hef ekki séð hana síðan í mars 2002 - alltof langt síðan. Við vorum ein heild þegar við vorum litlar og gerðum allt saman - nema að æfa, hún var ekki mikið hrifin af því.
Hlakka alla vega mjög til að eyða tíma með henni.
Pabbi var síðan að bjóða mér á landsleikinn á morgun, heppna ég. Ellen ætlar nefnilega að fara að versla og mín hefur ekki alveg efni á því í bili!
Óvæntu fréttirnar verða að bíða aðeins lengur, er þó búin að segja einhverjum frá því þar sem ég hef aldrei getað haldið mér alveg saman!
Ætla að halda lestri Harry Potter áfram.
Njótið dagsins...
posted @ 10:09
+ + +
5.6.03
Góðan daginn.
Undur og stórmerki gerðust í gær. Undirrituð fór á æfingu í gær, annan daginn í röð. Það telst þó meira til tíðinda að hún skokkaði rúmlega 3 kílómetra en það hefur ekki gerst í háa herrans tíð. Kann ég Ernu vinkonu bestu þakkir fyrir!
Í gærkvöldi fór ég svo út að borða með vinkonum mínum þar sem Eva vinkonat.v. var að útskrifast. Núna er hún löggiltur flugumferðarstjóri, ég er mjög stolt af stúlkunni. Hún stóð sig með stakri prýði og útskrifast með láði. Þess ber að geta að allar vinkonur mínar eru sérlega gáfaðar, hljóta að vera það til að vera vinkonur mínar ; )
Við fórum út að borða á Hereford, sem er bara mjög huggulegur og góður staður. Mjög góður matur og fín þjónusta. Soldið dýrt en samt allt í lagi. 6000 krónur fyrir máltíð fyrir tvo, steikur, meðlæti og rauðvín er heldur ekkert svo hart. Þetta var alla vega hið fínasta kvöld.
Er samt alveg ótrúlega þreytt og sé rúmið mitt í hyllingum. Samt fór ég snemma að sofa og vaknaði alveg á kristilegum tíma.
Sé fram á spennandi dag, endalausar símhringingar og skemmtilegheit. Næ örugglega bara að lesa 10 bls í Harry Potter eins og í gær. Alltof mikið að gera, HÆTTIÐ AÐ HRINGJA FÓLK!!!!!
posted @ 11:31
+ + +
4.6.03
Skemmtilegi dagur í dag...
Harry Potter kom í hús í gær, mikil gleði. Hef þó ekki náð að byrja á þeim sökum erils í starfi. Fékk stærsta póstbunka sem um getur í sögunni í hendurnar í morgun, var endalaust lengi að opna allt þetta dót. Svo kom séð og heyrt og ég þurfti náttúrulega að renna yfir það. Svo bíður mín blaðabunki sem ég þarf að yfirfara, skoða auglýsingar frá B&L og svona = mjög skemmtilegt!
Ekki alveg ánægð með allt mitt fólk á smáþjóðaleikunum.
Silja vinkona lenti í vandræðum með tengiflugið sitt frá Bandaríkjunum og lenti ekki fyrr en aðfaranótt keppnisdags sem er ekki vænlegt til árangurs. Hún er hins vegar mikil keppnismanneskja og tók þriðja sætið í hundrað, hefur ekkert verið að æfa styttri vegalengdir að undanförnu heldur einbeitt sér að 400m og 400 grind. Hlakka til að sjá hvað hún gerir í dag ; ) You go girl!
Bjössi og Raggi lentu í vandræðum í 800m hlaupinu og kláruðu hlaupið með því að skokka í mark! Ótrúlegt leiðinlegt fyrir þá báða þar sem þeir voru að keppa við sér æðri menn og hefðu auðveldlega getað bætt sig, Raggi hefur að vísu verið að glíma við meiðsli en Bjössi er í feiknaformi. Þeir eiga báðir eftir að keppa meira og því reikna ég með að þeir NEGLI á það þá! You go guys!
Aðrir stóðu sig bara nokkuð vel þó að Eggert Bogason, þjálfari FH-inga væri ekki alveg sáttur.
Fleiri verðlaun hefðu átt að koma í hús...
Hef ekkert heyrt af Rach tennisstjörnu, bíð spennt eftir fregnum af hennar framgöngu. Hún er til vinstri á myndinni.
Ég skellti mér á æfingu með Kristínu Birnu í gær, við vorum þó ekkert sérstaklega duglegar sökum astmans míns og fótaverkja hennar en við hyggjumst bæta fyrir slenið í dag!
Ótrúlega er gæðalegt veður úti - væri alveg til í að fá mér smá ferskt loft! Spurning hvort ég taki ekki bara þráðlausa símann út og skelli mér í sólina með Harry Potter ; ) Hljómar vel...
Segi þetta gott í bili...
posted @ 11:43
+ + +
3.6.03
Vá hvað ég var steikt í hausnum kl.1800 í gær. Pípið í símanum fer svo ótrúlega í taugarnar á manni til lengdar og þá þarf maður alveg að taka á honum stóra sínum til að vera kurteis og þjónustulipur. Þetta gekk þó framar vonum í gær og mín var bara nokkuð almennileg.
Í dag var ég ofboðslega sniðug og tók fartölvuna með mér og hef því getað verið á MSN í dag sem er ótrúlegur munur.
Skellti mér heim í hádeginu og tók til í herberginu, fínt að nota matartímann sinn í eitthvað nytsamlegt. Núna er voða fínt í herberginu og e.t.v hægt að komast almennilega inn í það ; )
Eftir rúmlega klukkutíma er ég að hugsa um að mæta á mína fyrstu æfingu í LANGAN tíma, held að það verði brjálað stuð. Hef farið út að skokka nokkrum sinnum síðan við komum heim frá úglöndum en ekki tekið almennilega æfingu síðan 17 hundruð og súrkál. Kem örugglega til með að líta vel út.
Finnst að vísu frekar fúlt að missa alltaf af helmingnum af æfingunni. Æfingarnar byrja hálf sex en ég er ekki búin í vinnunni fyrr en kl.18 og næ því ekki nema hluta. Get ekkert gert með krökkunum þar sem ég er alltof sein...á ofsalega bágt.
Annars er ég að fara að læra Championship Manager svo að ég geti haft ofan af fyrir sjálfri mér í þessar þrjár vikur sem Ragnheiðar nýtur ekki við. Annars er ég með bók til að hafa ofan af fyrir mér, ég er að vísu búin að lesa hana áður en...
Soldið farin að hafa áhyggjur af Harry Potter bókunum sem ég pantaði, þær eru ekki enn komnar og ég pantaði þær fyrir tæpum mánuði síðan...
Skoðaði síðuna um daginn og þá stóð að ég mætti eiga von á þeim á milli 22-30 maí en núna er búið að breyta því í 22 maí - 3.júní. Eins gott að hún komi í dag...annars var ég alveg bandbrjáluð.
Nýja bókin mín kemur samt ekki fyrr en í júlí : ( Les hinar bara á meðan....
Ætla að fara að undirbúa brottför...
posted @ 17:51
+ + +
2.6.03
Ótrúlegt hvað ég hef náð að hafa ofan fyrir sjálfri mér í dag. Er eiginlega ekki búin að gera neitt af viti en samt hefur dagurinn liðið furðu hratt. Er ekki búin að vera mikið á netinu, samt búin að skoða það helsta og náði alltaf að skoða eitthvað nýtt. Síðan var ég að klippa út auglýsingar úr dagblöðum og lesa dagblaðið og svona - voða huggulegt. Ég veit, vinnan mín er spennandi. Vinsældir mínar aukast jafnt og þétt því fleiri og fleira hringja hingað á hverjum degi og gera sér upp eitthvað erindi í leiðinni...
Jæja, fleiri hringja, tala við ykkur seinnar...
posted @ 16:47
+ + +
Jæja, þá er ég búin að upplifa alvöru brúðkaup, upplifa hvernig það er að eiga 3 ára strák, hvernig það er að sofa ekki neitt og hvernig það er að eiga fjölskyldu og halda heimili - þetta gerði ég allt á einum degi.
Við Sveinbjörn fengum þann heiður að passa Maríus Pétur litla frænda minn og augasteininn okkar í veislunni eftir brúðkaupið og á brúðkaupsnóttina. Brjúðhjónin héldu áfram að skemmta sér fram á nótt og gistu síðan á Hótel Loftleiðum.
Ég held að ég hafi svona næstum því náð öllum pakkanum. Óteljandi klósettferðir, smá slys í buxurnar, reyndi að fá hann til að borða og elti hann á röndum, það var örlítið erfitt í brjálaða kjólnum sem ég fór í en hafðist!
Litli grísinn var orðinn heldur þreyttur og því þurfti undirrituð að plata hann í rúmið - hef sjaldan þurft að plata strák í rúmið ; )
Þetta heppnaðist þó allt en fór að sofa LÖNGU eftir að við ætluðum upphaflega með hann heim, enda var hann dauður úr þreytu. Maríus skreið uppí um nóttina, nokkuð sem ég gerði ekki og eitthvað sem ég er ekki vön. Þetta var þó voða notalegt þar sem hann skiptist á að knúsa okkur skötuhjúin. Daginn eftir brölluðum við margt skemmtilegt þangað til hann steinsofnaði um 12 leytið. Við skiluðum honum af því tilefni og fréttum við síðar að hann hefði sofið í þrjá tíma. Hefur greinilega verið alveg búin á því. Við vorum líka soldið þreytt og nutum þess að gera ekki neitt í gærdag, vorum í sólbaði og þrifum bílinn og kíktum síðan í golf í gærkvöldi. Frekar huggulegur dagur sem sagt. Þrátt fyrir 8 tíma svefn var ég ógeðslega þreytt og gat varla farið á fætur í morgun. Enda svaf ég bara á öðru auganum aðfaranótt sunnudags. Litli var kvefaður og þreyttur og því var ég alltaf að athuga með hann og hlusta eftir honum. Sveinbjörn svaf hins vegar á sínu græna og varð ekki var við neitt nema þegar sá stutti knúsaði hann ; )
Við skötuhjúin höfum síðan góðar fréttir að færa á næstu dögum, kemur betur í ljós í þessari viku - ég er samt ekki ólétt!!!
Læt heyra betur frá mér síðar í dag, er of svöng til að huxa!
posted @ 12:46
+ + +
