31.3.03
Ég er VEIK
Endalaust pirruð yfir því. Þurfti að fara heim úr vinnunni í dag þar sem ég átti í erfiðleikum með að svara í símann fyrir hnerrum og nefrennsli. Ákvað að vera skynsöm einu sinni á ævinni og fara bara heim og hvíla mig. Þar sem það var ekkert skemmtilegt í sjónvarpinu og ég hafði nákvæmlega ekkert að gera ákvað ég að horfa á einhverja vælumynd samt sem áður. Það er ekki sniðugt þegar maður er með kvef, því að það lak jafnvel meira úr augunum á mér heldur en ella.
Er svo ekki týpa í að vera veik. Var að enda við að taka öll blöðin til og þvo þvott og það gerði alveg út af við mig. Er komin með hausverk og læti.
Ætla að fara að horfa á einhverja mynd á DVD eða eitthvað. Dælið í ykkur sólhatti og forðist mig næstu daga ;)
Góðar stundir...
posted @ 15:16
+ + +
30.3.03
Ég fékk sms klukkan rúmlega 10 í gær morgun. Þar stóð eitthvað sem var á þessa leið: ,, Hæ sæta, langar þig að gera eitthvað í dag? Ég fékk frábæra hugmynd, langar þig að vita...
Ég sendi tilbaka: ,,Ég er alveg til í að gera eitthvað í dag og já, ég er til í að fara á snjóbretti. Var það ekki annars það sem þér datt í hug?" ,,Jú, hvernig vissirðu? Lestu hugsanir eða hvað?" var svarið sem ég fékk og síðan fékk ég símtal.
Þetta var enginn önnur en hún Erna Dögg vinkona mín sem var að dofla mig á snjóbretti. Við skelltum okkur síðan rétt fyrir hádegi og drógum Sveinbjörn með. Þetta var hin ágætasta skemmtun fyrir utan gunguhátt minn. Um leið og ég var komin á ról lét ég mig detta til að forðast frekari árekstra. Þess vegna datt ég bara einu sinni í raun en lét mig detta svona milljón sinnum.Tókst einmitt að lenda á festingunum á brettinu einu sinni og er með feitan marblett á rassinum ;)
Í dag er ég með verki alls staðar og nota bene það er ekki gott að fara á snjóbretti ef maður er með marbletti á hnjánum þar sem hnéin koma mikið við sögu í þessu ferli. Erna er geðveikt góð og það tók hana ekki nema ca. 2 mínútur að fara niður brekkuna á meðan við Sveinbjörn tókum svona hálftíma í það og enduðum með því að fara bara eina ferð þar sem allur líkaminn var lurkum laminn eftir þessa fyrstu en ekki síðust. Við stefnum að frægð og frama í veltukeppni og tókst mér meðal annars að taka 360° snúning.
Næst þegar ég fer ætla ég að láta vaða og verða geðveikt góð...
Í gærkvöldi skelltum við okkur á HUNTED, áttum boðsmiða. Okkur fannst þessi mynd bara alls ekki góð og mælum engan veginn með henni. Ég hélt fyrir augun eða eyrum allan tímann - geri það ef ég er hrædd eða finnst eitthvað ógeðslegt. Fannst hún alltof ógeðsleg og voðalega lítið að gerast. Ég var næstum því sofnuð í einu atriðinu því mér fannst það svo ógeðslegt að ég ákvað að vera bara með augun lokuð ;) Hafdís AULI.
Ég er víst að fara í fermingarveislu í dag sem ég nenni ekki í, langar ekki einu sinni í kökur og þá er eitthvað mikið að...
Ég þarf alla vega að fara að læra....catch you later.
posted @ 11:56
+ + +
28.3.03
Auj, haldið ekki að ég sé komin af Guðmundi "sterka" Sigurðssyni. Þaðan koma kraftarnir...hlaut að vera!
Komst að þessari skemmtilegu staðreynd þegar ég rakti saman ættir okkar Alberts Við erum voðalega lítið skild þó, í 7.ættlið. Ég vinn núna hörðum höndum við að finna a.m.k einn frænda eða frænku úr röðum kunningja minna...Verð örugglega lengi að...
Góðar stundir...
posted @ 11:40
+ + +
Er öll útsteypt í ofnæmi þessa dagana. Held að tengdamamma hafi notað eitthvað vitlaust þvottaefni, má bara nota NEUTRAL. Auk þess gruna ég hana um notkun á mýkingarefni sem er algjörlega á bannlista. Vegna þessa er ég með útbrot í framan, á hálsinum og á handarbökunum er ég með litlar bólur. Óþolandi helv....
Fékk ofnæmistöflur seint í gær og er öllu skárri í dag - JEI. Auk þess fann ég krem heima sem hefur hjálpað mér mikið. Ég á ekki nein krem nefnilega og kemst ekki að hjá húðsjúkdómalækni fyrr en 9.apríl. Ég ákvað af þessum sökum að sofa bara heima í nótt til að hætta ekki á að fá meira ofnæmi.
Alltaf gaman að vera OF NÆMUR, nema að maður sé eins og strákurinn í American Pie ;)
posted @ 10:05
+ + +
Mínu liði tókst á einhvern ótrúlegan hátt að tapa fyrir lögfræðidruslunum í Teiknileikni í gær. Gamla góða tapsárnin gerði vart við sig og því var ég næstum búin að hjóla í þau - sér í lagi þar sem þau svindluðu. Á endanum náði ég þó að hemja mig og ákvað í staðinn að berja þau bara í dag ;)
Fyrirkomulagið á keppninni var ekkert til að hrópa húrra yfir þar sem liðin fengu ólíka hluti til að glíma við! Fengum ekki sömu spjöldin fyrr en að teiknileikni lokinni. Þá tók leiknileikni við og óskuðum við þá eftir að sömu spjöld yrðu notuð á bæði lið. Við þetta jöfnuðust leikar soldið, við fengum 11 stig, þau 10. Í síðust umferð var þessi aðferð ekki notuð og því sigruðu lögfræðinemar. Við vorum komin með svaka hernaðaráætlun sem brást þó þegar á hólminn kom því að stress og læti yfirbuga almenna skynsemi. Þess vegna tókst okkur ekki að nota táknmálið sem við vorum búin að æfa svo mikið!
Ég kvíði örlítið fyrir greinunum mínum í dag þar sem ég tel að sumar stelpurnar í liðinu séu skítlélegar og ég komi því til með að missa þolinmæðina fyrir rest...guð hjálpi þeim. Ég er nefnilega ekki sú skilningsríkasta þegar kemur að hópíþróttum og sjaldnast er eitthvað mér að kenna...maður verður að halda í barnið í sér!!!
posted @ 09:57
+ + +
27.3.03
Í stað þess að vera ótrúlega dugleg í gær og klára lokaverkefnið mitt í Tjáningu og samskiptum ákvað ég að spjalla frekar við kunningja mína á MSN og skoða gaddaskó á netinu. Ég er þó ekki enn í djúpum skít vegna leti minnar þar sem ég fæ annað tækifæri til að flytja lokaverkefnið mitt í næstu viku og skal það gert með pompi og prakt. Er að hugsa um að taka mynd af mér vinnandi á öllum stöðum. Hafdís í móttökunni, Hafdís að selja nýjan bíl, Hafdís að selja notaðan bíl, Hafdís að gera við bíl. Hafdís að gera bíl kláran í sölu, Hafdís að selja varahluti, Hafdís að keyra um á fyrsta bílnum og svo mætti lengi telja...haldiði að þetta veki ekki lukku?
Ég fékk all svakalegar hugmyndir í gær á meðan ég var á fundi með íþróttaráði Mágusar, félag viðskiptafræðinema. Gæjarnir sem eru með mér í ráðinu ætluðu að fara að eyða einhverjum pening í að kaupa vesti handa liðinu fyrir mótið sem verður á morgun. Ég hélt nú ekki og reddaði okkur ókeypis bolum til að vera í...ótrúlega klár!
Frétti svo að ég á ekki bara að keppa í fótbolta, handbolta, körfubolta og reipitogi heldur líka í teiknileikni í kvöld. Hitt allt er á morgun. Reyndi að koma strákunum í trú um að ég kynni ekki að teikna en þeir trúðu því ekki. Þetta á eftir að vera disaster...Hvernig væri að ég myndi bara ekki mæta? Annars er ég að fara að minna fólk á mótið í tíma í dag, einhverra hluta vegna tókst mér að gleyma því í morgun og þar af leiðandi er ég allt annað en skvísuleg í dag...skransans.
Hvað gera bændur þá?
Ætla að borða skyrið mitt...
Kveð að sinni.
posted @ 12:01
+ + +
Jæja...þetta vita pottþétt ekki allir og vonandi ekki Sigurjón.
"I´ve been used!"
posted @ 11:40
+ + +
26.3.03
Hei, your an actor. I just say you suck it up and you do it!
posted @ 18:28
+ + +
Skransans, þetta var alltof auðvelt hjá mér.
Þar sem þetta var auðvelt kemur hérna önnur...
That´s the spirit, what can we do?
posted @ 14:06
+ + +
Skutlan hún ég
Var þetta líka ótrúlega flink. Þurfti að kasta fyrir 3 í dag þar sem þeir voru of miklar gungur til að mæta. Öll köstin mín voru yfir 11 metra. Það lengsta í kringum 12 held ég. Var að vísu undir helvíti mikill pressu þar sem ég þurfti að hlaupa í símann á milli kasta og var því þreyttari fyrir vikið. Auk þess var ég heldur aum í hendinni eftir blóðtökuna...en þetta bjargaðist.
Vona að ég hafi tryggt mínu liði sæti í úrslitum.
posted @ 12:45
+ + +
Skutlukeppni B&L
Reglur eru einfaldar. 5 starfsmenn eru saman í liði. Samanlögð kastlengd liðanna er árangur liðsins. Hver starfsmaður þarf að búa til sína skutlu sjálfur á keppnisstað. Ég læt ykkur vita hvernig fer...
posted @ 12:33
+ + +
Blóð, blóð, blóð...
Blóðbankabílinn stendur fyrir utan höfuðstöðvar B&L í dag. Starfsmenn eru mjög duglegir við að gefa blóð og er nánast röð út úr dyrum. Ég hef aldrei gefið blóð og fékk því bara að fara í prufu. Ótrúlega fínn bíll og afskaplega þægilegar konur. Hún tappaði heilum helvítis helling af mér til athugunar. Vona að ég reynist nógu heilbrigð svo ég geti gefið næst þegar þær mæta á svæðið.
Annars var ég svo vitlaus að láta taka prufu úr hægri því að ég tek þátt í skutlukeppni í hádeginu...sjá hér að neðan!
posted @ 11:50
+ + +
Nýjungar á Bjútíkvín
Ég hyggst brydda upp á þeim nýjungum að skella reglulega inn setningu úr þáttunum um hina geysi vinsælu vini eða Friends eins og þátturinn kallast á frummálinu.
Sá sem veit hver sagði setninguna og af hvaða tilefni fær síðan rós í hattinn auk aukinnar virðingar undirritaðrar.
Fyrsta setningin í þessum flokki er frekar auðveld.
,,Say it, don´t spray it!"
posted @ 11:35
+ + +
25.3.03
Til dr.Bjössa:
Hvenær eigum við að hafa kökuboðið? Þú verður bara að gefa mér dagsfyrirvara og ég skelli í eina súkkulaðiköku handa þér. Er fræg fyrir skúffukökuna mína...gæti meira að segja verið að ég baki eina til handa þér, sér í lagi ef þú tekur unnustu þína með þér!
Svar óskast!
posted @ 14:57
+ + +
Suma daga er ég voða löt og nenni bara alls ekki að læra í vinnunni. Þá daga er ég að vafra á netinu allan daginn. Hugmyndaflug mitt er þó ekki betra en það að ég skoða eiginlega aldrei neinar nýjar síður. Mér finnst ofsalega leiðinlegt að lesa um hversdagslegt líf fólks sem ég hef aldrei séð og því leggst ég ekki svo lágt að ,,tjékka" á þeim.
Uppástungur um áhugaverðar síður væru því vel þegnar.
posted @ 14:42
+ + +
Bjargvætturinn
Ég á svo bestu mömmu í heimi. Ég sagði henni frá raunum mínum í pósti í dag. Klukkutíma síðar kemur hún askvaðandi hérna inn með fullan poka af mat - oh, how well she knows me! Þetta er meira að segja allt svo girnilegt. Er þegar búin að borða eina samloku og líður langtum betur...
Í keppninni um bestu mömmuna myndi hún svo rústa hinum mömmunum. Hún er alltaf svo ótrúlega góð. Ég reyni að komast með tærnar þar sem hún hefur hælana en það er sko erfitt!
Það er alltaf sagt að maður eigi að velja vini sína vel því að maður getur ekki valið sér fjölskyldu. Ég fékk greinilega bestu fjölskyldu í heimi sem vegur alveg upp á móti hvað ég valdi mér upptekna vini!
Biðst afsökunar ef þetta er of væmið fyrir ykkur...
posted @ 10:34
+ + +
Ég hef alveg gleymt að tjá mig um Grease uppsetninguna sem sett verður á fjalirnar í sumar! Í fyrsta lagi finnst mér ótrúlega heimskulegt að setja Grease eða Koppafeiti, eins og sú ágæta mynd heitir á frummálinu, upp aftur núna í ljósi þess að það eru bara nokkur ár síðan hún var sett upp með Selmu og Rúnari Frey. Í þetta skiptið verður það engin önnur en uppáhaldið mitt hún Birgitta sem leikur Sandy. Það finnst mér vanvirðing við þetta frábæra stykki því að stúlkan á í fyrsta lagi að geta sungið - ekki bara mæmað. Auk þess er hægt að dæma um leikhæfileika stúlkunnar með því að horfa á skemmtilegu RÍS auglýsinguna þar sem hún kemst á áður óþekkt stig niðurlægingar. Jónsi, í svörtum fötum, á að fara með hlutverk Danny's. Þau skötuhjúin eiga það sameiginlegt að kunna ekki að syngja, eiga bara aðdáendur í hópi 5-14 ára og að henta bara alls ekki í þessi hlutverk. Selma og Rúnar Freyr stóðu sig held ég mjög vel, þar sem þau kunna a.m.k bæði að syngja. Auk þess jók samband þeirra enn á umfjöllun um sýninguna.
Eitt er víst, ég fer ekki á þessa sýningu nema ég fái háar fjárhæðir fyrir eða til þess eins að hlægja að þessum ósköpum!
Hvernig verður það annars, sleppur Sandy við að vera í kjól? Sætta gestir sig við að þessi saklausa ástralska stúlka sé hjólbeinótt og sé með ótal marga kæki þegar hún syngur? Hvernig verður Birgitta með ljóst hár, eða verður Sandy dökkhærð?
Ég bíð spennt eftir frekari fréttum...
posted @ 10:25
+ + +
Byrjar vel...
Þegar Hafdís vaknaði um morguninn gerði hún sér strax grein fyrir því að líklega væri ekki til nein mjólk. Hún krossaði þó fingurna og vonaði að kraftaverkin gerðust enn og á einhvern óskiljanlegan hátt hefði mjólk birst í ísskápnum. Þegar hún var búin að fara í sturtu, klæða sig og snyrta kíkti hún eftir mjólkinni. Henni til mikilla vonbrigða reyndist grunur hennar réttur - það var ekki til nein mjólk. Nú voru góð ráð dýr! Hún ákvað vegna tímaskorts að borða bara banana í morgunmat þó að hún hefði helst viljað taka Cheeriosið, disk og skeið með í vinnuna og kaupa mjólk á bensínstöð. Hún ákvað að fá sér bara eitthvað gott að borða í kaffinu. Henni til mikillar skelfingar komst hún fljótlega að því að mötuneytið var lokað í dag vegna veikinda og því engar líkur á að hún fengi mat nema hún keypti sér hann sjálf! Öll von var þó ekki úti enn...hún gat platað einhvern sölumanninn til að leysa sig af á meðan hún keypti sér eitthvað að borða í nágreninu en þar sem þetta var einn af þessum dögum...mundi hún fljótlega eftir því að veskið lá á kommóðunni heima....
Greyið fólkið sem vinnur með mér, hringir í mig eða kemur hingað...ég er svo ergileg þegar ég er svöng!
Eins gott að restin af deginum verði góð!!!
posted @ 09:55
+ + +
24.3.03
Svefnlaus nótt og skrýtinn magi
Ég skreiddist inn í rúm um 11 leytið, las smá í einhverri bók og slökkti svo þar sem ég var orðin ótrúlega þreytt. 2 tímum seinna kom Sveinbjörn heim frá verkefnavinnu og þá var mín sko ekki ennþá sofnuð. Var heitt og kalt til skiptis og vaknaði á nokkurra mínútna fresti! Frekar fúlt. Síðan var mér svo óglatt í morgun að ég treysti mér ekki til að fara í vinnuna. Sá soldið eftir því að hafa ekki bara kúrt upp í sófa og horft á Óskarinn þar sem ég gat hvort eð er ekkert sofnað.
Ég var nokkuð ánægð með úrslitin þó að ég geti ekki sagt að ég hafi verið dugleg að horfa á myndirnar sem voru tilnefndar. Mér finnst Nicole Kidman að vísu alltaf svakalega góð og ég hélt meira með Kötu-Zeta heldur en Renée í aukahlutverkinu.
Finnst frábært að einn óþekktur hafi hreppt hnossið í aðalleikara - ekkert smá góð byrjun hjá honum!
Annars ætlaði ég að reyna að læra eitthvað í dag, held samt að ég sofni bara þar sem ég er svo ótrúlega þreytt ennþá.
posted @ 15:11
+ + +
23.3.03
Kíkið á þetta...
posted @ 14:01
+ + +
21.3.03
Hvaða teiknimyndavondukall ert ÞÚ?
posted @ 10:58
+ + +
Annars er það helst í fréttum að við pabbi keyptum okkur ný gleraugu - ekki eitt par til að nota saman heldur var 2 fyrir 1 tilboð í gleraugnaverlsun í Glæsibæ. Þar sem ég hef löngum talist mjög ákveðinn og pottþétt á mínum smekk, tók mig ekki nema hálftíma að velja á milli 3ja gleraugna sem aðstandendum mínum þótti koma til greina! Að lokum þurfti ég að velja á milli tveggja sem tókst sem betur fer að lokum - aðeins 20 mínútum eftir að búðinni lokaði ;)
Pabbi tók hins vegar svona 10 mínútur í að velja sín og helmingurinn af þeim tíma fór í fíflalæti okkar á milli. Greyið afgreiðslustúlkan hefur örugglega ekki hitt svona ruglaða fjölskyldu í langan tíma. Pabbi tók sig til og setti ein af mínum hugsanlegu gleraugum á sig og sagði: ,,svona líturðu út með þessi" og þóttist ýta lokkum frá andlitinu - pabbi er sko broddaklipptur! Sveinbjörn gaf gleraugnum einkunn og þar fram eftir götunum. Held að stelpan hafi verið guðs lifandi fegin þegar við fórum!
Gott dæmi um létt geggjuðu fjölskylduna mína er kvöldið sem að þau hitti Sveinbjörn fyrst. Hann var að koma úr World Class og ætlaði að kíkja í smá heimsókn. Ég sagði honum að frænka mín væri í heimsókn og hvort hann ætlaði ekki að heilsa upp á liðið. Hann var miður sín yfir að vera ekki með neitt í hárinu - ógreiddur. Ég hló nú bara að því og sagði að þau kipptu sér áreiðanlega ekki upp við það. Þar sem ég er svo mikið kvikindi sagði ég þeim að sjálfsögðu frá þessu og um leið og þau voru búin að heilsa gall í frænku minni: ,,gastu ekki einu sinni greitt þér áður en þú komst"? Hann var ekkert sérstaklega kátur með þetta framtak mitt en fannst þetta samt bara fyndið. Fjölskyldan mín góðir lesendur!
posted @ 10:23
+ + +
Finnst dáldið skondið að Sigurjón hafi ekki hlýtt fyrirmælum mínum og lesið greinina mína hér að neðan þar sem hann gagnrýnir okkur Jóhönnu oft og iðulega fyrir forvitni...
posted @ 09:49
+ + +
20.3.03
Eða þá að þið getið bara leitað að mér í bunkanum þetta myndakerfi bíður víst ekki upp á að slóð einhverrar myndar sé fest við síðu. Er neðarlega á fyrstu síðunni og efst á næstu síðu. Þriðju myndina er erfiðara að finna...
posted @ 12:44
+ + +
Ég skellti mér í vísindaferð seinasta föstudag. Þar fékk ég m.a að vera aðstoðar ljósmyndari og hér er afraksturinn.
Nokkrar myndir af mér slæddust þó inn í. Ein, tvær, þrjár
posted @ 12:41
+ + +
Veit ekki afhverju ég er að segja frá þessu, kannski þar sem voðalega lítið almennilegt hefur komið út úr mér síðustu daga...
Bið Sigurjón að lesa ekki lengra!
Fljótlega eftir að ég byrjaði að vinna hjá B&L fór ég að taka eftir því að fáar konur leggja leið sína hingað og enn færri fara á klósettið hérna. Það veit ég af því að þegar ég fer í kaffi kl.hálf ellefu þarf ég að kveikja ljósið inni á snyrtingunni. Til þess að skýra mitt mál verð ég að deila því með ykkur að klósettið heima hjá mér er mjög lítið, MJÖG LÍTIÐ. Það lítið að Einar Karl þurfti að standa til hliðar við klósettið til að getað lokað hurðinni og guð má vita hvað hann gerði til að setjast á klósettið! Þar af leiðandi hef ég vanið mig á að pissa með opna hurð, mér til málsbóta eru fjölskyldumeðlimir yfirleitt ekki nærstaddir þegar þessi atburður fer fram.
Svo ég komi mér loksins að kjarna málsins þá tókst mér að skilja hurðina eftir opna um daginn þegar ég fór á klósettið og það sem verra er, tók ekki eftir því fyrr en ég var að hysja upp um mig buxurnar. Þetta hefur sem betur fer ekki komið fyrir aftur og vanda ég mig sérstaklega við að loka hurðinni á eftir mér núna.
Þessi frásögn var í boði GROHE - Grohe er vatn og vellíðan!
posted @ 12:05
+ + +
Afskaplega fátt markvert gerist í lífi mínu þessa daga. Ég er bara að læra, æfa og sofa - gengur lífið út á eitthvað annað? Ég brá þó örlítið út af vananum í gær og skellti mér í grindarhlaup. Það gekk að vísu ekki nógu vel þar sem stelpurnar styttu um 1og hálft fet og það var einfaldlega of stutt fyrir mig. Hljóp bara á grindurnar í staðinn fyrir yfir! Bjó mér til nýja braut þar sem ég stytti um tæpt 1 fet og þá smellpassaði þetta allt! Af þessum sökum tafðist ég þó nokkuð og gerði þar af leiðandi mun minna á æfingunni en ég átti að gera - skammastu þín stelpa!
Í gær kom líka litli frændi minn í heimsókn. Um leið og hann opnaði hurðina kallaði hann: ,,ég er kominn, Hafdís"! Síðan varð hann ótrúlega svekktur þegar hann komst að því að Hafdís var í skólanum. Þegar ég kom heim tók hann gleði sína á ný og ég fékk að lesa og leika við hann þangað til við fórum á æfingu. Ég fann nefnilega bók um daginn sem heitir Íkorninn í skóginum. Á bókinni eru göt og rifur sem íkorninn fer í gegnum á leið sinni í gegnum skóginn sem eru eðlilega mjög áhugaverð þegar maður er að verða 3ja ára og þegar maður er 22 eins og ég!
posted @ 10:34
+ + +
19.3.03
Raunir FH-ingsins.
Held að þetta sé ekki alveg mín sterkasta hlið..
Örlítil mistök.
Eins og ég sagði er þetta ekki mín sterkasta hlið. Er að vísu með mjög lélega tölvu en get ekki betur séð en það vanti seinasta textann. Þeir eiga að vera þrír. Hann átti að vera eitthvað á þessa leið...Já, það er rétt hjá þér. Þú getur ekkert og hefur ekki einu sinni útlitið með þér. Annars hefði ég viljað skrifa meira, fannst þetta of lítið pláss.
posted @ 12:13
+ + +
Það bætist í hópinn
Ég var að eignast litla frænku í nótt. Frekar lukkuleg með það. Kærasta frænda míns, sem er frekar lítil og nett, var þó heilan sólarhring að eignast barnið og gekk það frekar illa.
Ég get því einhvern tímann hrósað happi yfir stærðinni minni, þegar/ef ég eignast einhvern tímann barn.
Ég óska Sveini og Söru innilega til hamingju með litla krílið!
posted @ 11:13
+ + +
Svekkelsi
Ég var ýkt svekkt í gær þegar ég horði á Amazing Race þegar töffararnir tveir duttu út. Þeir voru líklegastir til að vinna en urðu ótrúlega óheppnir í gær! Í seinasta þætti duttu líka út skemmtilegir keppendur svo að núna er eiginlega bara 1 skemmtilegt par eftir en það er bræður, ótrúlega fyndnir stundum. Síðan er eldra par eftir og loks Flo & Zach. Eldra parið er allt í lagi en stundum eru þau ótrúlega heppin. Flo er orðin heldur pirruð á Zach og hann gerir allt til að skaprauna henni enda er samstarfið þeirra ekki upp á marga fiska í augnablikinu! Mér finnst þessir þættir í rauninni ekkert svakalega skemmtilegir, er bara alltaf að borða þegar þeir eru sýndir og hef því fylgst vel með þeim! Annars hef ég minnkað sjónvarpsgláp talsvert enda eru allir uppáhaldsþættirnir mínir hættir. DVD hefur soldið komið í staðinn fyrir sjónvarpið, Sveinbjörn er nefnilega soldið duglegur við að downloada efni af netinu inn á tölvuna sína. Hann fékk til dæmis Ísöldina í gær og hlakka ég mjög til að horfa á hana! Hann var að horfa á hana í gær á meðan ég var að læra og skemmti sér mjög vel - heyrðist mér á hlátrasköllunum...
Jæja, ég ætla að læra aðeins áður en ég fer í kaffi!
l8r
posted @ 10:15
+ + +
18.3.03
Það er erfitt að vera öðruvísi en aðrir.
Ég hef alltaf talist vera öðruvísi en aðrir. Ekki bara af því að ég kýs það heldur er ég líka með meðfædda galla. Ég hef nefnilega verið með exem síðan ég var tæplega 2 mánaða gömul, fyrir þá sem ekki vita er exem húðsjúkdómur sem lýsir sér í sárum, sprungum og ofsa kláða. Þegar ég var yngri héldu krakkarnir að þetta væri smitandi og því vildi enginn leiða mig í dansskólanum eða öðru þar til gerðu sem krafðist þess að börn héldu höndum saman. Krakkarnir drógu þá annað hvort ermarnar fram yfir hendurnar og réttu mér höndina þannig eða einfaldlega leiddu mig ekki. Þetta þótti mér vitanlega mjög leiðinlegt þar sem ég vissi fyrir víst að exem er ekki smitandi og hefði þar af leiðandi ekki gert krökkunum neinn grikk. Tveir krakkar vildu hins vegar leiða mig, það var besta vinkona mín annars vegar og hins vegar strákur sem var skotinn í mér. Ég velti mér kannski ekki mikið uppúr þessu þá en núna þegar ég hugsa tilbaka get ég ekki gert annað en furðað mig á fáfræði krakkanna. Ég var að leika við litla sex ára snót um daginn sem var ekki lengi að taka eftir sárunum og sprungunum á höndunum á mér og benti mér fljótlega á að ég væri með ógeðslegar hendur. Af þessari athugasemd hennar hvarflaði hugur minn aftur í leik-og dansskólann og rifjaði upp sárar minningar. Krakkarnir á Vopnafirði létu að vísu segjast og fóru að leiða mig en það tók smá tíma. Í dag vita þau örugglega öll hvað exem er og að eru fullviss um að það er meðfætt en ekki smitandi. Ég óska þess að foreldrar verði duglegri að fræða börnin sín um sjúkdóma, hvort þeir smitast eða ekki þannig að börnin ykkar eigi ekki eftir að lenda í þessu.
Ég er með svo kallað barnaexem sem ætti að hverfa um leið og ég fullorðnast ;) Annars var ég að reyna að panta tíma hjá hjúðsjúkdómalækni en þar er allt uppfullt þangað til í maí. Ef ég panta núna tíma sem ég fer í í maí getur verið að hendurnar á mér verði voða fínar þegar þar að kemur svo að læknirinn geti voðalega lítið hjálpað mér!
Boðskapur þessarar greinar er: Fræðsla er fyrirhyggja!
posted @ 12:06
+ + +
Merkilegir hlutir gerðust í gær. Ég skellti mér til læknis og hann úrskurðaði að ég væri með astma. Í fyrstu hélt hann að ég hefði ekki verið samkvæm sjálfri mér mér þar sem prófin tvö sem ég tók voru svo ólík. Eftir að ég hafði sagt honum að annað væri fyrir áreynslu og hitt eftir áreynslu skildi hann hvernig þessu var háttað. Hjúkrunarfræðingurinn sem tók prófið hafði gleymt að segja frá því! Eftir að hafa látið þessa vitneskju í tjé taldi hann nokkuð ljóst að ég þjáðist af áreynslu-astma, enda enginn smá munur á prófunum mínum! Ég fékk astma lyf til að taka fyrir æfingar og til þess að vera samkvæm sjálfri mér steingleymdi ég pústinu heima...Ég er hins vegar að hugsa um að muna eftir því í dag ;)
Ég skellti mér líka í strípur í gær og er öll önnur í dag. Engin róttæk breyting átti sér stað en rót dauðans fékk að víkja fyrir ljósum og koparlituðum lokkum. Ég er líka með svona ,,ógeðslega" skvísulegt dekkra hár undir sem gefur þessu öllu skyggingu. Það er alveg svakalega erfitt að vera svona skvísulegur og þurfti ég að taka á honum stóra mínum í morgun. Brá þó ekki alveg út af vananum og skellti mér í íþróttajakka yfir - svona til að eyðileggja ekki alveg ímyndina og svo að jafnvel einhver haldi að ég sé að æfa eitthvað.
posted @ 11:25
+ + +
17.3.03
Ég var bara nokkuð dugleg að læra í gær miðað við aldur og fyrr störf. Þurfti að vísu að vesenast soldið þar sem stjórn ÍR tók víst að sér að bera út 2500 ársskýrslur. Meistaraflokkur þarf að bera 1000 út og sökum fæðar lendir nokkuð stór hluti á hvern haus. Fólk er líka misjafnlega duglegt í svona sjálfboðastörfum!
Við Sveinbjörn fengum okkur sem sagt göngutúr í gærkvöldi með nokkur stykki. Það var ekki alveg nógu vel skipulagt hjá okkur og því lentum við alloft í því að þurfa að labba lengi án þess að gera neitt...gengur bara betur næst.
Þetta passaði að vísu alveg hjá okkur þar sem ég vildi ekki bera út eftir kl.10 því að þetta eru svo stór bréf að þau passa ekki alltaf í bréfalúguna og því þarf stundum að hringja. Einnig myndast mikill hávaði vegna stærðar bréfanna og ég er svo kurteis að vilja ekki ónáða fólk svo seint á sunnudagskvöldi!
Ég var frekar límd fyrir framan sjónvarpið í gær þar sem uppáhalds sjónvarpsefnið mitt var til sýnis! Reyndi nú samt að telja mér trú um að rekstrarhagfræðin væri skemmtilegri en það gekk ekkert ofsalega vel!
Gleymdi nú alveg að segja ykkur að ég fór í öndunarpróf á föstudaginn þar sem lungun á mér starfa ekkert alveg rétt þegar ég er að hlaupa. Síðan ég fékk pest seinasta sumar verð ég móð fyrr en vanalega og þarf að tala minna en vanalega þar sem ég er svo móð að það er varla hægt að tala. Ég hef verið á leiðinni í svona test síðan í nóvember en fór fyrst núna. Það er erfitt að panta tíma!
Hún mældi mig fyrst í slökun og sendi mig síðan út að skokka og hlaupa upp tröppur til að fá álagið af stað. Ég var sem betur fer búinn að fara úr pilsinu sem ég var í um morguninn...
Síðari mælingin sýndi mikla breytingu, óeðlilega mikla hélt hjúkrunarfræðingurinn en hún vildi láta lækni kíkja á niðurstöðurnar. Ég fer sem sagt til læknis kl.2 í dag og þá kemur niðurstaðan í ljós. Mig langar eiginlega ekkert að vera með astma þar sem það er bara vesen en ég horfi samt björtum augum til framtíðar og betra lofts þar sem þetta hefur heldur betur háð mér undanfarnar vikur og mánuði.
Þetta kemur allt með astmalyfjunum!
Það er Hafdís Ósk Pétursdóttir sem talar frá B&L
posted @ 10:09
+ + +
15.3.03
Haldiði að mín hafi ekki bara skellt sér í vísindaferð í gær. Við viðskiptafræðinema skelltum okkur í IMG sem rekur meðal annars GALLUP - það ágæta fyrirbæri. Þetta var bara fínasta ferð. Nóg af bjór, snakki og samlokum. Eftir þetta fórum við á Astró en þar var ekki mikið stuð svo að ég og nokkrir krakkar úr verkfræði fórum að leita uppi stuðið. Það gekk nú ekki betur en svo að þegar við höfðum farið á svona 5 staði enduðum við aftur á Astró og eftir það fórum við skötuhjúin heim - á miðnætti. Það var samt ótrúlega gott því að ég var orðin svo þreytt eftir alla gönguna og eiginlega alveg runnið af mér...
Ég svaf samt ótrúlega vel alveg til hálf níu! Eftir það dormaði ég svona í korter í senn á meðan Sveinbjörn horfði á einhverja mynd í tölvunni sinni. Við hunskuðumst ekki á fætur fyrr en rúmlega hálf ellefu sem er mjög óvanalegt eftir djamm - erum yfirleitt farin framúr um 9 leytið.
Núna er ég uppi í skóla að læra, ótrúlega dugleg.
Tala við ykkur síðar....
posted @ 13:53
+ + +
14.3.03
Ég sem ætlaði að vera ótrúlega dugleg að læra um helgina, sé framá að sitja með bækurnar fyrir framan sjónvarpið og fylgjast með HM innanhúss. Það er barasta ekki til mikið betra sjónvarpsefni og því verður mín negld niður fyrir framan skjáinn ( bætti niður fyrir aftan til að fá ekki óþarfa komment á þetta...)
Annars er voðalega mikið að gera hjá minni í dag. Er að fara í öndunarpróf á eftir til að athuga hvort að ég sé með astma. Síðan var ég að hugsa um að skella mér í vísindaferð en er soldið að gugna á því sökum anna í námi og þeirri staðreynd að ég hef verið að sluxa - what else is new!
posted @ 12:52
+ + +
13.3.03
Vissuð þið að ég er búin í skólanum 11.apríl og klára prófin 3.maí?
Ekki leiðinlegt það...
posted @ 13:10
+ + +
Brjálað að gera...hef ekki undan að skrifa skilaboð þar sem síminn þagnar ekki!
Gerði einhvern skandal við hnéið á mér á þriðjudaginn og hef ekki beðið þess bætur síðan! Ótrúlegt hvað maður hunsar alltaf þessi tákn sem segja manni að fara ekki á æfingu...verð að fara að hlusta á sjálfa mig - þá fyrst fara hinir kannski að gera það líka ;)
Er líka búin að vera með ónot í maganum seinustu daga - ekki gott. Vona að ég sé ekki að fá ælupest!
Er að fara að flytja enn eina ræðuna í dag og í þetta skiptið er ég búin að æfa mig..dugleg!
posted @ 12:50
+ + +
12.3.03
SHIT - það er ótrúlega mikið að gera. Hef varla undan að svara í símann og næ að skrifa svona einn staf í einu! Núna var ég að enda við að svara 10 símtölum í röð. Hef aldrei séð þetta svona! Í dag og næstu daga verður boðið upp á vaxtalaus lán hjá B&L og yfir því er fólk að tapa sér. Það gengur meira að segja svo langt að spyrja mig hvernig bílar séu til og hvernig þetta virki allt saman. Hvernig á ég að vita hvort það séu einhverjir díselbílar til, hvort að við eigum Subaru Legacy og þar fram eftir götum!
Það er röð hérna útur dyrum og sölumennirnir mínir anna alls ekki eftirspurn. Allir voða spenntir - nema ég.
Ef ykkur vantar ódýran notaðan bíl hvet ég ykkur eindregið til að koma. Þið megið meira að segja koma og spyrja mig spjörunum úr...
posted @ 13:45
+ + +
Var alveg ótrúlega myndarleg í gær. Þegar ég kom heim eftir vinnu í gær var systir mín að fara að baka skúffuköku. Ég tók mig til og aðstoðaði þessa elsku. Þegar við vorum búnar að þessu hringdi ég í mömmu til að athuga hvort við ættum ekki að gera eitthvað meira. Hún sagðist líka ætla að baka Dísutertu - en það er einmitt góða kakan sem var í afmælinu mínu! Ég dreif mig í að baka þessa köku. Þurfti ótrúlega að vanda mig þar sem maður á bara að setja eggjahvítur í deigið og ég er yfirleitt ekki sú liprasta í þessum efnum! Ég var líka fullviss um að mér tækist einhvern veginn að klúðra þessu og fengi skömm í hattinn! Þessi kaka er þannig að maður þarf að hræra deigið mjög vel og lengi og setja það síðan á plötu. Ég þurfti að gera tvö deig og því var vandi að hafa deigin jafn stór. Mér tókst að teikna eftir einhverju móti sem móðir mín sagði mér frá. Að þessu loknu fór ég að útbúa hitt deigið og æltaði að láta þetta hrærast á meðan ég færi að sækja mömmu! Símsvarinn hjá móður minni ákvað svo að fara í verkfall og við það tafðist ég um heilar 25 mínútur. Systir mín bjargaði málunum með því að koma deiginu á plötu. Í öllu hamaganginu gleymdist að setja plötuna sem Sæunn útbjó í ofninn niðri hjá ömmu og því var ekki hægt að setja inní kökuna fyrr en um kvöldið! Mamma þurfti náttla að einblína á þetta klúður og því fékk ég bara skömm í hattinn :( Síðar komst hún að því að ég hafði óvart hent öllum eggjarauðunum...þá ákvað ég bara að fara á æfingu - eldhúsið er greinilega ekki minn staður! Spáin mín rættist þó þar sem mér tókst að klúðra þessu...
posted @ 10:39
+ + +
Look how pretty...
posted @ 10:09
+ + +
11.3.03
Allt að gerast...
Sendillinn hjá B&L er í fríi í dag. Ragnheiður var svo almennileg að taka að sér að sinna hans störfum í dag og því er ég ennþá í vinnunni - ótrúlega dugleg.
Fer samt að fara heim bráðum - þarf að læra eitthvað í dag. Hef alveg náð að lesa 3 línur í dag!!! Síminn hefur varla þagnað síðan ég kom kl.9...VÁTZ
Best að fara að drífa sig....
posted @ 15:13
+ + +
Mikið gaman - mikið grín
Gærdagurinn var einstaklega fljótur að líða enda hafði mín í nægu að snúast. Eftir vinnu skaust ég heim í mat og dreif mig svo í skólann. Þar var extra langur tími, einstaklega skemmtilegur og þ.a.l mikið glósað! Þegar ég var á leiðinni heim ákvað ég að kíkja í heimsókn til Guðnýjar vinkonu minnar en hún er nýflutt upp í Grafarvog og á auk þess tæplega eins árs stúlkukind, Lilju Sól. Íbúðin hennar er ótrúlega flott, fluttu bara inn fyrir tveimur vikum en hafa þegar komið sér vel fyrir. Barnaherbergið er líka ofsalega sætt og fallega skreytt enda er Guðný mikill föndrari. Annars brá mér mest að sjá hana þar sem hún er ekki neitt neitt. Ég þorði ekki einu sinni að knúsa hana af ótta við að kremja hana. Það er aðallega skrýtið að sjá hana svona mjóa þar sem hún hefur alltaf verið sú sterkari af okkur tveimur. Alltaf með stóra upphandleggsvöðva, stælt læri og spretthlaupararass en núna er hún bara ótrúlega lítil og nett!
Eftir að hafa skrattast í Lilju í dágóða stund dreif ég mig á æfingu en þar sem gaddaskórnir eru af skornum skammti gat ég ekki gert mikið! Stelpurnar fóru á voða langstökksæfingu sem ég gat ekki verið með í vegna þess að ég var í alltof stórum skóm og með vitlaust innlegg - sem sagt allt í tómu tjóni!
Dagurinn endaði á viðeigandi hátt, var kominn upp í rúm kl.hálf ellefu en svaf alls ekki vel. Var að dreyma að ég væri í frönsku prófi en ég kann einmitt ekki staf í frönsku - fyrir utan vilt þú sofa hjá mér í nótt og vilt þú dansa við mig! Var ótrúlega glöð þegar vekjaraklukkan hennar Sæunnar vakti mig upp af þeim draumi en þá dreymdi mig bara eitthvað álíka leiðinlegt...ekki gott.
Ætla svo að fara snemma að sofa í kvöld!
posted @ 09:54
+ + +
10.3.03
posted @ 13:13
+ + +
Þessa grein fann ég í vikunni, þar sem ég hef svo mikið að gera í vinnunni ákvað ég að deila henni með ykkur!
Má æfa með harðsperrur?
Til að góður árangur náist eru þrír þættir allir jafnmikilvægir: æfingar, matarræði og hvíld.
Við megum alls ekki vanmeta þörf líkamans fyrir góða hvíld. Þegar við þjálfum vöðvana verða þeir fyrir örvun og það verða eins konar smáskemmdir i vöðvavefnum sem líkaminn vinnur svo í að laga eftir að örvuninni lýkur. Það sem gerist i vöðvanum er í rauninni það að aumustu vöðvaþræðirnir rifna en í hvíldinni byggir líkaminn upp nýja, sterkari vöðvaþræði í stað þeirra sem voru rifnir niður. Þetta ferli er nauðsynlegt til þess að vöðvauppbygging geti átt sér stað. Það er því ekki á meðan æfingunni sjálfri stendur sem vöðvarnir byggjast upp, heldur í hvíldinni eftir æfinguna og næsta dag á eftir. Þegar við verðum aum i vöðvunum eftir æfingu þá er það vegna þess að þessi viðgerðarferill á sér stað og á meðan myndast örlítil bólga á svæðinu ( harðsperrur). Það er ágætisregla að æfa ekki þá vöðva sem eru aumir fyrr en við höfum verið laus við harðsperrur í einn dag. Þetta þýðir þó ekki að við þurfum að leggjast upp í sófa með tærnar upp í loft þó að við séum með harðsperrur í lærunum.Það er allt í lagi að nota vöðvana, bara ekki gera erfiðar æfingar fyrir þessa vöðva þar sem mjög þungu er lyft. Það er t.d allt í lagi að ganga, synda, hjóla og allt slíkt.
Þar hafið þið það, er alvarlega að hugsa um að senda Jóni afrit af þessari grein ;)
Þetta tók mig alltof langan tíma þar sem síminn hringdi stanslaust!!!
posted @ 13:03
+ + +
>Jói varð fyrir því láni að frændi hans í Ástralíu sendi honum glæsilegt
>fallegt reiðhjól. Jói var að sjálfsögðu afar ánægður með nýja hjólið
>sitt og áleit að slíkur kostagripur væri vandfundinn. Einn hængur var
>þó á.
>
>Með hjólinu fylgdi vaselín dolla og miði sem á stóð að ef það skildi
>fara að rigna þá þyrfti Jói að bera vaselín á hnakkinn, en hann var úr
>kengúrúskinni og myndi skemmast ef þetta væri ekki gert.
>
>Jóa fannst þetta nú bara lítið mál, settist á hjólið sitt og hjólaði af
>stað. Þar sem hjólið var svo frábært þá gleymdi hann sér alveg, var
>kominn langt út í sveit og það var að koma myrkur. Hann stoppaði því á
>næsta bóndabæ og bankaði á hurðina.
>
>Bóndinn kom til dyra og sagði að honum væri velkomið að vera í kvöldmat
>og gista en það væri þó ein regla í þessu húsi. það er STRANGLEGA
>bannað að tala á meðan á kvöldverðinum stæði. Sá sem talar þarf að
>vaska upp.
>
>Jói leit inn í eldhúsið og sá þriggja mánaða uppvask, grænt og
>ógeðslegt. Ákvað hann á þeirri stundu að halda kjafti á meðan á
>matarhaldinu stæði.
>
>Kvöldmaturinn hófst og varð Jói var við að heimasætan var nú ansi fögur
>og byrjaði hún um leið að reyna við hann. Hann stóðst ekki mátið og
>átti við hana mök undir matarborðinu. Bóndinn var að sjálfsögðu reiður
>en sagði þó ekki neitt. Maturinn hélt áfram og tók Jói eftir því að
>yngri dóttir bóndans var nú ekki ófríð heldur og áhugi hennar á honum
>var ansi mikill. Hann átti við hana kynmök í horni eldhússins.
>
>Bóndinn var orðinn sjóðandi vondur en sagði þó ekki neitt, enda mikið
>uppvask í eldhúsinu.
>
>Maturinn hélt áfram og Jói tók eftir því að kona bóndans var nú ekki
>slæm. Hún vildi helst ekki vera útundan svo Jói skellti henni upp á
>borð og tók hana fyrir framan bóndann.
>
>Bóndinn var orðinn sjóðandi vondur, hissa og hálf grenjandi yfir
>dirfsku Jóa. Maturinn hélt áfram og enginn sagði neitt. Í því leit Jói
>út um gluggann og sá að það var að byrja að rigna, hann reif upp
>vaselín dolluna.
>
>Þá stóð bóndinn upp og öskraði:
>"JÁ NEI NEI ÉG SKAL BARA VASKA UPP".
posted @ 12:39
+ + +
Ég skellti mér í bíó í gærkveldi á myndina Two weeks notice. Mér fannst hún bara mjög fyndin og skemmtileg. Hún var meira að segja ótrúlega lítið væmin miðað við svona mynd. Sveinbirni fannst hún meira að segja skemmtileg. Við skötuhjúin drógum síðan mömmu með og að sjálfsögðu fannst henni myndin líka góð, enda höfum við mamma mjög líkan smekk á myndum. Moulin Rouge er að vísu undantekning frá þeirri reglu.
Næstu myndir sem ég sé verða síðan þessi og þessi trúlega en ef ég þekki mig rétt verður það bara önnur hvor. Spurning hvort að The Ring sé ekki bara mynd sem maður horfir á heima hjá sér í stað þess að öskra með milljón manns.
Ég lifi mig líka alltaf svo inn í myndir að það er alveg svakalegt. Sveinbjörn er til dæmis ennþá að hlægja að því að ég hafi grátið yfir Tarzan - teiknimyndinni rétt eftir að við kynntumst. Hann segir að ég hafi líka öskrað upp NEI þegar vondi kallinn ætlaði að skjóta apann! Ég trúi því hins vegar ekki!
Ég get að vísu alveg grátið yfir nágrönnum ef ég er í þannig stuði. Annars man ég sérstaklega eftir því þegar ég var lítil að hafa farið að hágráta þegar öndin dó í teiknimynd sem fjallaði um Nilla Hólmgrímsson. Nilli var sko alltaf svo vondur við dýrin þangað til að hann minnkaði einn daginn og þá voru dýrin fyrst vond við hann en það breyttist. Nilli og öndi voru síðan mestu mátar þangað til að öndin dó en það fannst mér ótrúlega sorglegt og grét það mikið að mamma hélt að ég hefði stórslasast!
Þetta hefur sem sagt verið vandamál hjá mér síðan ég var pínulítið peð!
posted @ 11:42
+ + +
9.3.03
Ég hlustaði á Segðu mér Allt og Waiting for you eða hvað sem það ágæta lag heitir, í gær og fannst þau keimlík. Sérstaklega þegar Sveinbjörn fór að syngja enska textann með íslenska laginu - ótrúlegt. Held að ég fari bara bráðum að komast á þá skoðun að Leðjan eigi að fara frekar. Finnst það náttúrulega sér í lagi eftir að ég heyrði aftur í Birgittu syngja á Hlustendaverðlaununum.
Ömurlegt að senda stolið lag út. Man eftir fússinu sem varð seinast þegar einhver gæji sagði að hann hefði samið sigurlagið fyrir nokkrum árum síðan - það hafði víst verið í einhverri spiladós og læti. Voða gaman.
Hafið það annars bara gott í dag elskurnar mínar.
posted @ 15:23
+ + +
Ég brá út af vananum og skellt mér út á lífið á föstudagskvöldið. Guðrún Inga vinkona mín dró mig á Astró þar sem ég hitti fyrir fullt af gömlum skólafélögum auk kærastans míns. Eftir að hafa dansað eins og vitleysingar þar ákváðum við að fara á Hverfisbarinn. Það voru eiginlega mistök þar sem stuðið þar hefst ekki fyrr en eftir miðnætti. Förunautar okkar Sveinbjörns voru ekki lengi að næla sér í álitlega gæja og því létum við skötuhjúin okkur hverfa fljótt. Rúmið og F-R-I-E-N-D-S heilluðu meira en barinn og dansgólfiið. Ég er líka alltaf að sannafærast betur og betur um það að aldurinn sé farinn að segja til sín...
Laugardagurinn fór í að taka æfingu, þrífa bílana og hafa það gott.
Sunnudagurinn fór í æfingu, lærdóm, tiltekt og meiri lærdóm. Á eftir ætla ég síðan að hjálpa mömmu við að undirbúa matarboð - ofsalega dugleg. Ætla reyndar að reyna að læra eitthvað þangað til....
posted @ 15:18
+ + +
7.3.03
Vá, hvað ég er orðin ótrúlega svöng!
posted @ 12:20
+ + +
Ég brá ekki út af vananum í gær og horfði á Bachelor í gær. Þetta var hin besta skemmtun þar sem svona 100 konur voru saman komnar til að gagnrýna hver aðra, grenja og væla. Ég gat heldur betur hlegið að sumu en annað fannst mér svakalega sorglegt!
Mér fannst til dæmis svakalega fyndið að ein konan skildi taka nærri sér þegar önnur sagði að hún hefði eldað til að fita þær, en þessi fyrrnefnda hafði sagt það sjálf í þættinum! Ótrúlega vitlaust lið.
Verst var þó þegar piparsveinninn sjálfur mætti á svæðið og horfði með söknuði á Gwen sína, sem ég held að hann hefði átt að giftast þar sem hún er lang best af þeim sem eftir eru. Svakalega klár og skemmtileg kona þó að toppurinn á henni fari ótrúlega í taugarnar á mér! Þegar hún var rekin úr þáttunum tók hún því líka af mikilli skynsemi.
Ótrúlegt hvað maður nennir að horfa á þetta!
posted @ 10:59
+ + +
Hélt eitt stykki ræðu í Tjáningu og samskiptum í gær. Hún tókst bara nokkuð vel miðað við hvað hún var algjörlega óundirbúin. Eftir ræðuna lét kennarinn mig gera alls kyns æfingar uppí púlti fyrir framan alla hina. Það velktist ekkert fyrir mér að halda ræðuna eins og ég væri svakalega reið og heldur ekki að tala svakalega djúpraddað. Samnemendum mínum þótti þetta hin besta skemmtun og hlógu mikið og skríktu - gott og blessað. Þó eru heldur erfitt að gera svona æfingar voða alvarlegur þegar allir eru að hlægja.
Mér þótti þetta samt hin besta skemmtun og ætla að einbeita mér að því að flytja næstu ræðu voðalega djúpraddað- hef líka hugsað mér að æfa mig aðeins áður en ég flyt hana.
posted @ 10:54
+ + +
6.3.03
Ofsalega er gott að fara upp í rúm kl.10 og vita að maður þarf ekki að drífa sig að sofna. Fannst frekar huggulegt að kúra bara uppí rúmi í klukkutíma þangað til ég sofnaði. Þegar ég var síðan nýsofnuð hrökk ég upp við þvílíku hlátrasköllin að annað eins hefur varla heyrst á jörðinni. Þá var þetta bara elskuleg systir mín að tapa sér yfir 70mínútum. Hún er ótrúlega yndisleg og tillitsöm þessi elska. Hún er nýkomin úr viku ferðalagi og því tekur smá tíma að venjast látunum aftur. Á meðan hún var í burtu færði ég rúmið mitt að hinum veggnum svo að núna er það frekar langt í burtu frá henni. Hún fékk BRUSSULÆTIN þó í vöggugjöf því það dylst engum þegar hún labbar um - það er svona svipað nett og þegar fíll hoppar á gólfinu heima hjá þér!
Ég held samt að þetta fari allt að lagast, vont en það venst!
posted @ 12:01
+ + +
5.3.03
Tókst að snara einu stykki ræðu fram úr erminni á engum tíma - ótrúlega dugleg.
Átti að skrifa tillöguræðu að einhverju sem betur má fara í Háskóla Íslands og hvað valdi ég...nú ekkert annað en nestisaðstöðu - hvað annað?
Hefur alltaf fundist þetta ábótavant og fannst því ekki mikið mál að hrista eitt stykki ræðu út úr erminni. Það versta er að ég þarf eiginlega að útbúa aðra fyrir morgundaginn og flytja þær báðar í tíma!
Ekkert bólar á gaddaskónum mínum. Ætli ég þurfi ekki að fara að panta mér nýja - greyið pyngjan mín! Eins gott að ég er að vinna hálfan daginn.
Borðaði yfir mig af karamellum í vinnunni í dag, held að ég hafi barasta ekki haft eins gott af þeim og krakkarnir.
Jæja, ætla að læra smá áður en ég fer á æfingu!
posted @ 16:29
+ + +
Ég hef orðið þess heiðurs aðnjótandi að fá að hlusta á fagran söng í allan morgun og verðlauna börnin fyrir með sælgæti. Ég á því miður ennþá nóg eftir af nammi en það var nú líka soldið með ráðum gert - vildi leyfa hennir Ragnheiði sem vinnur á móti mér.
Ég brá á það ráð í morgun að mæta í Bleika Pardus búningnum mínum og hef vakið mikla lukku fyrir vikið!
Þessi dagur hefur annars verið heldur fljótur að líða, hef verið á maula karamellur í dag - hefur þó gert mér soldið erfitt um vik þegar kemur að símsvörun ; )
Verð nú samt að viðurkenna að þessir ungu gestir hafa orsakað smá höfuðverk. Vinsælustu lögin eru án efa Gamli Nói og Bjarnastaðabeljurnar. Ofsalega verður nú gott að komast heim...
posted @ 12:09
+ + +
4.3.03
Þetta kemur stórleg á óvart. Yfirleitt eru allar myndir af okkur eins og andskotinn. Þessi er bara nokkuð góð.
posted @ 12:14
+ + +
Ætlaði að vera ótrúlega dugleg að læra í gær en fékk óvænta heimsókn frá 6 ára dóttur samstarfsmanns míns. Hún fékk far með mér til afa þegar ég var búin í vinnunni og kíkti síðan í heimsókn til mín seinna um daginn. Dagurinn minn fór sem sagt í að horfa á The Grinch, spila minnisspil og fara í Playmo. Það rættist sem sagt úr deginum hjá mér. Ég tók mig síðan til og aðstoðaði móður mína við bakstur um kvöldið. Þegar ég segi aðstoð meina ég að ég borðaði það sem hún þurfti ekki að nota...tókst að vísu að búa til krem á bollurnar - ótrúlegur dugnaður.
Var ekki gáfuleg í morgun þegar ég rembdist eins og rjúpan við staurinn að ná frostrósunum af bílnum mínum með kreditkortinu og ökuskírteininu. Ætlaði síðan að keyra af stað en treysti mér bara ekki til að keyra blindandi - kann leiðina ekki alveg nógu vel til þess. Bílinn minn, þessi elska, var þó eldsnöggur að bræða þetta af sér svo að ég komst í vinnuna. Dreif mig síðan í að fjárfesta í sköfu og handfrjálsum búnaði svo að ykkur er óhætt - bæði á götum borgarinnar og að hringja í mig. Hefði nefnilega rukkað þann sem hringdi ef ég hefði fengið sekt ; )
Annars er mikið að læra hjá mér þessa stundina þar sem ég hef ekki verið nógu dugleg uppá síðkastið.
posted @ 11:22
+ + +
2.3.03
USS, USS, USS. Letin í einni manneskju.
Eftir FREKAR annasama helgi hef ég varla lyft litla fingri í dag. Ég dreif mig að vísu upp í vinnu í dag til að vinna við bílasýninguna Jeppar 2003 en þá var svo lítið að gera að ég var bara rekin heim - sögðust bara hringja í mig ef þau þyrftu á mér að halda. Ég var nú ekki lengi að samþykkja það og dreif mig barasta heim.
Annars skemmti ég mér bara vel á árshátíðinni á föstudaginn og teitið í gær heppnaðist ágætlega þrátt fyrir þreytu gestgjafans. Ég fékk margar stórglæsilegar gjafir sem ég var ótrúlega ánægð með. Oh, how well you know me ; ) Vinir mínir skiptu sér að vísu í nokkra hópa og ekkert var um að geði væri blandað á milli hópa. Ég náði þó að kynna flesta - að ég held og þar af leiðandi ætti að vera auðveldara að baktala alla í komandi framtíð. JEI.
Það var ofurþreytt gamalmenni sem skreið upp í rúm um 2 leytið aðfaranótt sunnudags og grunar mig að þar hafi aldurinn verið að segja til sín. Fyrstu plön voru nefnilega þau að djamma all svakalega í tilefni dagsins og gefa skít í þetta auka ár. Ég er hins vegar farin að hallast á að ég sé barasta orðinn of gömul fyrir svona vitleysu. Ég fór nefnilega líka að sofa um 2 leytið aðfaranótt laugardags - þá var ég einmitt líka aðframkomin af þreytu. Hótel Selfoss, en þar var einmitt árshátíðin haldin, er sannarlega glæsilegt hótel og vonast ég til að gista á því einhvern tímann aftur.
Ég er að hugsa um að leggjast aftur fyrir framan sjónvarpið og hafa það gott.
Vona að þið hafið það jafn gott og ég í dag ; )
posted @ 18:37
+ + +
