30.5.03
Allt að gerast...
Brjáluð Vorhátíð ÍR heppnaðist stórvel. Um og yfir 50 manns voru á svæðinu þegar mest lét og nóg af kræsingum í boði. Þeir allra hörðustu fóru ekki fyrr en nýr dagur hafði litið dagsins ljós. Í þessu teiti var meðal annars ákveðið hvað heimalingarnir ætla sér að gera meðan utanfarar fara til Möltu, inntökuskilyrði eru þó mjög ströng fyrir þann atburð enda um einstakan atburð að ræða.
Ég var verðlaunuð fyrir að nefna fitu í einhverju samhengi 1000 sinnum á stuttum tíma og legg núna hart að mér að tala um eitthvað annað - ætli það fari ekki fyrst eitthvað að gerast þegar ég hætti að tala um hlutina og framkvæmi þá, vonandi.
Í gær djöflaðist ég í garðinum með pabba og mínum heittelskaða. Eftir það fór ég á seinni hálfleikinn hjá Þrótti-KA, borgaði mig að sjálfsögðu ekki inn þar sem ég eyði ekki pening í íslenskan fótbolta - ekki frekar en fótboltamenn eyða pening í okkur.
Eftir leikinn fórum við vinkonurnar í sumarbústað einnar og skemmtum okkur svona ljómandi vel. Grilluðum, slúðruðum og skipulögðum. Ég tók að mér að skrúfa frá vatninu og tókst með minni einskæru snilli að klúðra því þannig að það lak vatn út um allt þar sem græjan var - við föttuðum það hins vegar ekki fyrr en við fórum heim. Þá ætlaði mín að fiffa þetta til enda handlagin mjög en það gekk nú ekki betur en svo að fíni hvíti íþróttaskórinn min fór hálfur ofan í drullupoll - eins gott að ég var ekki á hlaupaskónum! Eftir að hafa þrifið drulluna að mestu skellti ég mér í aðra tilraun. Vatn fyllti rörið sem handfangið var í og því var asskoti kalt að vera með höndina ofan í, þetta tókst þá að lokum með einskærri snilli minni og við gátum haldið kátar heim á leið.
Ég var ekki lengi að sofna þegar hausinn snerti koddann og leið því stórvel þegar vekjaraklukkan hringdi. Ekki oft sem ég sef svona í einum dúr.
Í kvöld hef ég úr mörgum að velja. Í fyrsta lagi er aðalfundur starfsmannafélagsins í kvöld, í öðru lagi er okkur boðið í grill til vinafólks okkar sem verður vafalítið hin besta skemmtun og í þriðja lagi er ÍR mót í kvöld sem mig langar soldið að kíkja á. Við skötuhjúin höfðum líka hugsað okkur að skella okkur á æfingu í kvöld en það flokkast víst undir sjalgæfa atburði.
Á morgun fer ég í greiðslu fyrir hádegi og svo giftir sparifrændi minn sig kl.1600, hlakka ekki lítið til. Þetta verður vafalaust mjög skemmtilegt og væntanlega stuð fram á rauða. Eva vinkona mín útskrifast sem flugumferðarstjóri á morgun, fer í lokaprófið þá og nær því væntanlega með glans ef ég þekki hana rétt.
Þá er ekki fleira í fréttum að sinni, fréttir verða lesnar næst kl.1600!
posted @ 12:23
+ + +
28.5.03
Ég var ýkt dugleg að horfa á pabba taka til í garðinum í gær. Gerði nú ekki mikið annað en að hrósa honum og segja honum að saga þessa og þessa grein. Að vísu rakaði ég laufin - já, ég var ekki ennþá búin að því síðan seinasta haust. Svo tókst mér að safna greinunum saman og setja þær á kerru og hitt sem komst ekki á kerruna fer á kerru á morgun. Áður en ég fór í garðinn tók ég hins vegar soldið til í húsinu og miðaði því verki bara hratt áfram - ég er svo rösk.
Í morgun fór ég svo aðeins í vinnuna til hennar móður minnar sem þekkti ekki sína eigin dóttur, leit á mig en þekkti mig ekki. Viðurkenni þó að ég var með sólgleraugun þegar hún leit á mig, síðan tók ég þau niður og þá krossbrá þessari elsku. Já, ég er víst soldið breytt. Flestir taka þessari breytingu bara vel og líst bara vel á. Gott og gaman að breyta til.
Ég ætla ekkert að segja meira til að taka ekki ánægjuna af þeim sem hafa ekki séð mig...
Í dag fer ég trúlega snemma heim úr vinnunni. Hef engin verkefni og er frekar slöpp, illt í hálsinum, með kvef og ljótan, ljótan hósta. Var aðeins skárri í gær en versnaði aftur í dag. Svaf samt vel í nótt en var ótrúlega þreytt í morgunsárið, er greinilega ennþá þreytt eftir ferðalagið og lætin í vegagerðaköllunum. Annars held ég að þessi slappleiki stafi af Cheerios skorti, gat ekki borðað Cheerios í tæplega tvær vikur og líkaminn er ekki hrifin af því. Ætla ekki að bregðast honum í bráð!
Í kvöld er síðan Vorhátíð ÍR og þá yfirfyllist húsið okkar af fólki, vona bara að það verði gott veður svo ég geti hent fólki út í garð - þau geta e.t.v öll hjálpað til í garðinum ; )
Engin æfing á dagskránni í dag fremur en aðra daga, guð hvað ég hlakka til að fara á æfingu. Hreyfingaskortur dauðans líður von bráðar hjá - VEI,VEI,VEI.
posted @ 12:44
+ + +
27.5.03
Ég er orðin ný og breytt manneskja, reikna með að skoðanir fólks á þessu verði jafn misjafnar og það er margt. Sjálf er ég enn að venjast þessu og hrekk í kút í hvert skipti sem ég lít í spegil. Ég tel þó að það sé gott að breyta til stundum og viðurkenni ég að ég var orðin nokkuð leið á mér eins og ég var! Núna þarf ég bara að fara að einbeita mér að því að passa í keppnisgallann og þá er þetta orðið gott í bili.
Það er heldur mikið að gera hjá mér þessa vikuna. Í gær, í kvöld, annað kvöld og á fimmtudagsmorgun á ég að vera a golfnámskeiði í boði vinnunnar. Á miðvikudagskvöldið á að vera Vorhátíð ÍR heima hjá okkur - þegar ég samþykkti það og bauð húsið okkar fram reiknaði ég með svona 20 manns en ekki 60 eins og stendur á gestalistanum. Þegar ég heyrði það svitnaði ég bara og núna sé ég fram á að þurfa að eyða öllum mínum frítíma í undirbúning og tiltekt - ekki alveg það sem ég hafði hugsað mér...
Auk þess á ég að búa til rétt og koma með brauð - einhverra hluta vegna trúði ég því að það væri nóg að eyða brjáluðum tíma í að undirbúa húsið en þar skjátlaðist mér víst hrappalega!
Í kvöld missi ég trúlega af golfnámskeiðinu til að slá garðinn - ef það verður gott veður verða gestir að geta farið út í garð. Þegar því líkur þarf ég að taka til í Blómaskálanum og ef að allt þetta fólk mætir á svæðið sé ég fram á að þurfa að taka allt húsið í gegn svo að allir fái sæti og fólk verður þá bara að skipta sér á þessi milljón herbergi. Þessi tiltekt ætti ekki að taka meiri tíma en svona ca. 100 vinnustundir og reikna ég því með að ná ekki að taka til þar sem ég hef bara 24 tíma til að taka til ef ég fer ekki í vinnuna á morgun og sef ekki neitt! Bið bara guð almáttugan um að vera með mér þar sem ekkert minna dugir.
Kristín var þó svo yndisleg að bjóðast til að hjálpa mér og það er aldrei að vita nemi ég taki hana á orðinu.
Á fimmtudaginn er ég svo kannski að fara í smá ferðalag með vinkonum mínum. Í þetta skiptið ætla ég þó ekki lengra en upp í sumarbústað - hann er meira að segja á Íslandi!
Plönin um helgina fela í sér að sofa, sofa, sofa, hvíla lúin bein, sofa, sofa og sofa. Samt finnst mér ótrúlega leiðinlegt að sofa!
Vona að ég verði úthvíld.
Ætla að fara að versla í matinn og kíkja niður á völl. Heyri í ykkur síðar...
posted @ 17:49
+ + +
Sonur húsvarðarins er að gera mig brjálaða, hann þrífur gólfin hérna 10 sinnum á dag með leiðinda vél sem framleiðir MIKINN hávaða.
Ég heyri varla í sjálfri mér og hvað þá í símanum. Auk þess er ég með hálsbólgu og hef því ekki gott af því að vera öskrandi í símann.
Góði markaðsstjórinn bað hann held ég að gera þetta seinna...
Ég er á móti því að skrifstofuhúsnæði séu þrifin á meðan fólkið vinnur, tel að þau verði ekkert hreinni en áður þar sem fólkið spígsporar í bleytunni um leið.
Ég vil heldur ekki hafa svona læti - held að ég sé að verða eldgömul. Kvarta yfir öllu! Húff, púff!
posted @ 12:20
+ + +
25.5.03
Hvers vegna í skransanum er leyfilegt að skera í steypu og vera með GEÐVEIK læti kl.8 á laugardagsmorgnum beint fyrir framan húsi hjá fólki sem hefur ekki sofið neitt í 2 daga og þarf virkilega á því að halda að hvíla sig? Hver er auk þess tilgangurinn með því að gera hraðahindranir fremst í götur? Ég ekki alveg skilja. Ég veit að það er margt skrýtið á Íslandi en er þetta HEILBRIGT?
Heilt sumar þurfti ég að þola enn meiri læti í götunni minni þegar öll gatan var rifin upp á Vopnafirði. Nokkrum árum síðar þurfti ég að þola það sama hér í borg og núna þarf ég að ganga í gegnum þetta einu sinni enn! Hvers á ég að gjalda?
Svaf að vísu ágætlega í nótt þó að einhver hávaði hafi pirrað mig í morgunsárið. Ef þessir götukallar hefðu vogað sér að mæta kl.8 í morgun hefði ég svo sannarlega lúmskrað á þeim ( lúmskrað er orð sem ég bjó til sjálf, það þýðir að ég hefði tekið í lurginn á þeim á lúmskan hátt. Samblanda af lúmskt og lúskra)
Það rættist þó úr deginum. Við Sveinbjörn eyddum þó meirihlutanum af honum í að undirbúa Júróvisíjon partý. Tókum til versluðum í matinn og keyptum gaskút.
Rétt áður en við áttum von á fólkinu urðum við geðveikt þreytt og vorum ekki að sjá fram á að lifa kvöldið af - hugsaði ekki fallega til gatnafíflanna.
Þetta var þó snilldar kvöld. Strákarnir, Himmi og Sveinbjörn, stóðu sig hrikalega vel í að grilla kjúklingabringurnar og kjötið. Hef sjaldan smakkað betri bringur. Þar af leiðandi fyrirgaf ég þeim að hafa gleymt að grilla sveppina mína, sem þeir gerðu. Svo að ég fékk eiginlega kjúklingabringur, salat og hrísgrjón í forrétt. Venjulega sveppi og fyllta sveppi í forrétt - grillaða og síðast en ekki síst grillaða banana í eftirrétt. Er hægt að hugsa sér eitthvað betra? Kannski 20 stiga hita á sólskin en...
Ég gerði mér lítið fyrir og horfði á Birgittu og var bara nokkuð ánægð með stelpuna. Aðstoðarmönnunum hefur ekki tekist að þjálfa hana af þessum leiðinda stælum en þá hefði hún kannski ekki verið eins mikið HÚN SJÁLF!
Mér fannst helmingurinn ef ekki meira af lögunum ótrúlega hallærisleg og leiðinleg í þokkabót. Ótrúlega mikill meirihluti kvenna. t.A.T.u ullu mér eiginlega hálfgerðum vonbrigðum þegar þær fylgdu öllum reglunum og voru falskar.
Mér fannst sigurlagið allt í lagi - lögin í þessari keppni verða seint góð.
Um kvöldið skemmtum við okkur frábærlega í góðra vina hópi þrátt fyrir slappleika minn. Ég entist ekki lengi niður í bæ þar sem ég er að ná mér í einhverja pest. Var með stíflað nef, ljótan hósta og hálsbólgu. Það að syngja öll lögin á Eurovision disknum hjálpar heldur ekki til ;)
Í dag hef ég haft það gott, tekið til. Þurfti að þrífa allan ískápinn þar sem sumir voru duglegir að heilla niður einhverjum ógeðissafa.
Í augnablikinu er ég að hugsa um að fara í golf þar sem mig langar ótrúlega að hreyfa mig hef ekki farið lengi og ekki skemmir fyrir að elskan hún Ylfa er að vinna. Hef ekki hitt hana í ár og daga og því löngu orðið tímabært að knúsa hana smá. Núna er hins vegar farið að rigna...déskotans. Ætli ég verði þá ekki bara löt og verði heima, fari í sturtu og snemma í bólið. Hver veit nema ég taki bara spólu!!! Hef ekki gert það síðan 1756.
posted @ 19:52
+ + +
23.5.03
Ég er komin heim í heiðardalinn...
Lentum í þvílíkum leiðindum í Frankfurt í gær.
Þegar við skötuhjúin vorum að fara út úr dyrunum í Wurtsburg spyr Sveinbjörn mig hvort að ég sé ekki með veskið, kreditkortin okkar og 100 evrur í því. Nei, segi ég, þú varst með það í gær þegar við komum úr bakaríinu. Uppúr þessu hófst mikill ágreiningur um hvort okkar hefði verið með veskið og týnt því. Þar sem týnslusaga mín nær langt aftur í tímann tók ég tapið fljótlega á mig og fór að undirbúa mig fyrir að hitta móður mína - sem hefur orðið hart úti vegna þessarar týnsluáráttu minnar. Eftir langa árangurslausa leit innanhúss sem utan létum við loka kortunum og gerðum heimild handa frænda mínum ef kortin fyndist ytra. Ég stóð alltaf í þeirri merkingu að þau væru einhvers staðar þarna inni eða ofan í tösku. Sveinbjörn hafði fyrirskipað að taka allt uppúr töskunum en þar sem ég var ekki með lítið af fötum tók ég bara helminginn, þann helming sem ég pakkaði niður týnsludaginn fræga.
Við hættum að leita um kl. hálf ellefu - hálftíma eftir að við ætluðum að leggja af stað og kona frænda míns keyrði okkur til Frankfurt. Þar skánaði ástandi ekki...
Þjóðverjar eru nefnilega soldið spes. Við vorum kölluð að hliðinu kl.13 en flugið átti að fara kl.14. Við röltum út að hliði um kl.13:30 en þá var ekki ennþá búið að opna. Þeir opnuðu bara inn í biðsal. Við fórum þangað þegar kl.fór að nálgast og þá fóru þessir snillingar að hleypa inn í hollum. Fyrst voru þeir kallaðir inn sem sátu aftast og svo koll af kolli. Við sátum mjög framrlega og fórum því seinast inn.
Þegar inn var komið biðum við og biðum og ekkert gerðist. Nokkru eftir tvö talaði flugstjórinn til okkar og sagði að það yrði einhver töf þar sem ennþá væri verið að hlaða vélina. Kl. korter fyrir þrjú hundskuðumst við loksins í loftið 45 mínútum of seint. Mín var orðin nett pirruð á þessum tímapunkti. Ég var svöng, ótrúlega þreytt og svakalega heitt. Flugið tók líka endalausan tíma. Ekki hughreystandi að legga af stað korter í þrjú, fljúga endalaust og uppgötva svo að klukkan er ennþá korter í þrjú. 2 tíma mismunur á löndunum.
Þegar við lentum tók við heljarinnar vesen við að millifæra inn á debetkort þar sem okkur fýsti að kaupa nauðsynjavörur í fríhöfninni.
Það tókst að lokum og gátum við því fjárfest í gotteríi og öðrum glaðningi ;) Það bætti aðeins pirringinn í mér. Þegar við stigum út úr flugstöðinni gat ég ekki verið fúl lengur þar sem sólin skein glatt og fuglarnir sungu. Held að þessi sól komi manni yfirleitt í gott skap.
Um leið og við komum heim tókum við uppúr töskunum og þegar ég var hálfnuð fann ég kortin og peninginn sem dauðaleit var gerð að út í Þýskalandi. Það rættist sem sagt þvílíkt úr deginum við heimkomuna og get ég auðveldlega haldið því fram að HEIMA SÉ BEST.
Um kvöldið skelltum við okkur síðan á Vormót ÍR sem var hin besta skemmtun. Skemmtileg tilbreyting að horfa á alla þessa kroppa keppa í sólskini.
Í dag hjólaði ég svo í vinnuna í pilsi og þunnum jakka og var að kafna úr hita - gleðilegt.
Er að vísu að vinna í skugganum núna og verð að því til 6 en það breytir engu. Gott að fá pening til að borga niður kreditreikninginn minn :)
Í kvöld eru stelpurnar á skrifstofunni að fara út að borða, miðað við þyngdina á augnlokunum á mér núna efast ég um að ég geti haldið mér vakandi. Það kemur þó bara í ljós á eftir...
Vonandi líður ykkur jafnvel og mér ;)
posted @ 12:25
+ + +
21.5.03
Hvað er þetta með Þjóðverja og að talsetja allt sjónvarpsefni? Þetta er alveg fyrir ofan minn skilning. Mér finnst allt í lagi að talsetja eitthvað en að talsetja allt, til hvers?
Ég hélt til dæmis að það væri ekki hægt að eyðileggja klassíska þætti eins og FRIENDS en þar skjátlaðist mér hrappalega. Með þýsku tali eru þeir ÖMURLEGIR. Brandararnir eru ekki fyndnir - kannski jafnvel minna fyndnir þegar maður skilur ekki allar setningarnar en samt...ég var alla vega fljót að skipta um rás.
Simpson eru líka ömurlegir með þýsku tali, alls ekkert fyndnir. Þjóðverjarnir reyna ekki einu sinni að finna fólk með líkar raddir. Hómer hljómar of gáfulega á þýsku. Ég skil bara ekki hvernig þeir nenna að eyða öllum þessum tíma í talsetningar. Miklu ódýrara að setja bara þýskan texta. Að vísu myndi atvinnuleysið aukast en meira en fólkið hérna myndi líka læra meiri ensku sem gerði þeim bara gott. Brandarar í gamanþáttum verða ekki eins fyndnir á þýsku, ekkert smá erfitt að þýða þetta. Væru vinir fyndnir ef maður heyrði bara íslenskt tal? NEIN, ich glaub nicht.
Við Sveinbjörn skelltum okkur á línuskauta í gærdag, það var nokkuð fyndin sjón. Sveinbjörn hefur eiginlega aldrei farið á skauta og var því bara að læra, hann datt þó bara tvisvar! Ég var aðeins skárri en ekki mikið skárri. Bremsurnar á skautunum voru ekki mjög góðar og því var heldur erfitt að bremsa. Við vorum þó fljót að finna ráð við því sem verða ekki tvíunduð hér.
Við versluðum líka meira í gær, samt ekkert of mikið. Ég er ekki búin að finna neinn kjól og ætla því bara að treysta á að vinkonur mínar tími að lána mér kjól fyrir brúðkaupið sem ég fer í eftir rúmlega viku. Við komum síðan heim á morgun. Keyrum til Frankfurt um morguninn og reiknum með að leika okkur í flugstöðinni þangað til að flugið okkar fer - frekar gott.
Býst þar af leiðandi við því að koma heim drekkhlaðinn nammi og öðru góðgæti - vei, gaman að heimsækja mig ;)
Er að hugsa um að draga Sveinbjörn aftur út á línuskauta.
Sé ykkur á morgun ;)
posted @ 13:32
+ + +
19.5.03
Hallú, wie geht es heute abend?
Héðan úr Bæjaralandi er allt gott að frétta. Við skelltum okkur í smá íþróttaleiðangur í dag og versluðum íþróttaskó - hlaupaskó og nokkuð af íþróttafötum.
Við mátuðum meðal annars nýju Asics skóna sem stóðust engan veginn væntingar okkur og því fjárfestum við ekki í svoleiðis. Ég keypti mér Puma skó og Sveinbjörn svo kallaða Brooks skó. Ég var lengi vel að hugsa um að kaupa mér ÝKT FLOTTA Adidas skó.
Það hefur verið ótrúleg leiðinlegt veður hér í Würzburg, rigning mest allan tímann. Það kom þó smá sólarglæta í gær og ég nýtti tækifærið og lagðist út í garð og las...Sveinbjörn svaf inn í stól á meðan - svona er hann sefur alltaf á daginn þegar við erum í útlöndum.
Þar sem sólin skein í smá stund í gær var grillaður matur, ég smakkaði grillaðar pylsur í annað skipti á ævinni - smakkaði þær fyrst þegar ég var 6 ára og mundi þar af leiðandi ekki mikið eftir því.
Við erum ekki búin að gera dagskrá fyrir næstu daga en mjög miklar líkur er á einhvers konar æfingu á morgun, jafnvel tveimur ; ) Erum að hugsa um að fara í tennis seinnipartinn og út að hlaupa í fyrramálið - verðum að prufuhlaupa nýju skóna.
Annað markvert hefur ekki drifið á okkar daga held ég...jú, það er ekki mikið um tískuföt hér og því hefur buddan ekki lést mikið : ( Ég hyggst þó bæta aðeins úr því, leitið og þér munið finna.
Vona að það sé betra veður hjá ykkur en hjá okkur...við vorum að hugsa um að kaupa ferð til Spánar í dag til að koma með smá lit heim en svo fundum við sólbaðsstofu og ætlum frekar að fara þangað ; )
Læt heyra frá mér von bráðar, hafið það gott...
posted @ 18:46
+ + +
17.5.03
Sælar elskurnar.
Eftir tvo yndislega daga í París erum við komin til Þýskalands. Móðurbróðir minn býr hér ásamt konu sinni og tveimur börnum.
Við brölluðum margt og mikið í París á þessum stutta tíma. Skoðuðum allt sem skoða þarf en löbbuðum kannski helst til of mikið...eru alla vega heldur lúin í löppunum eftir þessa daga.
Í gærmorgun skokkuðum við upp í Eiffelturninn og niður aftur á ca.20 mínútum. Það var heldur strembið og kvörtuðu kálfarnir mikið eftir þá ferð....
Við fórum í siglingu á Signu og skoðuðum allt það merkilegasta í leiðinni...gott afrek á klukkutíma.
Við skoðuðum líka Louvre safnið - man ekki alveg hvernig það er skrifað, nenntum þó ekki að fara inn og skoða listaverkin, ekki mikill áhugi á þvílíku.
Hótelið okkar var staðsett í götu sem innihélt 3 klámbúllur, næstu tvö hús við okkur voru kynlífsdótabúðir sem við þorðum ekki einu sinni að fara inn í þar sem þær voru opnar allan sólarhringinn.
Við versluðum ofsalega lítið sökum knapps tíma, voru þó orðin heldur sleip í frönsku og verð ég bara að segja að hún er miklu einfaldari en ég hélt...oft á tíðum mjög lík ensku þó að framburðurinn sé gjörólíkur. Ég var kominn með góðan hreim og fannst ótrúlega gaman að bera orðin fram ; )
Ætlum að vera dugleg að skoða Þýskaland næstu daga og e.t.v skellum við okkur til Luxemburgar til að heimsækja frænda hans Sveinbjörns. 6 tíma lestarferðin í gær var þó ekki það skemmtileg að við nennum í einhverja álíka ferð...
Biðjum að heilsa í bili
Ciao
posted @ 09:32
+ + +
13.5.03
Jæja elskurnar mínar, þá er það komið á hreint.
Ég er að fara til Parísar á morgun og verð væntanlega þar í 2-3 daga og fer síðan með lest til Þýskalands þar sem ég hyggst dvelja þangað til á fimmtudaginn í næstu viku.
Ég var bara að ákveða þetta áðan og er komin með miðann í hendurnar, vegabréfið mitt er tilbúið og stimpill reddar Sveinbirni - vonandi.
Annars er ég bara svo ofsalega spennt að ég get ekki sagt neitt meira...ætla að drífa mig að redda nokkrum hlutum!
Reyni að vera í sambandi..........
Hafið það sem allra best og gangi ykkur vel í prófum sem og öðru sem þið takið ykkur fyrir hendur ;)
posted @ 15:55
+ + +
12.5.03
Var ég búin að segja ykkur að ég er kannski að fara til Þýskalands í nokkra daga, eftir nokkra daga ; ) En það er bara kannski. Veit ekki hvort að Sveinbjörn geti fengið frí og er heldur ekki búin að athuga hvort að ég geti fengið frí. Samt gaman að láta sig dreyma og hugsa um það ; )
Einn af uppáhalds frændum mínum býr þar með fjölskyldunni sinni og ég hef ekki komið þangað í 16 ár. Hann er fluttur í nýtt hús sem ég hef aldrei séð og því er tilvalið að skella sér. Hann kemur síðan í heimsókn í ágúst svo að þetta verður tvöföld ánægja. Hann er líka sálfræðingur og því get ég spurt hann spjörunum úr ; ) GLEÐI, GLEÐI, GLEÐI!
Ingunn, kisan hennar Árdísar vinkonu, var líka að eignast kettlinga og get ég varla beðið eftir að sjá þá. Finnst kettlingar svo ótrúlega sætir. Er alveg sama þó að ég sé með ofnæmi. Tek bara ofnæmistöflu áður en ég fer og leik mér við þá á fullu. Hlakka svo til...
Finnst ég ekki lengur vera seinheppin, er bara alveg ótrúlega heppin.
Ég var samt búin að semja við æðstu máttarvöld um að ég myndi vakna 60 kíló ef snyrtidótið mitt fyndist ekki...svo að það hefði verið plús í öllum mínusnum ; )
posted @ 10:35
+ + +
Vei, vei, vei...það stal enginn snyrtitöskunni minni. Ég er svo glöð og ánægð að ég gæti kysst einhvern. Hugsa að það verði bara strákurinn í Bláa Lóninu sem fann töskuna mína og gerði grín að mér ; )
Símtalið var sem sagt einhvern veginn á þessa leið:
Ég: Góðan daginn, ég var svo ótrúlega vitlaus að gleyma snyrtistöskunni minni þarna, eða ég lánaði vinkonu minni snyrtidótið mitt og hún gleymdi því
Hann: Ætlar þú núna að fara að kenna vinkonu þinni um þetta?
Ég: Já, þetta var henni að kenna!
Hann: Er þessi snyrtataska svört
Ég: ( í mikilli geðshræringu) JÁ
Hann: ...og gegnsæ
Ég: ( í ennþá meiri geðshræringu) JÁAAAAAA
Hann: Ég horfi á hana núna
Ég: Stal henni enginn?
Hann: Mér sýnist þetta vera svo ómerkilegt að enginn myndi vilja stela henni!
Ég: ( tók andköf af hneykslun og sagði eitthvað sem líktist) AKH
Hann: (fór að hlægja)
Ég: Mér finnst ég alla vega nógu tómleg án þess núna
Hann: Ertu bara ómáluð og mygluð núna?
Ég: Já, ótrúlega, hvenær má ég koma og sækja þetta? Hvað er opið lengi?
Hann: Þú mátt koma hvenær sem er, það er hleypt ofan í til hálf átta! Þú ferð bara aftur í Bláa Lónið í dag.
Ég: Frábært, takk kærlega, ég geri það.
Hann: Hvað heitirðu svo að ég geti merkt töskuna og séð þessa mygluðu stelpu?
Ég: Ég heiti Hafdís Ósk, ég kem bara að sækja hana á eftir
Hann: Sjáumst, þá,
Þetta er ekki nákvæmt símtal þar sem ég var of upptekin af því að vera hoppandi glöð til að heyra nákvæmlega hvað hann sagði.
Gæti samt verið að einhver hafi stolið einhverju úr henni en það er auðveldara að kaupa nokkra hluti í töskuna heldur en milljón hluti og tösku.
Ætla sem sagt ekki að einblína á dökku hliðarnar lengur, þetta verður kannski bara góður dagur þrátt fyrir allt ; )
Þrátt fyrir myglheitin er ég bara soldil skvísa í dag ; )
posted @ 10:26
+ + +
Seinheppna ég
Gærdagurinn rann upp bjartur og fagur. Fljótlega eftir að ég vaknaði gerði ég mér grein fyrir því að ég myndi seint nenna að hanga inni allan daginn. Ég var að hugsa um að dofla einhvern með mér í golf en datt enginn í hug sem myndi nenna með mér. Þegar ég hélt að öll nótt væri úti hringdi Erna vinkona í mig og bauð mér í Bláa Lónið. Hingað til hef ég ekki verið mest hrifin af striplferðum í sundlaugum eða öðru þess háttar en þar sem voðalega erfitt er að sjá útlínur ofan í Lóninu sló ég til. Þetta leit út fyrir að verða ágætis dagur en annað átti eftir að koma í ljós...
Ég ákvað að vera sumarleg og fín og skellti mér í gallapils sem ég keypti á Spáni fyrir ári og hvítan sumarlegan bol við - ofsaleg skvísa. Erna kom og við lögðum af stað, fljótlega fattaði ég að ég gleymdi Mágusarskírteininu mínu sem veitir 2 fyrir 1 afslátt. Erna skellti sér í U-beyju og við brunuðum aftur upp í Breiðholt. Fyrir utan húsið fattaði ég að ég hafði gleymt lyklunum í 5978 skipti og þurfti því að hlaupa upp til að láta opna. Ég ákvað að hoppa ca.1 meter upp á í staðinn fyrir að hlaupa 20m og fara upp stigann en þetta heppnaðist ekki betur en svo að ég reif pilsið mitt í tætlur og tætti upp á mér hnéið...gott Hafdís, klöppum fyrir því. Svo þrætir fólk við mig um að ég sé kvenleg! Ég var ekki alveg að fatta að ég var í þröngu pilsi, hélt að þetta yrði allt í lagi. Þar sem ég er gríðarlegur nagli fann ég ekki mikið fyrir sárinu á hnéinu, skipti bara um pils fann kortið og fór út í bíl. Ferðin gekk slysalaust fyrir sig til Lónsins þar sem ég kom ekki nálægt akstrinum. Ég komst líka klakklaust út í Lón og gat verið ofan í því án þess að drekkja mér eða öðrum. Þegar við komum upp úr og ég var búin að hafa mig til vildi Erna fá snyrtdótið mitt lánað. Mér fannst það nú lítið mál og tók það uppúr töskunni. Á meðan hún var að snyrta sig blés ég hárið á mér, síðan slétti hún á sér hárið og við fórum heim á leið.
Það var svo ekki fyrr en í gærkvöldi þegar ég tók uppúr töskunni að ég fattaði að snyrtitaskan mín hafði ekki skilað sér. Hún varð sem sagt eftir í Lóninu, GREAT. Þetta er eitthvað svo TÝPÍSKT fyrir mig...
Þori næstum því að veðja að einhver nappaði töskunni og að ég þurfi að fara að punga út tugum þúsunda króna í nýtt snyrtidót og er ekki alveg að tíma því. Mér finnst nefnilega ofsalega gaman að vera vel til höfð og líkar ekki alveg við útlitið á mér núna - er gjörsamlega laus við alla málningu - bara natural beauty og það er held ég ekki mín sterkasta hlið. Alla vega líður mér eins og það vanti eitthvað...maskarann til dæmis.
Ætla samt að hringja í Lónið á eftir og athuga hvort þau hafi fundið dótið - vona það svo sannarlega. Ég var nýbúin að kaupa mér fullt fullt...
Þetta er samt ekki allt!
Ég pantaði mér tvenna gaddaskó á netinu um daginn og Sveinbjörn fékk sér eina. Við pöntuðum aðra af East-bay og hina frá Venuesports. Þessir frá Eastbay eru komnir til landsins en Silja hefur ekki séð tangur né teitur af hinum. Ég er búin að vera svakalega óþolandi og er alltaf að spyrja hana um þá og Silja er alltaf að gá í póstkassann.
Í gær bað ég hana um að senda mér póstinn sem hún hafði fengið frá þessar verslun og las þá yfir. Í öðrum gat maður rakið sendinguna og þá sá ég að þeir höfðu gert margar tilraunir til að koma skónum til skila án árangurs þar sem heimilsfangið var vitlaust. Ég lét Silju athuga þetta og það reyndist vera rétt. Annað hvort misskildum við Silju og Vigni með heimilsfangið, skrifuðum eitthvað vitlaust eða þá að þeir misskildu það sem við skrifum svona hrappalega. Alla vega fór pakkinn í vitlausan bæjarhluta í Clemson. Ég er búin að senda þeim nokkur e-mail og Silja ætlar að hringja í þá í dag til að reyna að bjarga þessu. Vona að þetta reddist þar sem mig langar ótrúlega að fá þessa skó. Verð þá bara að kyngja dýrari sendingarkostnaði, geri allt fyrir þessar elskur.
Ég fékk hins vegar hina skóna mína um daginn, þeir eru alveg æði í útliti - á eftir að prófa þá. Þeir eru ljósið í tilverunni minni þessa stundina.
Ætla að fara að grenja yfir seinheppni minni, heyri í ykkur síðar - KANNSKI.
posted @ 10:08
+ + +
9.5.03
You are Storm!
You are very strong and very protective of those
you love. You are in tune with nature and are
very concerned with justice and humanity.
Unfortunately, certain apprehensions and fears
are very hard for you to overcome, and can
often inhibit you when most need to be strong.
Which X-Men character are you most like?
brought to you by Quizilla
posted @ 12:14
+ + +
Ég hef þann leiða ávana að syngja alltaf með lögum sem ég heyri. Þetta háir mér all oft. Ég syng dálítið mikið með lögunum sem hljóma hérna í sýningarsalnum og er því syngjandi meiri hluta dagsins á skiptiborðinu. Ég hef þó ekki ennþá sungið í símann og vona svo sannarlega að það gerist aldrei.
Ég syng þó ekki bara í vinnunni. Ég syng með græjurnar í botni þegar ég keyri á milli staða, þakka mínu sæla fyrir að enginn hefur laumast upp í bílinn minn þá þar sem það myndi pottþétt skemma heyrnina í fólki. Ég syng nefnilega með öllum lögum..kann dáldið marga texta og ef ég kann þá ekki syng ég bara minn eigin texta. Þetta hljómar ekki svo vel þegar ég reyni að syngja með Celiné Dion...þó að ég sé skræk kemst ég ekki nálægt því að ná tónunum sem hún nær en ég læt það ekkert aftra mér heldur syng bara hærra - hærra eins og í öskra. Það getur þess vegna verið mjög skondið að lenda við hliðina á mér á ljósum ; )
Þetta er nú samt ekkert svo slæmt miðað við það sem á eftir kemur...
Helsti gallinn við þetta söngsystem mitt er það að ég á það til að syngja með tónlistinni á meðan einhver er að tala við mig. Viðkomandi getur tekið það öfugt upp og haldið að ég nenni ekki að hlusta á sig. Ég er hins vegar að gera það sem konur gera svo vel -margt í einu. Ég er sko að syngja og hlusta og muna hvernig ég ætla að kommenta á frásögnina. Þið skulið þar af leiðandi ekki taka það vitlaust upp ef ég syng á meðan ég er að hlusta á ykkur - þetta geri ég þó einungis þegar tónlist er í bakgrunninum.
Ég á það einnig til að byrja á texta við lög áður en textinn byrjar. Það sem ég á við með þessu er að ég byrja oft á viðlaginu þegar forspilið að laginu er....þetta fer í taugarnar á sumum.
Mér finnst á hinn bóginn eðlilegt að syngja með laglínunni, þó að ég sé ekki alltaf að syngja nákvæmlega það sem heyrist í útvarpinu. Ég syng líka stundum önnur lög þegar mér finnst lögin í útvarpinu ekki skemmtileg...ímyndið ykkur hvað er gaman að vera á ferðalagi með mér...
Svona til að allir kostir mínir séu taldir upp tala ég líka við sjálfa mig og set upp samræður milli mín og tilvonandi viðmælanda. Þetta hefur þá kosti að ég er oft búin að undirbúa mig fyrir hugsanleg svör viðmælandans og er þá búin að finna góð svör við fullyrðingum hans. Þetta bregst þó stundum.
Ég á það einnig til að snúa upp á hárið á mér og festast, naga neglurnar og flauta eða syngja á meðan ég er að horfa á þætti í sjónvarpinu. Ég tek þó sjaldnast eftir þessum ávönum mínum þar sem ég er yfirleitt virkur þátttakandi í þættinum - er inn í sjónvarpinu.
Af þessum lýsingum má sjá að ég er þvílíkur kvenkostur...það gleður mitt litla hjarta ótrúlega að einhver skuli vilja líta fram hjá ÖLLUM þessum löstum og nokkrum sem ég þreyti ykkur ekki með.
Ef einhver telur eitthvað af þessu til kosta má sá hinn sami endilega hafa samband?
posted @ 10:47
+ + +
8.5.03
Tilvitnun dagsins
Tilvitnun dagsins er svo hljóðandi - ótrúlega einfalt.
Hver sagði, við hvern og af hvaða tilefni?
I AM LOUD!
posted @ 11:45
+ + +
Það er Daloon dagur í dag...
Þessi dagur byrjar vel...dreif mig út að skokka í morgun og borðaði lítið Cheerios, dugleg stelpa. Síðan ætlaði ég að hjóla í vinnuna en þar sem ég er svo svifasein gat ég það ekki...var fegin þegar ég keyrði í vinnuna þar sem það mígrigndi allan tímann ; )
Ég er búin að hafa nóg að gera í dag og hef ekkert kíkt á netið fyrr en núna...sem er mjög jákvætt.
Ég fékk nýju gaddaskóna mína í gær, þeir eru ýkt flottir og passa svona akkúrat. Ekkert smá ánægð. Í tilefni þess er ég að hugsa um að mæta galvösk á æfingu í dag og testa skóna mína ; )
Núna rétt í þessu var ég að klára hálfa skyrdollu og er alveg að standa mig í aðhaldinu - fyrir utan kökusneiðarnar sem ég borðaði í gær : ( Verð bara dugleg að hjóla á eftir og í kvöld....
Ég er dáldið ánægð með sólina, það er allt miklu skemmtilegra þegar hún skín.
Það er Daloon dagur í dag, ilmandi góðar og gæddur þér á, .....sælkerarúllur frá Daloon. Munið þið eftir þessari auglýsingu? Ég er svo með hana á heilanum núna..veit ekki afhverju. Ætla að reyna að fá eitthvað annað lag á heilann.
Bæjó spæjó
posted @ 11:31
+ + +
7.5.03
Ég var að panta mér nýjustu Harry Potter bókina og allar hinar gömlu líka...
Hlakka ekkert smá til að fá þær. Stefni að því að vera búin að lesa allar 4 áður en fimmta og nýjasta berst til mín...JEI.
Ótrúlega heimskt fólk sem hringir og segir, ég fékk missed call á símann minn...og heldur að ég sé með á hreinu hver það er...Ji.
Ef ég vissi nákvæmlega hver hringdi í hvern klukkan hvað væri ég ótrúlega klár og gáfuð og orðin geðveik held ég.
Rétt í þessu var einn af þessum gáfumönnum að hringja. Ég spurði hvort hann hefði einhverja hugmynd um hver hefði verið að hringja í hann...,,Þórir", sagði hann. ,,Þórir", sagði ég - ,,ég kannast ekki við neinn Þóri sem vinnur hér". Þá sagði hann ,,Tóti" ,,ég kannast heldur ekki við neinn Tóta" sagði ég...,,allt í lagi, bless" - sagði hann og skellti á.
Afhverju fer fólk ekki bara inn á símaskrá.is og leitar að nafninu eða bíður einfaldlega eftir því að viðkomandi hringi aftur. Ég er MJÖG forvitin að eðlisfari samt stunda ég það ekki að eltast við öll símtöl sem ég næ ekki að svara...
Kannski er það háa IQinu mínu að þakka ; ) Eða nískunni...
posted @ 12:41
+ + +
Ég var ofsalega slöpp og sljó í gær...fór heim úr vinnunni eftir hádegi og gat mig hvergi hrært. Var meira að segja svo slöpp að ég treysti mér ekki á æfingu. Ég er langtum skárri í dag og get því litið aftur á björtu hliðarnar.
Ég er meira að segja að hugsa um að skella mér á æfingu í dag...
Ég er soldið spennt að vita hvenær Bergrós hyggst skella sér á æfingu og gaman væri að fá smjörþefinn af því fyrirfram. Hlakka nefnilega ofsalega til að hitta hana...hef ekki séð hana síðan í ágúst í fyrra - jæks.
Upplýsingar óskast sem fyrst svo ég geti mætt í mínu fínasta pússi...
Mér finnst annars leiðinlegt að hafa rigningu og óska henni alls hins versta. Hún má fara norður og niður fyrir mér...ég vil hafa sól.
Í augnablikinu langar mig ótrúlega til útlanda og geri í því að lesa ferðatilboð fyrir Sveinbjörn. Ég er ótrúleg vond að þessu leyti þar sem hann á ekki að vera að hugsa um neitt nema prófin.
Verð að monta mig aðeins...
Sveinbjörn fékk vinnu á verkfræðistofunni Línuhönnun og skákaði þar með 2 sumarstarfsmönnum frá því í fyrra sem eru komnir lengra en hann í námi. Ég er svo ánægð með hann.
Ég er líka ótrúlega ánægð með að vera ein heima...finnst samt leiðinlegt að hafa ekki tíma til að gera neitt. Er í því að taka til á kvöldin og þá er ég yfirleitt orðin svo þreytt...fúlt.
posted @ 10:37
+ + +
6.5.03
Ljúfa líf hvað?
Ég vaknaði við vekjaraklukkuna í morgun og var eitthvað ótrúlega þreytt, þrátt fyrir að vera búin að sofa í 8 tíma. Ég svaf að vísu eitthvað misjafnlega vel og var alltaf að vakna. Eftir að ég hafði slökkt á klukkunni kúrði ég eins og vanalega...þegar ég rumskaði aftur var klukkan orðin 8:40 og mín á að mæta í vinnuna kl.9. Ég dreif mig í að hringja í bjargvættinn minn sem var fús að bjarga fyrstu mínútunum á símanum svo ég gæti fengið mér morgunmat. Ég hefði ekki verið vinsæl án morgunmatsins þar sem ég verð ógurlega pirruð eins og ég hef örugglega komið að áður.
Ég komst nokkuð klakklaust í vinnuna en þó hálfpirruð yfir vonda veðrinu.
Þegar í vinnuna var komið skiptust á skin og skúrir. Mér er búið að vera ógurlega heitt og svakalega kalt til skiptis, veit ekki alveg af hverju það stafar og svo er ég að drepast í bakinu sökum mánaðarlegra heimsókna...
Þetta er sem sagt ekki góður dagur í dag...
Er soldið að spá í að vera bara heima eftir hádegi svo að ég verði nú ekki veik :(
Ég var nú samt ofurdugleg í gærkvöldi, hjólaði úr Breiðholtinu og út á flugvöll...mér fannst það meira að segja frekar auðvelt þó að hjólavöðvarnir mínir séu orðnir heldur slappir af æfingaleysinu. Hef ekki hjólað neitt í ár...
Stefnan er að hjóla í vinnuna annan hvern dag og á æfingu eftir vinnu. Get bara gert þetta annan hvern dag því að ég á fara í ljósameðferð kl.8:15 þrisvar í viku niður í Þverholt og ég efast um að ég næði tímanlega í vinnuna ef ég hjólaði þaðan...
Einhvers staðar verður maður að byrja.
Ég fæ nýju fínu gaddaskóna mína í þessari viku, hlakka ekkert smá til! Get ekki beðið eftir að prufuhlaupa þá...
Vignir kærastinn hennar Silju kemur með þá frá Bandaríkjunum og þar af leiðandi get ég heldur ekki beðið eftir því að hitta hann ;)
Later.....
posted @ 12:37
+ + +
5.5.03
Ljúfa líf...
Gærdagurinn var ósköp ljúfur...byrjaði daginn á tiltekt og eftir að hafa tekið nokkur herbergi í gegn skellti ég mér í búð. Þegar ég hafði lokið við að horfa á Die another day fór ég með Ernu vinkonu að versla...það bar sérlega mikinn árangur. Ég kom heim með buxur, peysu og þrenna boli og var ekkert SVO mörgum þúsundköllum fátækari. ;)
Um kvöldið minnkaði dugnaðurinn ekkert og ég þreif bílana okkar skötuhjúa. Ég fór að vísu bara með þá á bílaþvottastöð...
Ég ákvað að þvo bílana soldið seint í gærkvöldi og nennti þá ekki að frysta af mér puttana og ákvað að rúlla bílunum bara í gegnum svona stöð. Rétt áður en vélin fór af stað áttaði ég mig á því að ég hafði ekki gert neinar ráðstafanir varðandi loftnetið á bílnum mínum. Ég náði að ýta því niður þannig að það yrði ekki fyrir. Þetta gekk allt vel fyrir sig þangað til að vélin fór að þurka bílinn, þegar þurkarinn fór til baka hrifsaði hann elskulega loftnetið mitt með sér sem hafði aðeins farið úr upprunalegu stöðunni. Ég horfði á þetta gerast án þess að geta bjargað lífi þess. Mér var gráti næst þegar ég tók það upp af blautri jörðinni, beyglað og brotið...
Núna sé ég fram á gríðarleg útgjöld vegna þessa tjóns og bíð þess væntanlega aldrei bætur.
Um leið og ég hafði komið mínum bíl heilum heim fór ég með Subaróinn og tókst að koma honum heilum heim - sem betur fer. Get ekki annað en hugsað, ef ég hefði farið með hann fyrst væri loftnetið mitt nýja fallega ennþá heilt en ljóta gamla hans Sveinbjörns hefði fengið upplyftingu - eða bara ekki skemmst þar sem það þarf bara að ýta því niður en ekki skrúfa það af eins og mitt...
Þetta er hið versta mál þar sem útvarpið er ekki alveg að standa sig þessa stundina og ég er ekki með geisladiskinn minn í bílnum.
Ætla að redda því í dag svo ég geti haldið áfram að hækka í botn og syngja með á meðan akstri stendur...
Núna var ég að frétta að það þarf að panta nýtt loftnet og guð má vita hvað það tekur langan tíma. Best að fara að skrifa nokkur stykki geisladiska...
Annars er helst í fréttum að ég er að vinna til 1800 í dag, JEI. Er að vísu að fara að gera eitthvað nýtt og spennandi eftir hádegi með tveimur hressum og skemmtilegum ;)
Svo er svo ótrúlega gaman að vera búin í prófum að ég get bara ekki verið í vondu skapi.
Ofsalega gaman að vera til ;)
Njótið dagsins...
posted @ 11:50
+ + +
3.5.03
Var að koma heim úr prófinu...gekk barasta ekki nógu vel þó að ég segi sjálf frá. Ég þarf að fá 6.5 til að ná prófinu og efast alveg stórlega um að ég geri það. Ég er endanlega búin að komast að því að ég er ekki viðskiptafræðilega hugsandi. Það er mér ekki tamt að pæla í hámarkshagnaði og að vita hvar jaðarkostnaður eigi að skera meðalkostnað í mismunandi samkeppnisstöðu.
Mig langar heldur ekki að geta reiknað hvar jafnvægisverð framboðs og eftirspurnar eru hjá fyrirtæki þegar framboðsföllin eru gefin. Enda gat ég ekki reiknað það út : (
Ég vildi ekki sleppa þessu prófi þó að ég sé búin að ákveða að skipta um deild þar sem ég vildi ekki gera lítið úr vetrinum. Ég viðurkenni þó fúslega að ég hefði getað lagt miklu meira á mig til að standa mig vel í skólanum en vegna gífurlegs áhuga míns á þessum fögum fann ég yfirleitt eitthvað annað betra að gera...
Ég held að þetta stafi af því að ég hafi einfaldlega ekki nógu mikinn áhuga á þessu til að nenna að læra það. Ég geri mér hins vegar líka grein fyrir því að það er ekki allt skemmtilegt í skóla og ég finn mér seint fag sem mér finnst bara skemmtilegt. Nú þegar veit ég að mér finnst markaðsfræði skemmtilegt fag og einnig finnst mér sálfræði skemmtileg. Í kjölfarið er ég að hugsa um að fara í markaðs-eða auglýsingasálfræði, þarf að kynna mér það betur. Ég ætla þó að byrja á því að fara til námsráðgjafa og sjá hvað hann segir. Seinast þegar ég fór til námsráðgjafa var það vorið 2001 þegar ég gat ekki valið á milli viðskiptafræði og sálfræði. Ég gat ekki byrjað í sálfræði þá og ákvað þá bara að prófa viðskiptafræðina. Á þessari önn fannst mér fögin ágætlega spennandi þar sem ég var ekki í neinu svona viðskiptafræðilegu. Var í upplýsingatækni, aðferðafræði, tölfræði og markaðsfræði. Enda gekk mér bara mjög vel í prófunum þá ;) Núna í haust fannst mér fögin ekki eins skemmtileg og sá fljótlega eftir því að hafa ekki skipti yfir í sálfræði þá í stað þess að sóa einu ári enn í hálfgerða vitleysu. Ég hugga mig við að maður tapar aldrei á að læra og þessi þekking kemur mér örugglega einhvern tímann að notum - þó að ég kunni ekki öll 100% ; )
Ég vil trúa því að ég sé alveg ágæt þó að ég sé ekki klár í viðskiptafræði!
Ég er að hugsa um að halda áfram að vera pirruð og fúl yfir slæmu gengi...heyri í ykkur síðar!
posted @ 17:53
+ + +
2.5.03
Pælið í því, ég er að gera gamalt próf í rekstrarhagfræði II og með öllum gögnum er þetta nánast óskiljandi. Er ekkert sérstaklega ánægð með þetta. Þetta er svo mikil geðveiki, ég er búin að læra þvílíkt mikið fyrir þetta og kann þetta bara nokkuð vel en þetta er samt næstum því óskiljandi, með gögnum, er það heilbrigt? Hvernig yrði þetta próf ef það mætti taka gögnin með?
Mér finnst sérstaklega erfitt að finna eitt rangt eða það sem er mest rangt. Er svo vön að leita að því sem er rétt svo að þegar ég les yfir það sem er allt rétt nema eitt verð ég ofur rugluð...ég er að vísu ekki heilbrigð.
Ég var heldur mikill sluxi í dæmatímum í vetur og er heldur betur að gjalda fyrir það núna...Skamm Hafdís.
Reikna með að eyða restinni af deginum í að undirbúa mig fyrir próf með hefðbundnum aðferðum. Telja mér trú um að ég kunni ekki neitt, viti ekki neitt og geti ekki neitt. Nú þegar eru hendurnar á mér frosnar sem er dæmi um stress hjá minni. Að vísu er hitinn við frostmark hérna í Grjóthálsinum, B&L, svo að það gæti verið einhver áhrifaþáttur.
Er með svona lítinn rafmagnsofn sem er aðallega að hita af mér rassinn í augnablikinu, akkúrat sá partur af mér sem er heitfenginn, ætla að breyta þessar uppstillingu aðeins....svona núna verður mér heitt á hálsinum.
Ég var að frétta að kunningjakona mín hefði verið bitin af hundinum sínum og það þurfti að sauma 30 spor og hún missti næstum sjónina á öðru auganu. Pælið í þessu! Hún er að fara í próf á morgun en fær sérstofu og stærra letur, þar sem hún sér bara með öðru auganu. Við erum að tala um að þessi stelpa er búin að vera umvafin hundum allt sitt líf og er sem sagt enginn aukvisi þegar kemur að þessu. Vorkenni henni ekkert smá...held að ég sé alveg hætt við að eignast hund!
Þarf víst að fara að vinna...og gera mig stressaða ;)
Læt heyra í mér eftir próf!
posted @ 12:14
+ + +
1.5.03
Læra, læra, læra, læra, læra....
Er eiginlega alveg komin með nóg af rekstrarhagfræði en hugga mig við að það eru bara tveir dagar þangað til þessum leiðindum er lokið ;) Þá verður sko kátt í höllinni...
Fór á the Recruit um daginn, mæli eindregið með henni - ofsalega góð mynd. Ég er hins vegar orðin nokkuð góð í að finna út hvernig fólk fer að því að svíkja og pretta og er orðin nokkuð góð í að finna út hver er í raun og veru vondi kallinn. Þessi mynd gat þó endað á hvaða þátt sem er...frekar spennandi.
Næst ætla ég samt að fara á einhverja stelpumynd held ég...vei, vei.
Eftir próf ætla ég að sökkva mér í að undirbúa kosningarnar, finna út hvaða flokkur verður svo heppinn að hljóta atkvæði mitt - eitt er víst, það verður ekki til að hjálpa sjálfstæðisflokknum - no way hose.
En back to buisness...
Eitt enn skemmtilegt - ég fæ grillmat í kvöld...ýkt gleðilegt...
posted @ 18:29
+ + +
