27.11.02
Þetta ætti að hressa þau ykkar sem eru eitthvað niðurdregin í dag en þau hin sem eru spræk verða jafnvel sprækari. Það er MJÖG MIKILL kostur að hafa hátalara þegar þetta er skoðað!
posted @ 23:56
+ + +
Það er komin bragðgóð könnun á bjútíkvín, endilega segið ykkar álit.
Reikna með að Bjössi komi með eitthvað gáfulegt komment um þetta...ef ekki verð ég fyrir miklum vonbrigðum.
posted @ 16:54
+ + +
Niðurstöður kosninga seinust viku voru eftirfarandi.
Spurt var: Hvert af eftirtöldu telur þú vera besta merkið?
Adidas (3) 23%
Asics (5) 38%
Nike (3) 23%
New balance (0) 0%
Puma (1) 7%
Reebok (0) 0%
Annað (1) 7%
Þar með er ljóst að Asics er ótvíræður sigurvegari en Adidas og Nike koma í humátt á eftir...
Er mjög ánægð með að einhver hafi kosið PUMA þar sem nýju fínu gaddaskórnir mínir eru PUMA, á að vísu eftir að prufukeyra þá eða prufustökkva.
Nýja könnunin er væntanleg innan skamms....
posted @ 16:36
+ + +
Erum við virkilega svona erfiðar og óskiljanlegar? Endilega skrifið í athugasemdir!
Mér fannst þetta nú samt soldið fyndið, nota þessi orð nefnilega STUNDUM ; ) að vísu í íslenskri þýðingu...
posted @ 16:32
+ + +
Viðurkenni fúslega að ég hef bara alls ekki nennt að skrifa neitt síðan 22.11, hef að vísu líka verið upptekin við verkefnastörf en aðal ástæðan er þrátt fyrir það LETI í mér.
Ég ætla að skella inn nýrri skoðanakönnun á eftir, svo þið getið beðið spennt. Annars fór þessi könnun fyrir lítið þar sem Alxnet var bilað mest allan tímann sem könnunin fór fram.
posted @ 16:31
+ + +
22.11.02
Hvað eru 18 ára börn að keppa í fegurðarsamkeppni? Ég dundaði mér við að horfa á Herra Ísland á Skjá1 í gærkvöldi. Annað eins samansafn af horrenglum hef ég sjaldan séð. Það skal þó viðurkennast að einn og einn voru með EINHVERJA vöðva, eða svona samtals 3 en hinir voru ekki með örðu utan á sér og voru fyrir vikið frekar óaðlaðandi. Mér fannst enginn þeirra eitthvað sérstaklega sætur og hvað þá eitthvað sérstaklega flottur. Einn var starfandi einkaþjálfari og þar af leiðandi var hann mjög massaður - en það sem eyðilagði fyrir honum var sú staðreynd að hann samsvaraði sér alls ekki. Ég held fyrir mitt leyti að hann leggi of mikla áhersla á efri líkamann og ráðlegg ég honum eindregið að hætta að taka axlaæfingar og niðurtog í svona 3 ár og þá ætti hann að verða ágætur! Ef þið skoðið þessa mynd leynir sér ekki hvern ég er að tala um, fyrir hina sem lifa ekki fyrir vöðva er hann í annarri röð, 3 frá vinstri. Sá sem er annar frá vinstri varð kjörinn herra Ísland 2002 og var ég bara nokkuð ánægð með það. Annars lá við að ég lokaði augunum þegar þeir komu fram á boxers, greyin voru svo renglulegir og rasslausir að það náði engri átt. Skil ekki hvernig helmingnum af þeim datt í hug að taka þátt. Tek dæmi af þessum sem er efst uppi til vinstri - af myndinni að dæma er hann ekki deginum eldri en 15 ára en er í raun 18 ára. Þessi drengur hefði gert vel með að bíða í svona 3-4 ár og keppa svo. Ég vil hafa smá karlmenni, verða að vera komnir með skegg og búnir að ná út líkamlegum þroska. Þessi var með líkama á við 15 ára strák - greyið.
Annars komst ég að því að ljósmyndafyrirsæta DV, er í miðjunni í næst efstu röð, er hommi en það finnst mér nokkuð fyndið. Hann hefur örugglega skemmt sér vel með strákunum! Einnig þótti mér heldur fyndið að heyra hvað strákarnir voru að starfa. Það voru alla vega 2 smiðir, pípari, málari og klippari. Einn var á landafræðibraut í menntaskóla - sem mér dytti seint í hug en aðeins einn var í Háskóla. Hafa sætu háskólastrákarnir ekki tíma til að taka þátt þar sem prófin nálgast eða eru þeir of gáfaðir til að taka þátt?
posted @ 09:42
+ + +
21.11.02
Með bjútíkvín á maganum...
Hvet ykkur til að fjárfesta í þessum sniðugu fötum, loksins getið þið verið með bjútikvín á maganum. Held að ég verði barasta að drífa mig í að setja mynd af mér á síðuna...
Með tölvuskjáinn á maganum
Búast má við því að föt framtíðarinnar verði tölvuvædd og á vegum franska fyrirtækisins France Telecom er verið að þróa fatnað með tölvuskjá. Um er að ræða skjá sem búinn er til úr ljósleiðaraþráðum og hægt er að senda upplýsingar úr tölvu á þennan skjá og vista þar myndir eða tákn og jafnvel hreyfimyndir. Föt af þessu tagi voru fyrst sýnd í maí en sýning var haldin á þeim á skrifstofu France Telecom í Tókýó í morgun og á myndinni sjást tveir starfsmenn fyrirtækisins sýna fatnaðinn. Væntanlega verður innan skamms hægt að kaupa jakkaföt, kjóla, boli og skyrtur með slíkum tölvuskjá.
posted @ 15:23
+ + +
Ég er sko ekki sammála þessari könnun. Mér finnst Affleck alveg ágætur og Tom Cruise hefur alltaf verið í uppáhaldi, en HUGH GRANT, eruð þið ekki að grínast. Hann er sko ekki með kynþokka fyrir 5 aura, efast um að hann viti hvað það er. Hvað er kynþokkafullt við að vera aulalegur og það vitlaus að taka vændiskonu upp í þegar heima bíður manns ÞVÍLÍK SKUTLA. Finnst hann bara allt annað en kynþokkafullur. Held að mér finnist meira að segja Ólafur Ragnar Grímsson kynþokkafyllri en hann og jafnvel Davíð Oddsson. Er hneyskluð ofan í tær.
Finnst samt soldið fyndið að Ben og Jennifer séu bæði þau kynþokkafyllstu - held að hún dragi hann upp. Hún er samt heppin að við frjálsíþróttastelpurnar séum ekki orðnar frægar ennþá....
posted @ 15:20
+ + +
20.11.02
Niðurstöður kynþokkakönnunar liggja ljósar fyrir. Flestum eða 10 manns þótti frjálsíþróttastelpur kynþokkafullar og sumir kváðu þær líkjast Jennifer Lopez í þeim efnum. Sem hlýtur að teljast mjög jákvætt fyrir þessar elskur. 2 töldu þær alveg jafnast á við svokölluð Penthouse pets sem fá eins og flestir vita greitt fyrir að sitja fyrir naktar - við ættum kannski að íhuga þá fjáröflun hjá frjálsíþróttadeildinni - verst að við erum svo fáar stelpurnar...
Enginn taldi stúlkurnar vera of massaðar eða of stinnar sem hlýtur að teljast mjög jákvætt. Þannig að við getum hætt að halda aftur af okkur í lyftingunum og komumst þá e.t.v á hærra plan - nálgumst jafnvel hetjurnar okkar, strákana ; )
2 fannst VIÐ of feitar og þá hika ég ekki við að telja sjálfa mig með og einum fannst kynþokki okkar jafnst á við kynþokka geita - sem sagt allt annað en kynþokkafullar. Nema sá aðili aðhyllist geitur - verð eiginlega að skilja það þannig svo að könnunin líti betur út.
Ákvað að sleppa könnun um kynþokka karlkyns frjálsíþróttamanna þar sem enginn vafaatriði eru um kynþokka þeirra. Held að margur ætti að íhuga að keppa í fegurðarsamkeppninni í staðinn fyrir þessi grey sem eru þar núna - ekki eru þeir frýnilegir.
Annars hvet ég ykkur til að kjósa besta íþróttamerkið hér til hliðar. Ég kem hvort eð er til með að segja Albert að Nike sé ekki vinsælast svo að þið getið allt eins kosið á þá leið....Takk fyrir.
posted @ 23:12
+ + +
Seinasti séns til að kjósa um kynþokka frjálsíþróttastelpna rennur út í dag. Ný spurning lítur dagsins ljós einhvern tímann á morgun. Ekki verður tekið við atkvæðum eftir miðnætti - nema þau séu okkur í hag ;)
Annars hefur ekki margt á daga mína drifið. Fólk sendir mér einhverjar langlokur til að fylla út í tonnatali en það eru engar líkur á því að ég nenni að fylla út einhverjar milljón spurningar um vini mína sem það veit hvort eð er svörin við. Hef margt betra við tímann að gera þessa stundina - eins og að hanga á netinu...
Verð víst að fara að fá mér að borða - er orðin OF pirruð. Matur er manns gaman segi ég nú bara....
posted @ 14:26
+ + +
19.11.02
Þessi leikur hefur átt hug minn og hjarta undanfarna daga. Maður getur alveg gleymt sér í þessu. Ég hrífst sem sagt meira af svona einföldum leikjum sem auðvelt er að skilja...segir kannski eitthvað um einfeldnina í mér.
posted @ 20:53
+ + +
18.11.02
Í framhaldi af saumaklúbbs umræðunni hérna áðan auglýsi ég hér lausar stöður í saumaklúbbinn SAUMÓZ. 2 störf eru frá og með deginum í dag laus og eitt hlutastarf. Áhugasamir hafi samband við Hafdís í gegnum gestabókina, athugasemdir eða sendi henni tölvupóst - öllum umsóknum verður svarað. Það eina sem umsækandi þarf að gera er að halda klúbb einu sinni á ári, mæta til hinna mánaðarlega, borða dýrindis kræsingar og spjalla fram á rauða nótt - getur líka bara setið og hlustað. Saumadót er ekki nauðsynlegt en leyfilegt. Umsóknarfrestur er til 21.desember n.k. Einn af umsækjendum þarf að halda jólasaumó, ég bíð mig fram til að aðstoða byrjendur með baksturinn. Bæði kyn koma til greina.
Hef einnig áhuga á að fara í annan saumklúbb þar sem meðlimir eru tryggir, mætti gjarnan vera strákaklúbbur!
posted @ 15:23
+ + +
Ég brá mér í heldur nýstárlegt hlutverk í gær þegar ég tók mig til og bakaði, ryksugaði, skúraði og eldaði. Tilefnið var árlegur saumaklúbbur okkar menntaskóla vinkvennanna. Tekið skal þó fram að elskuleg móðir mín hjálpaði MIKIÐ til við kökugerðina enda hefur hún löngum verið talin mikill bakarameistari. Ég var aðallega góð í að fylgjast með, þvælast fyrir, spyrja heimskulegra spurninga og vaska upp - en ég fékk það gen trúlega frá pabba ásamt eldúsgenunum, eða ætti ég að segja skortinum á þeim ;) Það sem er þó ólíkt með okkur feðginunum er það að ég hef EINHVERN áhuga á eldhúsinu og öllu sem viðkemur því. Fýsir að verða flink í eldamennsku og þá ekki síst í bakstri. Ég get sem sagt verið mjög myndarleg þegar ég tek til og ætti því ekki að verða SVO SLÆMUR kvenkostur - heyriði það strákar ;)
Ég hef samt greinilega ekki nógu gott orð á mér meðal kvenna þar sem aðeins 4 af 6 saumaklúbbs/kjaftaklúbbs meðlimum sáu sér fært að mæta. Ein hafði þá afsökun að hún þyrfti að læra sem er því miður ekki til í mínum orðaforði og hin sagði að hún kæmist ekki sökum veðurs. Fyrir þá sem ekki litu út um gluggann í gær var svolítill vindur og slydda en auðar götur. Við hana langar mig bara að segja: Þú ert SVIKARI - kauptu þér nýjan bíl. Sportbílar eiga ekki heima á ÍSLANDI! Eins og þið sjáið tók ég þetta alls ekki nærri mér og ætla mér alls ekki að koma með einhverjar álíka lélegar afsakanir og þær þegar kemur að þeim að halda klúbbinn. TAKK FYRIR!
posted @ 15:15
+ + +
Ég hafði ekkert betra að gera á laugardaginn en að horfa á boxsýningu í Laugardalshöll. Ég verð nú bara að segja að mér fannst þetta hin besta skemmtun, þó að ég hafi dundað mér við að kíkja í kökubækur á milli stríða. Það eina sem mér fannst leiðinlegt var reynsluleysi okkar manna, eða ætti ég að segja ungu pilta. Bandaríski strákarnir voru yfirleitt búnir að keppa nokkrum sinnum og sá besti var 4faldur meistari og hafði keppt 59 sinnum, enda var hann nokkuð góður. Ég hef alltaf haft gaman af boxi og vona þess vegna að þetta verði ekki í fyrsta og síðasta skipti, síðan ég fæddist, sem við fáum að sjá bardaga á Íslandi. Frábært framtak.
BYRRRRRRRJUMMMMMMMM BARDAGANNNNNNNNNNN.....
posted @ 15:07
+ + +
15.11.02
Ég held að ég hætti að væla yfir rassinum á mér eftir að hafa skoðað þetta! Þetta er ekki fyrir viðkvæma...
posted @ 10:40
+ + +
14.11.02
Vegna harðrar gagnrýni á spurningu vikunnar raðaði ég valmöguleikunum í aðra röð. Sirka eftir því sem mér finnst. Þegar ég tala um penthouse pet er ég að tala um einhverjar flottar stelpur í svona dónablöðum. Ekki það að ég sé mikið að skoða svona blöð, geri örugglega of lítið af því. Var aðallega með þetta í huga vegna gífurlegs áhuga á Temptations Island. Vona að þú getir sætt þig við þetta núna!
posted @ 22:27
+ + +
Spurning vikunnar er loksins kominn inn, auk þess bætti ég við plássið svo að allar gömlu og góðu greinarnar eru komnar inn. Þeir sem komu seint inn í bloggsögu mína geta þar af leiðandi bætt sér missinn upp með því að scrolla niður...
Njótið...
posted @ 15:31
+ + +
Ef þetta vekur ekki upp minningar þá veit ég ekki hvað. Þetta var svo í uppáhaldi hjá mér þegar ég var lítil, yljar mér um hjartarætur að sjá myndir af gömlum vinum eftir mörg ár. Væri svo til í að horfa á þetta á spólu...
posted @ 15:00
+ + +
Síðan mín er eitthvað ósátt við spurningu vikunnar að þessu sinni og því verður einhver töf á því að hún komi inn! Um leið og ég setti nýju spurninguna inn datt allur textinn niður fyrir. Þar sem ég er frekar upptekin núna verð ég að henda spurningunni inn síðar. Á meðan geta áhugasamir dundað sér við að skrifa eitthvað undir athugasemdir. Þakka þolinmæðina!
posted @ 11:53
+ + +
Kosningu um bestu stað til skemmtunar er nú formlega lokið hér á bjútíkvín. Úrslitin komu að vissu leyti ekki á óvart. Þau voru eitthvað á þessa leið:
1 kýs umfram annað að skemmta sér á Astró og sömuleiðis 1 á Naza. Vænti þess að báðir einstaklingar séu einhleypir! 9 manns eða 64% þátttakanda skemmta sér best í rúminu. 7% skemmta sér alls ekki og 14% gátu ekki gert upp á milli ,,skemmtistaða." Ég vil taka það fram að ég kýs ekki sjálf fyrr en langt er liðið á könnunina svo að það er ekki hægt að finna út hvað ég kýs með því að sjá hvert fyrsta atkvæðið fer!
Ný könnun lýtur væntanlega dagsins ljós mjög bráðlega, fylgist vel með....
posted @ 11:11
+ + +
Nú er ég alveg hlessa! Er farin að halda að fótboltamenn eigi að vera gjörsamlega skaplausir.
Hér fyrir neðan má sjá grein sem ég ,,fékk lánaða" á mbl.is:
Roy Keane, fyrirliði enska knattspyrnuliðsins Manchester United, gæti verið á leið í enn frekari vandræði. Skýrt var frá því í enskum blöðum í morgun að á myndbandi sem Keane gefur út síðar í þessum mánuði segist hann sjá eftir því að hafa ekki barið Alan Shearer almennilega þegar þeim lenti saman í leik á síðasta keppnistímabili.
Keane fékk rauða spjaldið í umræddum leik gegn Newcastle. Shearer reyndi þá að tefja leikinn undir lok hans og það fór í taugarnar á Keane sem hljóp til og hrinti honum. „Ég var rekinn af velli fyrir að ýta við honum en ég hefði átt að berja hann almennilega. Refsingin hefði verið sú sama. Ef maður er hengdur, er eins gott að hafa unnið fyrir því.“
Keane hefur þegar verið dæmdur í bann af enska knattspyrnusambandinu fyrir ummæli í bók sinni. Þar kom fram að hann hefði meitt Alf Inge Haaland, leikmann Manchester City, af ásettu ráði. Nú er beðið viðbragða frá sambandinu við þessum ummælum Írans skapheita.
Af þessu dreg ég þær ályktanir að fótboltamenn eigi að vera skaplausir svo allir séu ánægðir með þá. Núna get ég fátt annað en að setja mig í hans spor og með því er ég næstum því viss um að ég hefði brugðist eins við. Margt gerist í hita leiksins og mér finnst alveg út í hött að menn megi ekki sýna smá keppnisskap endrum og eins. Held að bestu íþróttmennirnir séu þeir sem eru með keppnisskap því þeir vilja jú alltaf sigra - seinast þegar ég athugaði er best að sigra.
Annars er ég hlutlæg þar sem ég er mikill Manchester United aðdáandi, það skal tekið skýrt fram!
posted @ 11:06
+ + +
13.11.02
Eins og við frjálsíþróttastelpurnar erum kvenlegar er eitt sem fer umfram annað í taugarnar á mér en það er siggið sem safnast fyrir í lófunum af lyftingunum. Þar sem ég er haldin ýmsum áráttum svo sem þeirri að snúa upp á hárið á mér og klóra mér, get ég ómögulega látið þetta sigg í friði. Ég bókstaflega verð að ná því af og til þess beiti ég öllum mögulegum ráðum. Var að spá í hvort að maður gæti ekki gert eitthvað til að minnka þessi leiðindi. Ég verð víst að hætta þessari karlmennsku og fara að fá mér ólar, reikna með að þær lini sársaukann jú aðeins. Annars er ég farin að halda að karlkynslyftingafélagar mínir séu kvenlegri en við stelpurnar. Þeir reyna að minnsta kosti alltaf að vera á undan okkur niður í klefa til að ná fíngerðustu stönginni og eftirláta okkur þar með þær grófari. Ef að við erum útsmognar og náum stönginni sitja þeir og bíða þangað til við erum búnar. Þetta er náttúrulega snjallræði því að umhyggjusemin kemur upp í okkur og við vorkennum þeim svo... Útsmognu ands.... Ljótt af þeim að nýta sér mestu veikleika okkar.
posted @ 13:52
+ + +
Það er nú ekki á hverjum degi sem ég fæ martröð en nóttin í nótt verður mér lengi minnistæð. Mig dreymdi nefnilega að Jón væri búin að breyta æfingunni í dag úr því að vera 3x3x150 yfir í 8x400 á 90% hraða að vísu með 9 mínútum á milli spretta. Það sem verður þó minnistæðast er það að mér fannst hvíldin hryllilegri en sprettirnir í draumnum. Hryllti við því að þurfa að hvíla í meira en klukkutíma. Get alveg skilið þá sem skilja ekkert í frjálsum, það er náttúrulega soldið skrýtið að hlaupa í hálfa mínútu og hvíla sig í 8, langhlaupararnir eru eðlilegri í þeim efnum, efast um að þeir þekki svona langar hvíldir. Held að það sé jákvætt að undirmeðvitund mín geti sætt sig við að hlaupa 8x400, kannski verð ég bara langhlaupari þegar ég verð stór - býst samt við að þurfa að ná NOKKRUM kílóum af mér fyrst...
posted @ 13:45
+ + +
12.11.02
Þjálfarinn minn, Jón, gerði okkur þann grikk að mæta á Málþing FRÍ um helgina. Þegar ég meina grikk á ég við að Jón er mikill aðdáandi alls kyns æfinga sem á frjálsíþróttamáli kallast DRILLUR. Erlendur þjálfari mætti á Málþingið og kenndi viðstöddum fullt af nýjum drillum, við þetta gladdist hann Jón minn mikið og dundaði sér m.a við það á æfingu í gær að drepa okkur öll með endalausum drillum. Núna áætla ég að hann kunni svona ríflega milljón erfiðar drillur og geti því drepið okkur hægt og bítandi - en ef ég þekki kallinn rétt gerir hann það hratt og örugglega. Mottó næstu vikna verða sem sagt drillur, drillur, drillur og aftur drillur þegar þeim er lokið taka síðan nokkrir hámarkshraðasprettir við og þar á eftir stílsprettir og síðan er hægt að kóróna þetta allt með því að taka nokkrar mótstöðuspretti. Allt þetta má síðan krydda með úthaldssprettum og nokkrum alræmdum hoppum og þá er hægt að fá út LÉTTA OG RÓLEGA æfingu hjá ÍR-ingum.
Áður en ég dey vil ég koma á framfæri þökkum til fyrirlesara og þjálfara sem mættu á Málþingið og hjálpuðu Jóni við að gera líf mitt erfiðara!
posted @ 15:42
+ + +
10.11.02
Í framhaldi af því sem ég sagði um Winonu Ryder hér að neðan vil ég benda áhugasömum á nýjar reglur í fangelsum breta sem eiga óneitanlega eftir að GLEÐJA margan manninn.
Breskir fangar fá að hafa klám undir höndum
Breskir fangar fá hér eftir að hafa gróft klámefni í klefum sínum en fangar hafa bent á að bann sem bresk fangelsisyfirvöld hafa sett við slíku efni brjóti í bága við mannréttindasáttmála Evrópu. Að sögn blaðsins Sunday Telegraph er fangelsismálastofnun Bretlands nú að semja nýjar reglur um þetta.
Getið lesið meira um þetta á mbl.is.
Held að mér finnist þetta bara fyndið. Hefði dáldið gaman af því að sjá hvernig fangelsi eru í dag. Held að hugmyndir mínar um þau séu heldur gamaldags.
Hvað finnst ykkur?
posted @ 21:08
+ + +
Skellti mér í vísindaferð í TAL á föstudaginn. Þetta var fínasta ferðð. Í fyrsta skipti í sögu vísindaferða hjá mér, búin að fara í heilar 3, sem boðið var upp á kaldan bjór í flösku og þar af leiðandi í fyrsta sinn sem ég gat drukkið bjórinn. Europay bauð að vísu upp á rauðvín og hvítvín sem björguðu mér frá bjórnum í þeirri ferð.
Það besta við TAL var það hvað starfsfólkið var alúðlegt og almennilegt. Forstjórinn gaf sér tíma til að spjalla við okkur og drekka bjór, markaðstjórinn sem mér finnst b.t.w algjör snillingur talaði heil lengi við okkur og var hin kátasta. Mér fannst þau bara voðalega almennileg og yndisleg. Hefði svo getað hugsað mér að vinna hjá TAL. Mér finnst líka svakalega sorglegt að forstjórinn skuli vera að hætta og forstjóri ÍSLANDSSíMA taki við af honum. Þórólfur, forstjóri TAL, er menntaður verkfræðingur frá HÍ, iðnrekstrarfræðingur frá erlendum háskóla og eitthvað meira. Mér leist svo svakalega vel á hann og sá hvað starfsfólkið bar mikla virðingu fyrir honum. Hann var að segja okkur frá aðferðum TAL hvernig það byrjaði og hvers vegna þau ákváðu að gera hlutina eins og þau gerðu þá. Ég tek bara ofan fyrir þeim.
Þau sýndu okkur líka nýju TALSÍMA auglýsinguna sem er tær snilld. Hef sjaldan séð svona góða íslenska auglýsingu. Líf, markaðsstjóri. er gyðjan mín. Ég ætla svo að vera eins og hún þegar ég verð stór!
posted @ 13:30
+ + +
8.11.02
Winona Ryder var dæmd sek fyrir að stela fötum úr búðinni Saks. Hún sagðist hafa verið að æfa sig fyrir hlutverk í mynd þegar hún var gómuð. Leikkonan á yfir höfði sér 3 ára dóm en talið er líklegt að hún fái einungis skilorðsbundinn dóm, þurfi að vinna samfélagsvinnu og borga búðinni bætur. Það liggur sem sagt ljóst fyrir að ef glæpirnir fresta er gott að vera frægur!
Fyrir ykkur sem hyggjast feta braut glæpa og pretta segi ég: farið í leiklist!
posted @ 12:34
+ + +
7.11.02
Verðið að kíkja á þetta.
Þetta er hrein snilld. Verðið samt að hafa hljóð með!
Fann þetta hjá Bergrós.
posted @ 10:37
+ + +
Það urðu smá mistök hjá tæknideildinni sökum fáfræði. Kunni greinilega ekki öll skrefin í að skipta um spurningum - en ég kann það núna.
Biðst innilega afsökunar á óþægindum sem kunna að hafa hlotist sökum fáfræði minnar. Mér til málsbóta tók ég svakalega æfingu í gær, sem ég er by the way ennþá þreytt eftir auk þess var ég nýkomin úr LÖNGUM dæmatíma. Var þ.a.l. frekar heiladauð þegar ég var að vesenast í þessu í gærkvöldi. Biðst enn og aftur afsökunar. Þið skuluð í staðinn bara sleppa ykkur í að kjósa núna í staðinn.
posted @ 09:56
+ + +
6.11.02
Vegna tafa sökum verkefnavinnu og æfingar DAUÐANS tókst mér ekki að loka kosningunni fyrr en í núna kl.19:53.
Úrslitin um fallegasta líkamshlutann eru svohljóðandi:
Rassinn fékk 29% atkvæða
Augun fengu 23% atkvæða
Maginn fékk 17% atkvæða og
Aðrir líkamshlutar einnig
Brjóstin fengu 11% atkvæða
Aðrir skráðir hlutar fengu ekkert atkvæði eða 0%.
Þar með er ljóst að meirihluti kjósenda og þar með Íslendinga telur að rassinn sé fallegasti líkamshlutinn. Því get ég alls ekki mótmælt en vil þrátt fyrir það koma því á framfæri að þegar ég ,,tékka" stráka út, lít ég mjög sjaldan á rassinn. Það þýðir sem sagt ekkert að pota honum í mig ef þið viljið athygli.
Mjög kemur á óvart hvað brjóstin fengu fá atkvæði, aðeins 2 af 17 greiddum atkvæðum. Tel mig samt fullvissa um að þau hefðu fengið öllu fleiri atkvæði ef spurt hefði verið um líkamshluta sem fyrst er tekið eftir, eða hvað fær MESTU ATHYGLINA hjá þér.
Hvet alla sem vettlinginn geta valdið að kjósa í næstu könnun.
posted @ 20:00
+ + +
5.11.02
Ég brá út af vananum í dag og fór út að borða í hádeginu. Við vinkonurnar vorum búnar að mæla okkur mót á Svarta kaffi, þar sem við höfðum fregnir af því að þeir byðu uppá súpu í sértilgerðu súpubrauði. Þetta reyndist vera mjög ljúfengur og saðsamur matur. Ég átti meira að segja í stökustu vandræðum með að klára súpuna og brauðið sem fylgdi með. Náði sem sagt ekki að klára sjálfa skálina. Þannig að ég held að flestir yrðu saddir af þessu, nema e.t.v feitasta kona heims sem er rúm 700 kíló. Vara fólk við að fletta henni upp í Séð og heyrt! Ég sá þátt í Guinness World records um daginn þar sem 600 kíló kona, fyrrvernandi feitust, léttist um tæp 400kg. Eftir megrunina - fitusprenginguna, þurfti hún að fara í lýtaaðgerð til að taka af sér AUKA húð. Þar fóru einhverjar FÖTUR af húð. Hún er að sjálfsögðu ennþá feit en það er ekkert í samanburði við það sem hún var.
Ef að hún getur losnað við 400 hlýt ég að geta losnað við nokkur hér og þar.
Ég ætti kannski að koma með veitingahúsagagnrýni til móts við kvikmyndagagnrýni Sigurjóns þeir sem vilja styrkja hana er beint á Gestabókina mína þar sem þið getið lagt inn upplýsingar og ég hef samband sem fyrst!
posted @ 16:46
+ + +
Síðasti séns til að kjósa fallegasta líkamshlutann er í dag. Kosningin rennur út þega ég vakna á morgun, sem verður einhvern tímann fyrir hádegi!
Eins og staðan er núna er hörð barátta á milli augna og óæðri endans. Ég hvet alla til að kjósa sem fyrst!
Ég er að hugsa um að breyta sem minnstu á þessari síðu næstu daga svo að ég fái nú ekki endanlegt ógeð. Vona að þið sættið ykkur við þessa útgáfu í bili.
posted @ 16:30
+ + +
4.11.02
Búin að vera að REYNA að fegra þessa síðu, án teljanlegs árangurs. Það er víst ekki gott að fikta í html þegar maður kann ekkert á það. Þetta heilræði var í boði Hafdísar. Veit að síðan er ekki upp á marga fiska núna, en vonast til að ná henni í lag í dag eða á morgun. Þangað til verðið þið bara að sýna þolinmæði og passa að gefast ekki upp á mér. Ef þetta gengur ekki hjá mér fer ég einfaldlega aftur í gamla formið, þó að ég sé ALLS EKKI ánægð með það. Sumt verður maður víst að sætta sig við og ég jarða þá bara gömlu þrjóskuna.
Þá verður það víst bara ég VEIT EKKI, ÉG GET EKKI en ÉG VIL.
Þangað til, sæl að sinni.
posted @ 22:39
+ + +
3.11.02
Lagaði linkinn á greindarvísitöluprófið.
Getið líka nálgast hann hér ef þið hafið áhuga.
posted @ 12:53
+ + +
Var að lesa helvíti góða bók í kvöld. Hún var um stjörnumerki, hvernig þau passa saman, lýsingu á sambandinu og lýsingu á merkjunum sér. Að sjálfsögðu las ég fiskamerkið spjaldanna á milli þar sem ég hef MJÖG MIKINN áhuga á öllu svona.
Þar fann ég til dæmis klausu um gleymni fiskanna og áráttu þeirra til að vera alltaf í eigin draumaheim. Ég kannaðist svona smá við þetta og hélt áfram að lesa. Dæmið um hve gleymin VIÐ getum verið var eitthvað á þessa leið:
Fiskurinn situr inn í sófa og ákveður síðan að fara fram í eldhús og ná sér í eitthvað. Á leiðinni fram í eldhús byrjar hann að hugsa um eitthvað og þegar á leiðarenda er komið er hann búinn að steingleyma hvað hann ætlaði að sækja. Þetta kemur svona ca. milljón sinnum fyrir mig á hverjum degi. Ég fer alltaf að hugsa um eitthvað allt annað og steingleymdi hvað ég ætlaði að sækja eða gera. Þar stendur líka að við gleymum oft hvar við lögðum fyrir utan verslanamiðstöðvar - það hefur að vísu aldrei komið fyrir mig. Ég hef nú samt rekið mig á það að gleyma hvert ég var að keyra og EINSTÖKU sinnum gleymi ég að beygja en það kemur fyrir besta fólk. Í framhaldi af þessu fór ég að ímynda mér ( enn einn dagdraumurinn) hvernig ég yrði á elliheimilinu. Ég á örugglega eftir að gleyma að pissa í öllum hamagangnum við að standa uppúr stólnum...Held að ég ætli bara strax að fara að kvíða fyrir.
Ég er að vísu búin að finna ráð við þessu vandamáli mínu. Til þess að muna hvað ég ætlaði að sækja, gera eða segja þyl ég það bara
( upphátt ef ég get en annars í hljóði) stanslaust þangað til að ég er byrjuð að gera það. Búin að komast að því að ég man yfirleitt hvað ég er að gera þegar ég er að gera það - bílinn er undantekning. Það að gleyma sér í dagdraumum í stað þess að lesa leiðinlega kennslubók er samt mjög eðlilegt og kemur fyrir besta fólk.
Jæja, ég er að hugsa um að fara að sofa áður en ég gleymi því.
Góða nótt....
posted @ 01:17
+ + +
2.11.02
Þetta er svona týpískt eitthvað sem kæmi fyrir mig ef ég þyrfti að fara í aðgerð.
Fann þetta á mbl.is
posted @ 13:31
+ + +
Gleðidagur, gleðidagur.
Loksins er ég búin í þessari ljótu prófatörn. Rétt í þessu var ég að koma hoppandi út úr aðalbyggingu eftir að hafa lokið fjórða og síðasta prófinu. Þvílíkur léttir. Við tekur þvílík djammtörn að hvílíkt og annað eins hefur sjaldan heyrst! Nei, ég held barasta að ég ætli að sofa næstu helgarnar og ætla ALLS EKKI að læra á föstudagskvöldum fyrr en í desember.
Væri svo til í að fara í eitthvað brjálæðislega skemmtilegt partý í kvöld. Hver pant halda partý?
Alveg til í að flippa smá út...
posted @ 13:19
+ + +
1.11.02
Þetta er svona í meðallagi fyndið. Viðkvæmir og þeir sem hafa lítinn áhuga á kynlífi ættu ekki að vippa sér inn á þessa síðu.
posted @ 16:00
+ + +
Samkvæmt greindarprófi er greindarvísitalan mín 132 stig. Mér tókst að svara 48 spurningum af 60 rétt. Svakalega klár.
Getið nálgast það hérÞað er samt frekar langt, svo að þið verðið að hafa smá tíma aflögu.
Gangi ykkur vel!
posted @ 13:41
+ + +
Verið að leggja lokahönd á plóginn.
Frjálsíþróttafólk sér fram á bjartari tíð, með blóm í haga. Loksins getum við farið að hlaupa lengra en 60m...
Frjálsíþróttaaðstaða í Egilshöll að verða tilbúin. Skoðið dýrðina hér.
posted @ 12:37
+ + +
